OK! გაესაუბრა ერთ-ერთი ყველაზე გამორჩეული ქართული ბრენდის, Skin Care Georgia-ს, შემქმნელს, იამზე კრუაშვილს. აღნიშნული ბრენდი გამოირჩევა იმ საუკეთესო და ეფექტური თავის მოვლის საშუალებებით, რომელთაც აწარმოებს. უმნიშვნელოვანესია ისიც, რომ აქ წარმოდგენილი პროდუქცია ცივი დაწურვის მეთოდით, ნატურალური ზეთებითა და ინგრედიენტებით მზადდება. რითაც ბრენდმა შექმნის დღიდან მომხმარებელს არაერთხელ დაუმტკიცა სანდოობა, რაც მისივე პროდუქციისადმი მოთხოვნილების მუდმივი ზრდით გამოიხატება.
როგორ იქმნება თქვენი პროდუქცია?
Skin Care Georgia-ს თავის მოვლის საშუალებები იქმნება რაჭის მთებში შეგროვილი მცენარეებითა და ბალახებით, რომლითაც მზადდება ზეთები და ჰიდროლატები, ყოველგვარი კონსერვანტებისა და პარაბენების გარეშე, რაც უზრუნველყოფს პროდუქციის უსაფრთხოებასა და საუკეთესო შედეგს.
რა სახის პროდუქციას სთავაზობთ მომხმარებლებს?
Skin Care Georgia-ში შესაძლებელია დღის და ღამის ანტიეიჯ კრემების, თვალის ირგვლივ მოსახმარებელი საცხის, აკნეს საწინააღმდეგო კრემის, ჰიალურონის შრატის, ჰიალურონის საცხის (ნაოჭებისთვის), მაკიაჟის კოსმეტიკური რძის, ტონიკის, ვარდის გამწმენდის, შიმერის, ყავის სკრაბის, აკნესა და პიგმენტებისთვის განკუთვნილი თხევადი საპნის, ტანის დამატენიანებლისა და თმის ცვენის საწინააღმდეგო კრემების შეძენა.
მთავარი ნიშა, რაც თქვენს პროდუქციას გამოარჩევს.
ჩემი პროდუქცია, როგორც აღვნიშნე, არის სრულიად ბუნებრივი და უსაფრთხო. უმნიშვნელოვანესია ის ფაქტი, რომ ნებისმიერი მათგანის გამოყენების დაწყებიდან უმცირეს დროში შედეგის დანახვა შესაძლებელია, რითაც ვახერხებთ ჩვენი მომხმარებლის კმაყოფილების დონის ზრდასა და მათ გაბედნიერებას. ამდენად, თამამად შემიძლია ვთქვა, რომ Skin Care Georgia-ს ნამდვილად შეუძლია ადამიანების თავდაჯერებულობის დონის ამაღლება და მათ ესთეტიკაზე ზრუნვა.
რა წარმოადგენს თქვენს მთავარ ინსპირაციის წყაროს?
ჩემს მთავარ ინსპირაციის წყაროს მადლიერი მომხმარებლები წარმოადგენენ, რომლებიც მუდმივ სიახლეს ელიან ჩემგან, შემდეგ კი თავიანთ ემოციას მიზიარებენ, რაც ჩემთვის უმნიშვნელოვანესია Skin Care Georgia-ს გახსნის პირველივე დღიდან.
Skin Care Georgia-ს საკონტაქტო ინფორმაცია:
Facebook: https://www.facebook.com/skincaregeorgia/
Instagram: https://instagram.com/skincaregeorgia?utm_medium=copy_link
ტექსტი: მარიამ მთივლიშვილი
