ჟურნალ OK!-ის მკითხველი კარგად იცნობს „დრიმლენდ ოაზისს“. ეს არის პრემიუმკლასის დასასვენებელი და საცხოვრებელი კომპლექსი, რომელიც გაშენებულია 13 ჰექტარზე, ეკოლოგიურად სუფთა ზონაში. Dreamland Oasis Chakvi მომხმარებელს ბუნებასთან ჰარმონიას, განტვირთვასა და დაუვიწყარ მოგონებებს ჰპირდება. თუ რით იქნება წლევანდელი სეზონი განსხვავებული, ამ საკითხთან დაკავშირებით მარკეტინგის დეპარტამენტის ხელმძღვანელი ნინო ორაგველიძე გვესაუბრა.
რას უნდა ელოდოს დამსვენებელი ამ სეზონზე Dreamland Oasis Chakvi-ისგან?
„დრიმლენდ ოაზისი“ ორიენტირებულია მუდმივ სიახლესა და განვითარებაზე. ყოველთვის ვცდილობთ, მომხმარებელს შევთავაზოთ ახალი სერვისები. არც ეს სეზონი იქნება გამონაკლისი − დამსვენებელს დაუვიწყარი შთაბეჭდილებები, კომფორტული დასვენება და ხარისხიანი მომსახურება ელის.
Dreamland Oasis Chakvi-ის ტერიტორია მაქსიმალურად ათვისებულია სავარჯიშო, გასართობი, შემეცნებითი, დასასვენებელი ადგილებით: თემატური კვების ობიექტები, ზღაპრული აკვაპარკი, ნახევარკილომეტრიანი კეთილმოწყობილი სანაპირო ზოლი, აუზები, 3D, 7D და 9D-კინოთეატრები, ბოულინგი, ბილიარდი, სათამაშო აპარატები და სპორტული მოედნები.
დაგვემატა ორი განახლებული აუზი, ასევე სქაი ლაუნჯი, საიდანაც ზღვისა და მთების საოცარი ხედი იშლება.
გარდა ამისა, მინდა აღვნიშნო, რომ სრულიად შეიცვალა და განახლდა კვების ობიექტების მენიუ. შესაბამისად, დამსვენებელს ელის ახალი გემოების აღმოჩენის სიამოვნებაც.
გვესაუბრეთ Dreamland Oasis Chakvi-ის კონცეფციაზე.
ჩვენი მთავარი კონცეფციაა მეტი სიმწვანე, ბუნებასთან ახლოს ყოფნა და მეტი თავისუფლება − ადამიანმა აირჩიოს ის, რაც სურს. გაინებივროს თავი და დაისვენოს ისე, როგორც უნდოდა მთელი წლის განმავლობაში. ჩვენ სწორედ ამაში ვეხმარებით მათ.
გვიამბეთ კომპლექსის უპირატესობების შესახებ.
ჩვენმა ერთგულმა დამსვენებელმა უკვე იცის, რომ აქ მათ ელით სრული კომფორტი. ჩვენი გუნდი მთელი წელი მუშაობს იმისთვის, რომ მათი საუკეთესო დღეები უზრუნველყოს. რაც ყველაზე მნიშვნელოვანია, ყველა მათგანს ამ ადგილთან სასიამოვნო ემოცია აკავშირებს, რომელიც მათ კვლავ ჩვენთან აბრუნებს, რადგან ემოციები, რომლებსაც მათ „დრიმლენდ ოაზისი“ ანიჭებს, შეუცვლელია.
ასევე, მინდა აღვნიშნო პროფესიონალთა გუნდი, რომელიც ზრუნავს დამსვენებლის კომფორტზე. სწორედ ამიტომ მომსახურება ჩვენი საიმიჯო ბარათია − დაწყებული რესტორნების მომსახურებიდან, დამთავრებული სასტუმროს ადმინისტრაციით. ყველგან დასაქმებულია გამოცდილი კადრი, რომლებსაც ესმით და ზუსტად იციან, რა სურს მის მომხმარებელს. შესაბამისად, კარგად დატრენინგებული კადრი უდრის ნაკლებ შეფერხებებს მომსახურების სფეროში.
შეგვიძლია თამამად ვთქვათ, რომ „დრიმლენდ ოაზისი“ პატარა ქალაქია, რომელიც ბედნიერი, ენერგიული მომენტებით გავსებს და გაწვდის ყველა აუცილებელ მომსახურებას სივრციდან გაუსვლელად.
ტექსტი: სოფიო მალანია
