#OK! ყოფილები: ბრედ პიტი და გვინეტ პელტროუ

#ყოფილების ყოველკვირეული რუბრიკა გრძელდება. მომდევნო ყოფილი ვარსკვლავური წყვილი ბრედ პიტი და გვინეტ პელტროუ არიან. მიუხედავად იმისა, რომ მათი ურთიერთობა რამდენიმე წლის წინ დასრულდა, მათ ერთმანეთზე ზეგავლენის მოხდენა კვლავ შეუძლიათ. კერძოდ, ბრედ პიტმა გასულ წელს კოსმეტიკური ბრენდი შექმნა, რომლის ინსპირაციაც მისი ძველი სიყვარული, გვინეტ პელტროუ გახდა.

გვინეტმა და ბრედმა ერთმანეთი Seven-ის გადასაღებ მოედანზე, 1994 წელს გაიცნეს.

ურთიერთობის დაწყების შემდეგ, 1995 წლის 26 აპრილს ისინი წითელ ხალიჩაზე ერთად პირველად გამოჩნდნენ.

1995 წლის მაისში გვინეტი და ბრედი წყვილის სტატუსით პირველად მიდიან დასასვენებლად St. Barts-ში.

1996 წლის 21 იანვარს ბრედმა “ოქროს გლობუსის” დაჯილდოებაზე გვინეტს საჯაროდ “თავისი ანგელოზი” უწოდა.

1996 წლის 21 აგვისტოს, ყველასგან მოულოდნელად, გვინეტმა განაცხადა, რომ ის და ბრედი საუკეთესო მეგობრები იყვნენ.

1996 წლის დეკემბერში ბრედი და გვინეტი არგენტინაში დაინიშნნენ.

1996 წლის 25 დეკემბერს ბრედმა საცოლე ოჯახის წევრებს გააცნო.

1997 წლის 3 აპრილს ბრედმა ერთ-ერთ ინტერვიუში აღნიშნა, რომ ერთი სული ჰქონდა, როდის მოიყვანდა ცოლად გვინეტ პელტროუს.

1997 წლის 16 ივნისს წყვილი ერთმანეთს დაშორდა.

2003 წელს გვინეტმა ურთიერთობის დასრულებაში საკუთარი თავი დაადანაშაულა.

2015 წელს კი აღნიშნა, რომ ბრედი ზედმეტად კარგი იყო მისთვის.

2022 წელს ბრედმა საჯაროდ უთხრა გვინეტს, რომ მისნაირი მეგობრის ყოლა დიდი ბედნიერებაა.

ყოფილ ვარსკვლავურ წყვილს დღემდე აკავშირებს მეგობრული ურთიერთობა.