დღეს მსოფლიოში ძუძუს კიბოს მილიონობით ქალი ებრძვის, სტატისტიკურად ყოველი 8 ქალი (დაახლოებით 12.5%). პირველი სტადიის აღმოჩენის შემთხვევაში, გადარჩენის შანსი 90-99%-მდე აღწევს. სწორედ ამის მაგალითია ბრიტანელი პოპვარსკვლავი ჯესი ჯეი, რომელმაც საზოგადოებას გულწრფელად გაუზიარა თავისი ჯანმრთელობის ამბავი.
მომღერალს მკერდის კიბოს ოპერაცია ივნისის შუა რიცხვებში ჩაუტარდა. საბედნიეროდ, დიაგნოზი ადრეულ ეტაპზე დაუსვეს, რის გამოც მდგომარეობა ოპერაციას დაექვემდებარა. მომღერალი ამჟამად სახლშია და რეაბილიტაციის პროცესს გადის.
Instagram პოსტში მადლობა გადაუხადა ექიმებს, მედ პერსონალს და ოჯახის წევრებს:
„ყოველთვის ვხედავ, როგორც კარგ, ისე რთულ მხარეებს ნებისმიერ გზაზე, რომელსაც გავდივარ. უზომოდ მადლიერი ვარ ჩემი ექიმის, ქირურგის და იმ ყველა მედდის, ვინც ჩემზე იზრუნა. ასევე ოჯახისა და მეგობრების, ვინც საავადმყოფოში ჩემთან ერთად იყვნენ“.
View this post on Instagram
