AMOSA ქინძმარაული − რა თქმა უნდა, უპირველესად სადესერტო კერძები უხდება − წითელი ხილით დაწყებული, ალუბლის ტარტითა და სხვა ნამცხვრებით დამთავრებული.
AMOSA საფერავი − წითელ მშრალ ღვინოს უმჯობესია თუ მივირთმევთ წითელი ფერის ხორცეულთან. ახალი წლის კერძებიდან შესანიშნავად შეეხამება შემწვარ გოჭს და ხბოს ხორცს. შემწვარი ხორცი მშვენივრად დაარბილებს ღვინოში შემავალ ტანინებს.
AMOSA-ს წითელი ნახევრადტკბილი ღვინო შეგვიძლია ვცადოთ გუდის ყველთანაც. AMOSA ქისი − აპერიტივზეც კარგია და სადილის დროსაც. იდეალურად ეხამება დასავლეთ საქართველოს ძალზე მდიდარ სამზარეულოს. მიირთვით სხვადასხვა ტიპის თევზეულთან და ხიზილალასთან.
AMOSA წინანდალი − გამოირჩევა სასიამოვნო მჟავიანობით, თეთრი ატმისა და ტროპიკული ხილის ცინცხალი არომატებით. შეგიძლიათ მიირთვათ როგორც საცივთან და ქათმის ხორცის სხვადასხვა კერძთან, ასევე, ყველთან თუ სალათებთან.
AMOSA ხვანჭკარა − გამორჩეულია ჟოლოს ცინცხალი არომატითა და შავი და წითელი კენკრის სურნელით. შესანიშნავად შეეხამება გოზინაყსა და სხვადასხვა საახალწლო ნუგბარს.
ტექსტი: მარიამ მთივლიშვილი
ფოტო: ალექსეი სეროვი
