უამრავი ადამიანის აზრით ჰოლივუდი ის არ არის რაც ძველად იყო. შესაძლოა ეს სოციალური ქსელების შექმნამ და პოპულარიზაციამ გამოიწვია, რადგან დღეს დღეობით საკმაოდ ბევრი ვიცით ჩვენი საყვარელი ვარსკვლავების შესახებ და მათი პაპარაცული ფოტოები ელვის სიწრაფით ყოველდღიურად ვრცელდება. ბევრის თქმით დღეს ჰოლივუდი არც თუ ისე გლამურულია როგორც ოდესღაც იყო.
ძველი ჰოლივუდი იყო ბრწყინვალების, გლამურის და სიმდიდრის განსახიერება. ადამიანები კი რომლებიც ამ ჰოლივუდს ქმნიდნენ დღეს ლეგენდებად მოიხსენიებიან.
OK! წარმოგიდგენთ ფაქტებს ჰოლივუდის ერთ–ერთი ლეგენდის, ელიზაბეთ ტეილორის შესახებ, რომელიც მისი შესანიშნავი ნიჭის გარდა უამრავი ქორწინებით, ძვირფასეულობის კოლექციით და ჰუმანიტარული აქტივობებით გამოირჩეოდა. ის 2011 წელს გარდაიცვალა, თუმცა ისტორიას ნამდვილად დარჩა.
ელიზაბეთი მისი შესანიშნავი თვალებით ნამდვილად გამოირჩეოდა. მისი საიდუმლო მაკიაჟი და ტუში არ ყოფილა, მას ნორმაზე მეტი წამწამი ჰქონდა, ამის მიზეზი იყო გენეტიკური მუტაცია სახელწოდებით lymphedema Distichiasis, რომელიც გენის FOXC2–ის გამოწვეულია. მას ხშირად “ლამაზ მუტანტადაც” მოიხსენიებდნენ. კვლევების თანახმად ადამიანებს, რომლებსაც ასეთი მუტაცია გააჩნიათ აქვთ გულის პრობლემებიც. სწორედ ეს გახდა მსახიობის გარდაცვალების მიზეზი.
მსახიობმა Life Magazine–ის გარეკანი 14-ჯერ დაამშვენა და ამით ჟურნალის რეკორდი დაამყარა.
როდესაც ელიზაბეთი ცოლად კონრად ჰილტონ ჯუნიორს გაჰყვა, მას და მის მეუღლეს 600 კაციანი ქორწილისთვის ერთი თეთრის გადახდაც არ დასჭირვებიათ. მთლიანი ცერემონია Metro Goldwyn Mayer–ის დაფინანსებით გაიმართა.
ელიზაბეთი ედი ფიშერს ხვდებოდა და ამაზე საკმაოდ ღიად საუბრობდა. ერთ–ერთი ინტერვიუს დროს მას ჰკითხეს დაუნგრია თუ არა მან ოჯახი ედის, რაზეც შემდეგი პასუხიმიიღო: “ედის არასოდეს ჰყვარებია დები (მეუღლე), ისინი ბედნიერები არასოდეს იყვნენ, ბედნიერი ქორწინების დანგრევა შეუძლებელია, ოჯახი იქამდე დაენგრათ სანამ მეგამოვჩნდებოდი”
“კლეოპატრა”-მ ის მილიონერი გახადა. ამ ფილმის დამსახურებით ელიზაბეტი გახდა პირველი ქალი მსახიობი, რომელმაც მილიონი დოლარი ერთ ფილმში მონაწილეობით გამოიმუშავა.
ელიზაბეთი მსახიობ რიჩარდ ბარტინსაც ხვდებოდა. კლეოპატრაში შესრულებული ეროტიკული სცენების გამო ჯორჯიას კონგრესვუმენმა მათ შტატში შესვლაც კი აუკრძალა.
გარდაცვალებამდე ელიზაბეთმა უცხოურ გამოცემასთან Us Weekly–სთან ისაუბრა და განაცხადა, რომ მისი საამაყო ფილმი არის “Who’s Afraid of Virginia Woolf”
ტეილორი და რიჩარდ ბურტონი ორჯერ იყვნენ დაქორწინებულნი და ორივეჯერ განქორწინდნენ. ერთ–ერთ ინტერვიუში მან განაცხადა, რიჩარდი 1984 რომ არ გარდაცვლილიყო ის მას ცოლად კვლავ გაჰვებოდა. მსახიობის თქმით რიჩარდი და მაიკ ტოდი მისი ნამდვილი სიყვარული იყვნენ.
80-იან წლებში, როდესაც ამერიკაში შიდსის ეპიდემია გავრცელდა ტეილორი იყო პირველი ვარსკვლავი, რომელმაც ამ დაავადების კვლევებს დაუჭირა მხარი. მოგვიანებით მან მისი სამკაულების უდიდესი კოლექცია სწორედ პანდემიის წინააღმდეგ ბრძოლისთვის გაიღო.
2000 წელს ტეილორს მიენიჭა ბრიტანეთის ორდენის Dame Commander–ის წოდება, რომელიც დედოფალმა ელიზაბეტ მეორემ, ჯული ენდრიუსთან ერთად გადასცა. მისი Twitter სახელი მას შემდეგ იყო @DameElizabeth. ტეილორი რეალურად დაიბადა ინგლისში, მისი მშობლები ამერიკელები იყვნენ, მაგრამ ისინი შეერთებულ შტატებში საცხოვრებლად მეორე მსოფლიო ომის დაწყებისთანავე გადავიდნენ.
