„ჩაირინა ჯორჯია“ პრემიუმხარისხის ჩაის კომპანიაა, რომელიც დაფუძნდა ქართველი და სინგაპურელი პარტნიორების მიერ. ბრენდის სტრატეგია ეფუძნება მომხმარებლებისთვის მხოლოდ უმაღლესი ხარისხის ჩაის შეთავაზებას. აქ წარმოდგენილი ფართო ასორტიმენტის პროდუქცია 100%‑ით ბუნებრივია და მორგებულია უმაღლეს სტანდარტს. „ჩაირინას“ ჩაის მრავალფეროვანი პროდუქცია გათვლილია ნებისმიერი გემოვნების ადამიანზე და თითოეული სახეობის განსაკუთრებული არომატი გულგრილს ვერავის დატოვებს. დეტალური ინფორმაციისთვის OK! გაესაუბრა „ჩაირინას“ ქართველ დამფუძნებელ სალომე მიმინოშვილს.
გვიამბეთ „ჩაირინას“ ისტორია.
„ჩაირინა“ არის ჩემი და ელენის (სინგაპურელი თანადამფუძნებელი) განხორციელებული საერთო სურვილი, გავანებივროთ მომხმარებლები ძვირფასი ჩაის გამორჩეული არომატებით და გემოებით. საბანკო კარიერაზე უარის თქმის მთავარი მიზეზი იყო სწორედ საკუთარი საქმიანობის წამოწყება, რომლითაც იამაყებდა ჩემი ოჯახი (მეუღლე და სამი შვილი). ამდენად, 2020 წლის 7 თებერვალს დავაფუძნეთ კომპანია „ჩაირინა ჯორჯია“, თუმცა სულ მალე მთელ მსოფლიოსთან ერთად დავდექით დიდი გამოწვევის წინაშე. რა თქმა უნდა, ჩვენთვის უფრო მარტივი იქნებოდა ბიზნესის გაჩერება, მაგრამ გადავწყვიტეთ მოვრგებოდით ახალ რეალობას და შესაბამისად, ინვესტიციები მივმართეთ მოქნილი, მომხმარებელზე მორგებული, სწრაფი და ხარისხიანი ვებპლატფორმის შესაქმნელად, და ჩვენს მომხმარებელს შევთავაზეთ „ჩაირინას“ ონლაინმაღაზია (www.chairina.com), რომელიც უმოკლეს დროში აძლევს შესაძლებლობას ჩვენს მყიდველს, მიიღოს სასურველი პროდუქცია შინიდან გაუსვლელად.
„ჩაირინამ“ საწყის ეტაპზე შექმნა ყველაზე ძვირფასი, ცნობილი და ყველასათვის საყვარელი აზიური ჩაის სახეობების ხაზი − Flavours of Asia. ჩვენს ონლაინმაღაზიებში აგრეთვე წარმოდგენილია 100%-ით მცენარეული ნაყენები, მათ შორის დეტოქსის ხაზი. აღსანიშნავია ის ფაქტიც, რომ ჩვენს ონლაინმაღაზიაში შეძლებთ ჩაისთვის განკუთვნილი განსხვავებული ჭურჭლისა და აქსესუარების შეძენას.
მთავარი ნიშა, რომელიც „ჩაირინას“ გამოარჩევს…
უპირველესად, მნიშვნელოვანია მყარი ურთიერთობების შენარჩუნება ჩაის ფერმერებთან აზიაში, რაც ხარისხიანი ფოთლების გარანტიას იძლევა. არანაკლებ მნიშვნელოვანი როლი აკისრიათ ჩვენი ჩაის სპეციალისტებს, რომლებიც მუდმივად მუშაობენ ჩაის უნიკალურ გემოებზე, რათა გაანებივრონ ჩვენი მომხმარებლები ახალი, გამორჩეული არომატებითა და გემოებით.
გვესაუბრეთ „ჩაირინას“ სასაჩუქრე ყუთებთან დაკავშირებით.
„ჩაირინას“ პროდუქტი გათვლილია პრემიუმსეგმენტზე და მათთვის, ვინც მზად არის მხოლოდ მაღალ ხარისხში გადაიხადოს თანხა. ამისი დასტურია, ქართულ ბაზარზე გამოჩენის დღიდან მომხმარებლის მზარდი მოთხოვნა ჩვენს სასაჩუქრე ნაკრებებზე, რომელიც შეიქმნა სწორედ იმისთვის, რომ ძვირფასი ჩაი გახდეს ერთ-ერთი ყველაზე გამორჩეული საჩუქარი.
გაგვაცანით „ჩაირინას“ სამომავლო გეგმები.
უახლოეს მომავალში „ჩაირინას“ პროდუქციას დაემატება ქართული ხილისგან დამზადებული სხვადასხვა სახეობის ჩაის ხაზი, რომელიც ეკოლოგიურად სუფთა და ყოველგვარი დანამატის გარეშე იქნება.
ამასთან, „ჩაირინას“ გუნდი აქტიურად მუშაობს საბავშვო (უკოფეინო) ჩაის ხაზის შექმნაზე. შესაბამისად, ძალიან გვიხარია, რომ სულ მალე გვეყოლება განსხვავებული გემოვნებისა და ასაკის მომხმარებელი.
„ჩაირინას“ საკონტაქტო ინფორმაცია:
Facebook: Chairina • ჩაირინა
Instagram: chairinageorgia
ონლაინმაღაზია: www.chairina.com
ტექსტი: მარიამ მთივლიშვილი
ფოტო: ალექსეი სეროვი
