ბელა ჰადიდი პალესტინური წარმოშობის, ამერიკელი მულტიმილიონერის მუჰამედ ჰადიდისა და ჰოლანდიელი მოდელის იოლანდა ფოსტერის ქალიშვილია.
მსოფლიოში ერთ-ერთი ყველაზე მაღალანაზღაურებადი ვარსკვლავი, რომელიც პლანეტის ულამაზეს ქალად არაერთხელ აღიარეს.
25 წლის მოდელი ხშირად აღნიშნავს, რომ სამოდელო ბიზნესში მუშაობა არცთუ ისეთი ბრწყინვალე და გლამურულია, როგორიც გარედან ჩანს.
მან რამდენიმე საათის წინ სოციალურ ქსელში საზოგადოებისთვის აქამდე უცნობი ფოტოები გაავრცელა და ფსიქოლოგიური და მენტალური ჯანმრთელობის პრობლემებზე ღიად ისაუბრა.
“გქონდეს განცდა, რომ საკმარისად კარგი არ ხარ, ბუნებრივია, თუმცა ამავდროულად ძალიან მტკივნეულია გასააზრებლად. ყველა ადამიანი განსხვავებულია, თითოეულს აქვს რაღაც განსაკუთრებული და უნიკალური. ადამიანებს ავიწყდებათ, რომ ძირითადად ყველა ერთნაირად ვგრძნობთ თავს: როდესაც არ იცი რისი გაკეთება გინდა, რა მიზანი აქვს შენს არსებობას, ხარ დაბნეული და საკუთარ გონებაშივე დაკარგული. ეს არის შფოთვა, რომელსაც ფარავ და თვალთმაქცობ, თითქოს ყველაფერი კარგადაა.”
“სოციალური მედია ნამდვილი არ არის. გთხოვთ, ვისაც გიჭირთ, აუცილებლად გახსოვდეთ ეს. ზოგჯერ ერთადერთი, რისი მოსმენაც გჭირდება არის ის, რომ მარტო არ ხარ, ასე რომ მე გეუბნებით, თქვენ მარტო არ ხართ. მიყვარხართ, გხედავთ და მესმის თქვენი. მენტალური პრობლემები / ქიმიური დისბალანსი სწორხაზოვანი არ არის… ხან ზევით ადის, ხანაც კიდევ ქვემოთ ჩამოდის. რაც მთავარია, მინდა იცოდეთ, რომ გვირაბის ბოლოს სინათლე ყოველთვისაა.”
“ამის გასაანალიზებლად დიდი დრო დამჭირდა, თუ იმუშავებ საკუთარ თავზე და მარტო ყოფნის დროს გააანალიზებთ შენს პრობლემებს, ტკივილს და ტრავმებს, ყოველთვის შეძლებთ ისწავლოთ უფრო მეტი, როგორ გაუმკლავდეთ ამ ყველაფერს.”
