აღმოსავლური კალენდრით 17 თებერვალს ცეცხლოვანი ცხენის წელი იწყება. ეს აღმოსავლური ჰოროსკოპის ერთ-ერთი ყველაზე აქტიური ნიშანია, რომელიც იღბალსა და დოვლათს მხოლოდ მიზანდასახულ და შეუპოვარ ადამიანებს მოუტანს. წლის ენერგია ყველა პროცესს დააჩქარებს, ამიტომაც დიდი ცვლილებების ტალღას უნდა ველოდოთ. წინ ბევრი მღელვარება გველის, თუმცა საბოლოო შედეგი ყველასთვის სასიამოვნო იქნება.
ამ წლის განმავლობაში ყველაზე მნიშვნელოვანია, რომ გადაწყვეტილებები ემოციებზე დაყრდნობით არ მიიღოთ. ეცადეთ, რომ არა მხოლოდ გარშემო მყოფებს, არამედ საკუთარ შინაგან ხმასაც მოუსმინოთ. ცხენი სწრაფი ცხოველია, თუმცა მისი გაწვრთნა და დამორჩილება შეიძლება, ამიტომ მნიშვნელოვანია, თითოეულმა ჩვენგანმა მასთან საერთო ენა იპოვოს და მისი მართვა ისწავლოს. ვინც „უნაგირზე მყარად იჯდება“, ის მაქსიმალურ პრივილეგიებს მიიღებს.
მნიშვნელოვანი რჩევები ჩინური ახალი წლის შესახვედრად
ბედნიერების, ბარაქისა და კეთილდღეობის მოსაზიდად, სასურველია, რომ ამ დღეს განსაკუთრებული კერძები მოამზადოთ, თუმცა, ერთი მნიშვნელოვანი დეტალი გაითვალისწინეთ – სუფრაზე ღორისა და საქონლის ხორცის მიტანას მოერიდეთ და უპირატესობა მწყერს, ქათამს ან ინდაურს მიანიჭეთ. მაგიდის შუაგულში შვრიით ან ხორბლით სავსე თეფში დადგით. სუფრაზე აუცილებლად უნდა იყოს ახალი ხილი, ბოსტნეული და მწვანილი.
დღესასწაულის აღსანიშნავად საუკეთესო ვარიანტი ოჯახური გარემოა. ხმაურიან დაწესებულებებს ნუ აირჩევთ, რადგან ცხენს მშვიდი გარემო და მეგობრული ატმოსფერო მოსწონს.
არც ცხენის ფიგურა დაივიწყოთ. უმჯობესია, მისთვის საპატიო ადგილი შეარჩიოთ — მაგალითად, სადღესასწაულო სუფრის ცენტრი ან რომელიმე შემაღლებული ადგილი.
რას უნდა ველოდოთ ცეცხლოვანი ცხენისგან 2026 წელს და როგორ გამოვიყენოთ მისი ენერგია
2026 წელი სასიკეთო ცვლილებებს გვპირდება, თუმცა ამისთვის ინიციატივა თქვენ უნდა გამოიჩინოთ. თუ ლოდინის რეჟიმში დარჩებით ან გადაწყვეტილების მიღებას დიდხანს მოანდომებთ, იღბალმა შეიძლება გვერდი აგიაროთ.
საჭიროა აქტიური ქმედება ცხოვრების ყველა სფეროში, განსაკუთრებით, ფინანსურ საკითხებსა და თვითრეალიზაციაში. დროა, სხვების იმედზე არ იყოთ და პასუხისმგებლობა საკუთარ თავზე აიღოთ.
მათ, ვინც „შესაფერის დროს“ დიდხანს ელოდა, მოქმედება და საკუთარი პროექტების განხორციელება უნდა დაიწყონ. მეწარმეებს შანსი ექნებათ, რომ ბიზნესი გააფართოონ – მთავარია, ეს შესაძლებლობა ხელიდან არ გაუშვათ.
მნიშვნელოვანია, რომ პირადი საზღვრების დაწესება ისწავლოთ და აჩვენოთ, რა პირობებით ხართ მზად დიალოგისთვის. შესაძლოა, სწორედ ამ წელს დაინახოთ იმ ადამიანების ნამდვილი სახე, რომლებიც დიდი ხანია, მხოლოდ ცხოვრებას გირთულებენ. ნუ მოგერიდებათ იმ კავშირების გაწყვეტა, რომლებიც წინსვლაში ხელს გიშლით.
და ბოლოს, გაითვალისწინეთ, რომ 2026 წლის 17 თებერვალი ემოციურად დატვირთული დღე იქნება, თუმცა, დაძაბულობასთან ერთად, ბევრი ახალი იდეა და აღმოჩენაც მოვა. რომ არ დაგავიწყდეთ, აუცილებლად ჩაინიშნეთ – არაფერს ტელეფონში გაკეთებული მოკლე ჩანაწერიც კი სჯობია.
ასევე დაგაინტერესებთ
#OK! ზოდიაქოს 5 ნიშანი, რომელსაც თებერვლის ბოლომდე იღბალი გაუღიმებს
