მიაჩნია, რომ წარმატება დაუღალავ შრომას და სიახლეებისკენ მუდმივად სწრაფვას მოაქვს, ასევე გუნდურად მუშაობის პრინციპს, რაც აუცილებელია იმისთვის, რომ ბიზნესმა უწყვეტ რეჟიმში განაგრძოს მდგრადი ფუნქციონერება. „OK! ბათუმთან“ წარმატებულ ბიზნესსა და მნიშვნელოვან სიახლეზე სარეკლამო კომპანია Beta Print-ის გენერალურმა მენეჯერმა, გენო ირემაძემ ისაუბრა.
როგორი იყო Beta Print-ის შექმნისა და შემდგომი განვითარების ეტაპები?
Beta Print-მა ფუნქციონირება 2008 წლიდან დაიწყო. მოგეხსენებათ, ყველა ბიზნესის საქმიანობის დასაწყისი რისკებთან არის დაკავშირებული, არც ჩვენ ვიყავით გამონაკლისი. დიდი შრომა და ძალისხმევა ჩავდეთ განვითარებაში, რომლის საწინდარიც სწორი მიმართულებით სვლა იყო. სარეკლამო ბაზრის განვითარების ეტაპებს მივყვებოდით, სწორედ ამ გათვლებზე მორგებულებმა ჩავდეთ ინვესტიცია, რამაც მოგვცა ის შედეგი, რაც დღეს გვაქვს და რასაც იმავე მიდგომით ვაგრძელებთ.
მოახერხეთ და შეძელით ფეხი აგეწყოთ თანამედროვე გამოწვევებისთვის, სარეკლამო სფეროში დაიმკვიდრეთ თქვენი ნიშა. როგორ ფიქრობთ, რამ განაპირობა აღნიშნული წარმატება?
სარეკლამო სფერო მრავალფეროვანი და ამოუწურავია, რომელში დამკვიდრებაც ძალიან დიდი შრომის და ძალისხმევის შედეგია. ჩვენს შემთხვევაში, წარმატება განპირობებულია მაღალკვალიფიციური გუნდით, რომლის შედეგი თანამედროვე, მსოფლიოს უახლესი მეთოდებით მუშაობის სისტემის შექმნა და გონივრული ინვესტიციაა.
რა სერვისს სთავაზობს „ბეტა პრინტი“ საზოგადოებას?
ჩვენი სერვისი ფართოდაა მორგებული როგორც დიდ ბიზნესსაქმიანობაზე, ასევე მცირე მეწარმეებზე, შესაბამისად, ორივე საკითხს თანაბარი ყურადღებით ვუდგებით. აქაც ჩვენი ოქროს გასაღები ხარისხი და ოპერატიულობაა. დღეის მდგომარეობით ჩვენს მომხმარებლებს ვთავაზობთ სრულ სარეკლამო მომსახურებას (დიზაინი, ბრენდინგი, გარე რეკლამა, ინტერიერის გაფორმება, პრომო მასალის ბრენდირება), პოლიგრაფიული მომსახურება, ივენთებისა და ღონისძიებებების ორგანიზება, ლედ მონიტორის იჯარა.
რას ნიშნავს თქვენთვის ემოციები, რომელსაც კმაყოფილი მომხმარებელისგან იღებთ?
ჩვენი გუნდისთვის პრიორიტეტი ხარისხი და ოპერატიულობაა. ყოველი კმაყოფილი მომხმარებელი ჩვენთვის დამატებითი სტიმული და მოტივაციაა. ერთი კმაყოფილი მომხმარებელი ნიშნავს განუსაზღვრელ ბედნიერებას, ემოციას და ძალას. სასიამოვნო განცდაა, როცა რაღაც ისეთს ქმნი, რითაც დადებით უკუკავშირს იღებ. ბიზნესის ჭრილში რომ განვმარტო, ერთი კმაყოფილი მომხმარებელი ნიშნავს დამატებით 10 მომხმარებელს და გაუმჯობესებულ შემართებას კიდევ ბევრი კმაყოფილი მომხმარებლის შესაძენად.
რას მიიჩნევთ თქვენს ძლიერ მხარედ, რომელიც გეხმარებათ სწორი მიმართულებების პოვნასა და გაძლიერებაში?
ვფიქრობ, ჩვენთვის ძლიერი მხარე გუნდურობაა. კადრების შერჩევაც ამ პრინციპით ხდება, რაც, ალბათ, დამეთანხმებით, სწორ მენეჯმენტს მოაქვს, სწორი მენეჯმენტი კი წარმატებული ბიზნესის საწინდარია.
შეკვეთა, რომელიც არასდროს დაგავიწყდებათ…
დაუვიწყარი შეკვეთა ბევრია. გამიჭირდება კონკრეტულად ერთი რომელიმეს მოყოლა, თუმცა ყველაზე ემოციური იყო, როდესაც ერთ- ერთი გერმანული ბრენდისთვის (რომელიც მსოფლიოში აღიარებულია) ჩვენი დამზადებული პრომო მასალა გერმანიაში გაიგზავნა.
სიახლე, რომელიც „ბეტა პრინტს“ უკავშირდება.
სიახლეა ის, რომ მალე დასრულდება „ბეტა პრინტის“ ბაზის მშენებლობა, რომელიც ერთ-ერთი გამორჩეული იქნება საქართველოში.
