ბრედ პიტსა და ანჯელინა ჯოლის შორის არსებული სასამართლო დავა გრძელდება. როგორც ამჟამად გავრცელებულ დოკუმენტებში ჩანს, ანჯელინა ყოფილ მეუღლეს მასზე და მათ ორ შვილზე ძალადობაში ადანაშაულებს. მსახიობი აღნიშნავს, რომ კონკრეტულმა შემთხვევამ მათი ქორწინების დასრულება გამოიწვია. ინცინდენტი 2016 წელს, კერძო თვითმფრინავით სარგებლობის დროს მოხდა. ბრედ პიტი ანჯელინას მიერ წაყენებულ ბრალდებას უარყოფს და აღნიშნავს, რომ გავრცელებული ინფორმაცია სიმართლეს არ შეესაბამება.
”ბრედ პიტმა ანჯელინა ჯოლის თავში ხელი მოჰკიდა და აბაზანის კედელს მიანარცხა. მას შემდეგ რაც მათი ერთი ბავშვი სიტყვიერად ჩაერია, ბრედმა საკუთარ შვილებსაც შეუტია. ერთს სახეში გაარტყა, მეორეს კი ახრჩობდა”.
