#OK! 8 ივლისს, INNERGATED ივენთ-სერია ერთი წლის იუბილეს აღნიშნავს

8 ივლისს, INNERGATED ივენთ-სერია ერთი წლის იუბილეს მის პარტნიორ SYNOID-თან ერთად კუს ტბაზე, Ciskari Garden-ის გარე სივრცეში აღნიშნავს და INNERGATED X SYNOID – Outdoor Rave: ACIERATE B2B GABRIELLE RITES•AIDEN•RAKETKA•THAM•TIGERHEAD•VENDEX -ზე გეპატიჟებათ.

ტექნო ღონისძიებების სერია INNERGATED და ტექნო ლეიბლი INNERGATE Records ბერლინში დაფუძნებული ქართველი არტისტის – გაბრიელ გვარამაძის (aka Gabrielle Rites) პროექტებია.

➤ INNERGATED ივენთ-სერია ერთი წლის წინ დაარსდა, თუმცა, მისთვის დამახასიათებელი უნიკალური ჟღერადობით, ექსკლუზიური არტისტებით და ორგანიზების მაღალი ხარისხით მსოფლიოს მასშტაბით მალევე გახდა ცნობილი. ღონისძიებების სერიის მიზანია მსმენელის, არტისტის და მუსიკის ერთმანეთთან დაკავშირება ქართულ-გერმანული ანდერგრაუნდ ესთეტიკის გაერთიანების გზით. სულ გამართული აქვს 10 ტექნო ივენთი საქართველოში (თბილისი, ბათუმი, ქუთაისი), გერმანიასა (ბერლინი) და საფრანგეთში (პარიზი).

➤ INNERGATE RECORDS – Hard Dance, ინდუსტრიული ტექნო ჟანრის მიმართულებით მსოფლიოში ერთ-ერთი წამყვანი და ყველაზე ხშირად მოსმენადი ლეიბლია SoundCloud-ზე. ლეიბლს აქვს 22.6k გამომწერი, 17,000 ყოველდღიული სტრიმი და ბოლო 6 თვის განმავლობაში 2 მილიონზე მეტი მსმენელი, რაც მრავალფეროვანი მუსიკალური პროექტების (რეგულარული რელიზები, VA და ეპიზოდური ალბომები, INNERGATE პოდკასტების სერია, #StandwithUkraine საქველმოქმედო ალბომი და ა.შ.) მიმდინარეობისას დააგროვა ბოლო 1 წლის განმავლობაში. ლეიბლი კოლაბორაციაშია ისეთ წამყვან არტისტებთან, როგორებიცაა: Amelie Lens, 999999999, Kobosil, Paula Temple, Hadone, Shlomo და ა.შ. INNERGATE აქტიურად თანამშრომლობს სხვადასხვა საერთაშორისო ლეიბლთან, მათ შორის ქართულ BRAVO Records-თან.

➤ Gabrielle Rites – ბერლინში მოღვაწე ქართველი არტისტი, DJ, პროდიუსერი და სელექტორია, რომელიც არტისტული კარიერის პარალელურად, ერთ-ერთი ყველაზე ხშირად მოსმენადი ტექნო ლეიბლის – INNERGATE RECORDS-ის და INNERGATED ივენთ-სერიის დამფუძნებელი და კურატორია. RITES-ის სეტები ძლიერი და ეკლექტური ხასიათით გამოირჩევა, რომელსაც მოაქვს ერთდროულად ენერგიული და ემოციური, აგრესიული და ეიფორიული, მეამბოხე და ენიგმატური განწყობა. მისი ძლიერი და კონტრასტული DJ სეტები აღტაცებას იწვევს მსმენელში და დიდხანს რჩება მათ ცნობიერ თუ ქვეცნობიერ სამყაროში.

➤ SYNOID – ბერლინის კლუბური კულტურის წამყვან ივენთ სერიას წარმოადგენს, რომელიც ცნობილია 65-საათიანი, გაუჩერებელი რეივებით, გლობალური ტექნო არტისტებით და ივენთების დროს შექმნილი დაუვიწყარი ემოციებით. მეტი ინფორმაციისთვის: synoid.de

➤ Acierate – ტექნო ლეიბლის და ღონისძიებების სერია SYNOID-ის დამფუძნებელი და კურატორია, რომელიც წლების განმავლობაში ბერლინის ტექნო საკლუბო სცენაზე მოღვაწეობს. მისი შემოქმედება და დიჯეი სეტები Hard Dance ელექტრონულ მიმართულებას მოიცავს და გამოირჩევა ძლიერი, ინდუსტრიული და აგრესიული ჟღერადობებით.