დღესდღეობით, პერმანენტული მაკიაჟი ყველაზე პოპულარული და მოთხოვნადი პროცედურაა, რომლის დროსაც საშუალება გვეძლევა სურვილისამებრ შევიცვალოთ წარბის, თვალისა და ტუჩის ფორმა, დავფაროთ დეფექტები ან უბრალოდ, უფრო გამოკვეთილი და მიმზიდველი გავხადოთ. ეს არის კორექციის მეთოდი, რომლის ეფექტი ძალიან შთამბეჭდავია − გვძენს მაქსიმალურად ბუნებრივ იერსახეს და გვმატებს მეტ დამაჯერებლობას. სად უნდა ჩავიტაროთ პროცედურა? − სად, თუ არა ესთეტიკურ კლინიკაში „ნეო-ნეო“, რომელიც ლიდერია ნებისმიერი მიმართულებით და ამას უკვე ბაზარზე პოზიციონირების მრავალწლიანი გამოცდილებაც ამტკიცებს. კლინიკა გამოირჩევა უახლესი აპარატებით, მიდგომითა და მრავალფეროვანი სერვისების შეთავაზებით, რომელთა განახლება მუდმივად ხორციელდება. ჟურნალი OK! „ნეო-ნეოს“ კოსმეტოლოგ თიკო ჯანჯალაშვილს ესაუბრა, რომელიც უფრო დეტალურად გვიამბობს პერმანენტული მაკიაჟის შესახებ.
რა არის პერმანენტული მაკიაჟი და როგორ შედეგს ვიღებთ ამ პროცედურით?
პერმანენტული მაკიაჟი არის კოსმეტოლოგიური პროცედურა, რომლის დროსაც ხდება წარბის, თვალისა და ტუჩის დაფერვა, ფორმის შეცვლა, გამოკვეთა, გამოყვანა, წარბზე ვიზუალური დეფექტების დაფარვა და ტუჩზე მსუბუქი ასიმეტრიის გასწორება. არსებობს ორი მიმართულება: მიკრობლეიდინგი და დაფერვა. მიკრობლეიდინგი ხორციელდება სპეციალური კალმით, რომლის დროსაც ხდება მაქსიმალურად ბუნებრივი თმის ღერის დახატვა წარბზე, ხოლო დაფერვის დროს სპეციალური ხელსაწყოთი და ერთჯერადი ინსტრუმენტებით ტარდება მეჩხერი ადგილების შევსება.
ახლავს თუ არა პროცედურებს უკუჩვენებები?
უკუჩვენებები წარბს არ ახლავს, ხოლო თვალის შემთხვევაში, ხდება ქუთუთოს შესიება − ისევე, როგორც ტუჩის შემთხვევაში. პროცედურის ჩატარება არ შეიძლება, თუ არსებობს სისხლის რაიმე სახის დაავადება; ასევე, არ შეიძლება, თუ პაციენტი იღებს სისხლის გამათხელებელ პრეპარატებს; პროცედურა დაუშვებელია ორსულობის, ლაქტაციისა და მენსტრუალური ციკლის პერიოდში.
გვესაუბრეთ პროცედურის ხანგრძლივობაზე.
პროცედურის ხანგრძლივობა დამოკიდებულია კანის სტრუქტურაზე და გრძელდება საათ-ნახევრიდან ორ საათამდე დროის ვადაში.
რა ხანგრძლივობით ნარჩუნდება შედეგი?
შედეგი წელიწად-ნახევრიდან ორ წლამდე ვადაში ნარჩუნდება. აქაც კანზეა დამოკიდებული… თუ კანი მშრალია, პიგმენტი უფრო დიდხანს რჩება, ხოლო თუ კანი ცხიმიანია − შედარებით ნაკლებია შედეგის ხანგრძლივობა.
ძირითადად, რომელი მოთხოვნით უფრო ხშირად მოგმართავენ პაციენტები და როგორია თქვენი რეკომენდაციები?
მომხმარებლებს ყოველთვის ვთავაზობ მათი წარბის, ტუჩისა და თვალის ბუნებრივი იერსახის შენარჩუნებას და ნატურალური ფერის მიღებას, რადგან უფრო ეფექტურად ჯდება სახეზე და არ გამოიყურება დახატულივით. მომხმარებელიც მაშინ არის უფრო კმაყოფილი, როდესაც ბუნებრივ ეფექტს ვიღებთ წარბზეც, თვალზეც და ტუჩზეც.
ფოტო: ალექსეი სეროვი
