პირველ აპრილს, ლოს ანჯელესში Dolby-ის თეატრში iHearRadio-ს 2024 წლის დაჯილდოება გაიმართა, რომელზეც საღამოს ერთ-ერთმა ვარსკვლავმა ბიონსე ნოულზმა “იონვატორის ჯილდო” მიიღო. მომღერალი დაჯილდოებაზე ვინტაჟური სამოსით გამოჩნდა, რომელიც Versace-ს 1992 წლის კოლექციიდანაა, ბიონსეს ჯილდო კი სტივი უანდერმა გადასცა.
“ინოვაცია იწყება ოცნებით, როდესაც ინოვატორი ხარ, გჯერა იმის, რაც ყველას დაუჯერებლად და შეუძლებლად მიაჩნია. ინოვატორებს ხშირად აკრიტიკებენ, მაგრამ უნდა ვენდოთ ღმერთს და ის სწორ გზაზე დაგვაყენებს. ეს არ არის Country ალბომი, ეს არის Beyonce-ს ალბომი, რომელსაც 5 წელი დასჭირდა. Cowboy Carter მინდოდა პანდემიის დროს გამომეშვა, მაგრამ ამ დროს მსოფლიოში რთული ვითარება იყო და გადავიფიქრე, მე ვენდე ღმერთს და სწორი დრო შემარჩევინა ამისთვის. მინდა მადლობა გადავუხადო ყველა სტუდიას, რადიო სადგურს, დაჯილდოების შოუს, იმიტომ, რომ მენდობიან” – განაცხადა ბიონსემ ჯილდოს მიღების შემდეგ.
