2025 წლის 27 ივნისს ჯეფ ბეზოსმა და ლორენ სანჩესმა თავიანთი სამდღიანი ვენეციური ზეიმის მთავარი ღონისძიება კერძო ცერემონიით დაიწყეს. სან ჯორჯო მაჯორეს ისტორიულ კუნძულზე, სან მარკოს რაიონში.
ცერემონიაზე დაახლოებით 200 მოწვეული ვარსკვლავი, მათ შორის კარდაშიან-ჯენერის ოჯახი, ბილ გეიტსი, კარლი კლოსი, ოპრა უინფრი და აშერი ნავებში ჩასხდომისას დააფიქსირეს. ამ კადრების შემდეგ სოციალურ მედიაში ფოტოების გამოქვეყნება შეწყდა, რაც მიანიშნებს, რომ სტუმრებს მათი გამოქვეყნება აეკრძალათ.
პატარძლის კაბა საზოგადოებამ Vogue-ის ყდაზე იხილა. მის შექმნას ნახევარ წელიწადზე მეტი დასჭირდა და ექსკლუზიურად Dolce & Gabbana-მ დაამზადა. საღამოს განმავლობაში ლორენმა კაბა ორჯერ გამოიცვალა. მათ შორის ერთ-ერთი Oscar de la Renta-ს 175,000 ბრილიანტით მოქარგული კოქტეილის კაბა.
მუსიკალური ნაწილი საიდუმლოდ დარჩა, თუმცა იტალიურმა მედიამ გაავრცელა, რომ ანდრეა ბოჩელის შვილმა, მატეომ, საღამო ელვის პრესლის სიმღერით “Can’t Help Falling in Love” გახსნა.
