ბრიტანელმა მსახიობმა ბენედიქტ კამბერბეჩმა განაცხადა, რომ მზადაა უკრაინელი ლტოლვილები საკუთარ სახლში შეიფაროს. მსახიობი იმედოვნებს, რომ გახდება დიდი ბრიტანეთის მთავრობის პროგრამის წევრი, უკრაინიდან ლტოლვილების მისაღებად.
ბრიტანეთის კინოსა და სატელევიზიო ხელოვნების აკადემიის (BAFTA) დაჯილდოების ცერემონიაზე მსახიობი უკრაინის დროშის ფერის სამკერდე ნიშნით გამოჩნდა.
„ჩვენ ყველამ უფრო მეტი უნდა გავაკეთოთ, ვიდრე უბრალოდ სამკერდე ნიშნის ტარებაა. რეკორდული რაოდენობის შემოთავაზება შემოვიდა, ადამიანები მზად არიან ლტოლვილების საკუთარ სახლებში შესაყვანად. იმედია, მალე მათ რიგებს მეც შევუერთდები“, – აღნიშნა კამბერბეჩმა მოკლე ინტერვიუში.
შეგახსენებთ, ბენედიქტ კამბერბეჩი სანტა ბარბარაში 37-ე საერთაშორისო კინოფესტივალზე იმყოფებოდა. ჯილდოს გადაცემის დროს ის სცენაზე უკრაინის დროშით ავიდა და ამით უკრაინისადმი მხარდაჭერა გამოხატა.
ასევე იხილეთ:
#OK! პენელოპა კრუზს სანტა ბარბარას კინოფესტივალზე Montecito Award-ის პრესტიჟული ჯილდო გადასცეს
