შეგახსენებთ, რომ ცოტახნის წინ ლეგენდარული იტალიური მოდის სახლის Dolce & Gabbana-ს დამფუძნებლებმა დომენიკო დოლჩემ და სტეფანო გაბანამ “ოტ კუტიურ” კოლექციის რეზენტაცია ქვეყნის ყველაზე რომანტიკულ ქალაქში, ვენეციის ულამაზეს ადგილებში გაიმართეს.
მოდის სახლის მიერ გამართულ “ალტა-მოდას” პრეზენტაციას უამრავი ცნობილი სახე დაესწრო.
გრძელი პოდიუმით, მეთვრამეტე საუკუნის ინსპირაციით შექმნილი გლამურული კაბებითა და ღონისძიების განსაკუთრებული სტუმრებით “ალტა-მოდას” სამდღიანი პრეზენტაცია ჰოლივუდის პავილიონს დაემსგავსა.
სტუმრებს შორის იყვნენ 48 წლის გერმანელი მოდელი ჰაიდი კლუმი და მისი 17 წლის ქალიშვილი ლენი, რომელიც ღონისძიებაზე არამხოლოდ სტუმრის, არამედ მოდელის სტატუსით წარსდგა.
ვარსკვლავურმა დედა-შვილმა გლამურული საღამოსთვის ბრენდის 2021 წლის Ready-To-Wear კოლექციის სამოსი მოირგო.
