ორჰან ფამუქი „სტამბოლი. მოგონებათა ქალაქი“ – ორჰან ფამუქის მელანქოლიური ნაწარმოები სტამბოლს არა მხოლოდ თავისი ამოუცნობი და მშვიდი იერით, არამედ ოსმანური იმპერიისდროინდელი დიდებულებით წარმოგვიდგენს. ბავშვობასა და ახალგაზრდობაზე თხრობისას, მწერალი ქალაქს გვაცნობს, როგორც ამოცანას, რომელიც უნდა გავიცნოთ და შევიყვაროთ. ნაწარმოების წაკითხვა ქალაქის რუკასთან ერთად არის რეკომენდებული.
პიტერ მეილი „წელიწადი პროვანსში“ – დღემდე, ეს ნაწარმოები საფრანგეთის საუკეთესო ტურისტულ წიგნად არის მიჩნეული. მასში მოთხრობილია ახალგაზრდა ინგლისელი ცოლ-ქმრის ისტორია. მათ გააკეთეს ის, რაზეც ბევრი ადამიანი ოცნებობს: თავიანთი ყოფა რადიკალურად შეცვალეს, იყიდეს სახლი სამხრეთ საფრანგეთის ერთ-ერთ სოფელში და თავგადასავლებით აღსავსე ახალი ცხოვრება დაიწყეს.
პასკალ მერსიე „ღამის მატარებელი ლისაბონამდე“ – რომანის მთავარი გმირის, შვეიცარიელი პედაგოგის ცხოვრება მშვიდად და ერთფეროვნად მიედინებოდა, სანამ ერთხელ ხიდზე უცნობ პორტუგალიელ ქალს შეხვდებოდა. ამის შემდეგ ყველა მისი ფიქრი ამ ქალს და პორტუგალიას ეხება. საკუთარი თავისთვის მოულოდნელად, პედაგოგი ლისაბონში მიემგზავრება და უცხო ხალხის მიმზიდველ სამყაროში ეფლობა. პასკალ მერსიეს ეს ნაწარმოები ერთ-ერთ საუკეთესო ფილოსოფიურ რომანად არის მიჩნეული.
გრეგ მორტენსონი „3 ფინჯანი ჩაი“ – ისტორია იმაზე, თუ როგორ შეუძლია რიგით ადამიანს, რომელსაც სითამამის გარდა, არაფერი აბადია, მსოფლიო შეცვალოს. წიგნის ავტორი მუშაობდა ექთნად, ათენებდა მანქანაში, გადაიტანა საყვარელი დის სიკვდილი და მიზნად დაისახა, ყველაზე საშიში მთა დაელაშქრა. ექსპედიციაში მხოლოდ და მხოლოდ ადგილობრივი მცხოვრებლების წყალობით გადარჩა. ცივილიზაციისგან მოწყვეტილ სოფელში მოხვედრისას, მთავარი გმირი აანალიზებს, რომ ბავშვები ოცნებობენ, მაგრამ არ აქვთ შესაძლებლობა სკოლაში ისწავლონ და გადაწყვეტს სასწავლო პროცესს ორგანიზება გაუწიოს.
მარკ კურლანსკი „ჰავანა – პარადოქსების დედაქალაქი“
„ჰავანაში წინააღმდეგობები − ეს ცხოვრების სტილია. მოკლედ, თითქმის ყველა თანხმდება, რომ მეორე ასეთი ქალაქი მსოფლიოში არ არსებობს“, – წერს ამერიკელი მწერალი და ზუსტად იცის, რაზეც საუბრობს. სამეცნიერო-პოპულარული წიგნების ცნობილი ავტორი 30 წლის განმავლობაში რეგულარულად სტუმრობდა კუბას, იწერდა ცვლილებებს, ინტერესდებოდა მისი ისტორიით, ესაუბრებოდა ადგილობრივ მცხოვრებლებს. მისი დაუცხრომელი დაკვირვების, კირკიტისა და გამჭრიახობის წყალობით, წიგნის კითხვისას, ჰავანას ცხოვრების ნამდვილ რიტმს შევიგრძნობთ, რომელიც სავსეა საინტერესო დეტალებით მზიან ქალაქზე.
