,,საკუთარ ბიოგრაფიას რომ ვწერდე ასე დავიწყებდი, მე 1929 წლის 4 მაისს, ბელგიაში დავიბადე და 6 კვირაში მოვკვდი…” – ეს სიტყვები ლეგენდარულ მსახიობს ოდრი ჰეპბერნს ეკუთვნის.
ის დღემდე რჩება სილამაზის, სიკეთისა და სიყვარულის სიმბოლოდ. მისი ნამდვილი სახელი ოდრი კეთლინ რასტონია. ის ინგლისელ-ირნალდიელი ბანკირის, ჯოსეფ ენთონი რასტონისა და ფრანგ-ინგლისელ მეფეთა ჩამომავალი ჰოლანდიელი არისტოკრატის ბარონესა ელა ვან ჰეემსტას ერთადერთი შვილია. OK! გთავაზობთ 5 ფაქტს ოდრი ჰეპბერნის შესახებ, რომლებიც შესაძლოა აქამდე არ იცოდით.
..ბავშვობის პირველი და ყველაზე დიდი დარტყმა მაშინ მივიღე, როცა მამამ დაგვტოვა. ამ ტრავმამ უდიდესი კვალი დატოვა ჩემზე და მის შედეგად მთელი ცხოვრება არასრულფასოვნების, დაუცველობის შეგრძნება გამყვა. მამა ერთ დღეს უბრალოდ გაუჩინარდა. დედამ მითხრა, რომ ის სამოგზაუროდ წავიდა და აღარ დაბრუნდებოდა. ვხედავდი, რომ დედაჩემი ტირილს არ წყვეტდა და ვცდილობდი, მის გვერდით ვყოფილიყავი, მაგრამ 6 წლის ასაკში რთულია, ასეთი მოვლენა ბოლომდე გაიაზრო”.- აღნიშნავდა ერთ-ერთ ინტერვიუში ოდრი.
საზოგადოებას ოდრიმ თავის მისი შესანიშნავი სამსახიობო ნიჭით და საკულტო როლებით დაამახსოვრა თავი. ოდრი 22 წლის ასაკში ფრანგულ რივიერაზე აღმოაჩინა კოლეტმა, ცნობილმა ავტორმა, რომელმაც 1944 წელს დაწერა ნოველა სახელწოდებით „GIGI”. იმ დროს ჰეპბერნმა მცირე როლი ითამაშა ფილმში, Nous irons à Monte-Carlo. წარმოების დროს, იგი სასტუმროს ფოიეში შენიშნეს და ბროდვეის მომავალი მუსიკალური ადაპტაციისთვის მთავარი როლის შესრულება შესთავაზეს. ,,ფილმში მხოლოდ რამდენიმე სტრიქონს ვამბობდი”, – გაიხსენა მოგვიანებით ჰეპბერნმა. გავრცელებული ინფორმაციით, კოლეტმა ჩურჩულით თქვა: “Voilà, cestest Gigi” – “აქ არის ჯიჯი“.
მსახიობს ორი წარუმატებელი ქორწინება ჰქონდა. მისი პირველი ქმარი, მელ ფერერი მსახიობი იყო. მათ ერთმანეთი ბროდვეიზე დადგმულ სპექტაკლში – Ondine-ში მონაწილეობისას გაიცნეს. წყვილი 1954 წელს შვეიცარიაში დაქორწინდა, მოგვიანებით კი ვაჟი- შონ ჰეპბერნ ფერერი შეეძინათ. ოდრის და მელ ფერერის ქორწინებამ 14 წელს გასტანა.
მსახიონი 1969 წელს მეორედ დაქორწინდა, იტალიელ ფსიქიატრ ანდრეა დოტიზე, და საცხოვრებლად რომში გადავიდა. წყვილს ვაჟი – ლუკა შეეძინათ. ეს ქორწინებაც წარუმატებელი აღმოჩნდა ოდრისთვის და 1980 წელს დასრულდა.
ფილმ “რომაულ არდადეგებში” პროდიუსერები თავდაპირველად როლის მიცემას ელიზაბეტ ტეილორისთვის აპირებდნენ, მაგრამ რეჟისორ, უილიამ უაილერზე იმდენად დიდი შთაბეჭდილება მოახდინა ჰეპბერნის ეკრანულმა ტესტმა, რომ მან ტეილორს შედარებით უცნობი მსახიობი არჩია.
თავდაპირველად იგეგმებოდა, რომ ფილმის დასაწყისში მსახიობ გრეგორი პეკის სახელი გამოჩენილიყო ოდრის სახელი კი მაყურებელს, მხოლოდ ფილმის დასრულებისას ენახა, თუმცა ფილმის გადაღებების დაწყებიდან მალევე პეკმა დაურეკა თავის აგენტს და მოითხოვა – “ამ ფილმის ნამდვილი ვარსკვლავი ოდრი ჰეპბერნია”.
ჰეპბერნმა თავდაპირველად საბრინას კოსტუმების დიზაინის შექმნა Hubert de Givenchy-ს შესთავაზა. მსახიობმა მოდისადმი თაყვანისცემა გამოხატა Sabrina– ს გადასაღებ მოედანზე. „ტანსაცმელი ჩემი გატაცებაა“ – უთხრა მან ჟურნალისტს. ”მე მიყვარს ისინი იმ დონემდე, რომ ეს პრაქტიკულად ბოროტებაა.” მოგვიანებით Paramount Pictures-მა ჰეპბერნს საშუალება მისცა დაეტოვებინა სამოსი, რომელსაც ის სხვადასხვა როლებისთვის ირგებდა. ოდრის სახლში შეხვდებოდით სამოსს ისეთი ფილმებიდა, როგორებიცაა Funny Face (1957), Love in the Afternoon (1957) და Breakfast at Tiffany’s ( 1961). ” Givenchy-მ მომცა სტილი, დახვეწილობა”, – თქვა ოდრიმ. ”მან შემინარჩუნა ის სტილი, რომელიც მე მიყვარს. განა რა არის იმაზე ლამაზი ვიდრე ნახო უბრალო სხეული არაჩვეულებრივი სამოსით და საყურით?“
ამერიკელ მწერალს, ტრუმენ კაპოტას სურდა, რომ მერლინ მონროს ეთამაშა ჰოლი გოლიტლი ფილმში, საუზმე ტიფანისთან.
”ეს იყო ყველაზე არასწორი ქასთინგი, რაც კი ოდესმე მინახავს. მერლინ მონრო არ ითამაშებს საღამოს ქალბატონს”, – თქვა მონროს მოქმედმა მწვრთნელმა, პაულა სტრასბერგმა.
როლის აღება თავდაპირველად არც ოდრის სურდა.
”ძალიან რთული როლი იყო და არ მეგონა, რომ ამისთვის სწორი ვიყავი. საბოლოოდ რეჟისორმა, ბლეიკ ედვარდმა დამარწმუნა, რომ ამ პერსონაჟის განსახიერებას ნამდვილად შევძლებდი და მე გადავწყვიტე ვყოფილიყავი ელეგანტური ჰოლი გოლიტლი.“
