სოფო ქორქია ჟურნალ OK!-ის კიდევ ერთი გამორჩეული რესპონდენტია, რომელიც მუდამ ყურადღების ცენტრში ექცევა მისი ელეგანტურობითა და მომხიბვლელობით. როგორია მისი ცხოვრების ყოველდღიური რუტინა და რაზე უწევს უარის თქმა იმისათვის, რომ მუდმივად სასურველი ფიზიკური გარეგნობა ჰქონდეს − ამ და სხვა საინტერესო თემების შესახებ სოფო OK!-ის თავად უამბობს.
სოფო, გაგვანდეთ თქვენი ყოველდღიური რუტინა.
დილით ადრე ვიღვიძებ, შესაბამისად, მთელი ჩემი ოჯახის მენეჯმენტი და ჩემი სამსახური ძალიან ადრე იწყება. ჩემი ერთ-ერთი შვილი აშშ-ში სწავლობს და მისი განათლების დაგეგმვა ერთად გვიწევს, რადგან პროფესიონალი სპორტსმენია და ამ ყველაფერთან ერთდროულად გამკლავება საკმაოდ რთულია. აქედან გამომდინარე, მაქსიმალურად ვეხმარები ყველაფერში. რაც შეეხება პირადად ჩემს ყოველდღიურ რუტინას, დილის პროცედურების შემდეგ ვვარჯიშობ, რადგან ეს ჩემი ცხოვრების სტილია. ამის შემდეგ მივდივარ სამსახურში. ესთეტიკის ცენტრი ყოველდღიურ ყურადღებას მოითხოვს, შესაბამისად, დღის ძირითად ნაწილს იქ ვატარებ. საღამოს ვბრუნდები შინ, მყავს ძაღლი, რომელიც ჩემი ოჯახის წევრი და ჩემი მესამე შვილია. თავისუფალ დროს ჩემს მეუღლეს ვუთმობ, ასევე ძალიან მახარებს, როდესაც ჩემი მეგობრები მსტუმრობენ, ან მათთან ერთად გარეთ ვატარებ დროს.
Book-ის მთავარი თემაა სილამაზე და ჯანმრთელობა. თქვენთვის რა არის სილამაზე? ვინ არის თქვენთვის სილამაზის ეტალონი? რა კრიტერიუმებს უნდა აკმაყოფილებდეს თქვენთვის ლამაზი ადამიანი?
სილამაზის ეტალონი არ მყავს, რადგან სილამაზე ძალიან მრავალფეროვანია. ადამიანი თუ შინაარსით არ არის საინტერესო, მას რაც უნდა ლამაზი ნაკვთები ჰქონდეს, არ ასხივებს იმ განსაკუთრებულობას, რაც ჩემში აღფრთოვანებას იწვევს. როდესაც გარეგნული სილამაზე და მრავალფეროვანი, ქარიზმატული ხასიათი ჰარმონიულია, მაშინ ვიხიბლები. ჩემთვის არ არის მოსაწონი, როდესაც ყველა ერთმანეთს ემსგავსება.
სოფო, რაზე გიწევთ მუდმივად უარის თქმა იმისათვის, რომ ყოველთვის სასურველი გარეგნობა გქონდეთ?
კვებას მნიშვნელოვანი როლი აქვს ჩემს ცხოვრებაში. მიყვარს გემრიელი და მრავალფეროვანი კერძები. ძალიან მსიამოვნებს მეგობრებთან ერთად სხვადასხვა კერძის დაგემოვნება. აქედან გამომდინარე, მიწევს მუდმივად გარკვეულ ჩარჩოებში მოქცევა. როგორც კი თავს ვაძლევ იმის უფლებას, რომ ავისრულო ყველა სურვილი, ეს მაშინვე აისახება წონაზე, ამიტომ შემოვიფარგლები კვების გარკვეული რაციონით. ძალიან იშვიათად მივირთმევ ტკბილეულსა და ცომიან საკვებს.
ყველაზე მეტად რომელი თვისება გხიბლავთ ადამიანში?
ძალიან რთულია იმის გამოყოფა, თუ რა მხიბლავს ადამიანში, რადგან ყველას თავისი გარკვეული ადგილი და დატვირთვა აქვს, ამიტომ ერთიანი კრიტერიუმით ვერ ვაფასებ ადამიანების თვისებებს. ერთადერთი, რისი გამოყოფაც შემიძლია, არის ის, რომ ადამიანს უნდა შეეძლოს საკუთარი გრძნობების ჩვენება და უნდა ხდებოდეს დადებითი ენერგეტიკის გაცვლა. სწორედ ეს არის ის, რისთვისაც გავჩნდით ამ
