ჟურნალ OK!-ის მკითხველისთვის კომპანია „8 ელემენტი“ კარგად ნაცნობი და საყვარელი ბრენდია. მაღაზია-სალონში, რომელიც აღმაშენებლის გამზირზე მდებარეობს, მომხმარებელს საშუალება აქვს შეიძინოს ბუნებრივი ქვები, სამკაულები, სამკაულის დასამზადებელი ფურნიტური და მინერალები, რომელიც ძირითად შემთხვევაში საკოლექციო და უნიკალურია.
მაღაზიაში სტუმრობისას აღმოჩნდებით ზღაპრულ გარემოში, სადაც თვალში მოგხვდებათ დამახასიათებელი ესთეტიკა ფერების, ფორმების, ფიგურების, სამკაულების… თითოეული მათგანი თავისი უნიკალური წარმოშობის გამო იმ ამბავს ჰყვება, რაც მომხმარებლისთვის ძალიან უცხო და საინტერესოა, ხოლო ნივთს, რომელიც დახლებზე სილამაზით იწონებს თავს, დიდებული წარმომავლობის გაცნობის შემდეგ, მომხმარებლის თვალში, მეტად ეზრდება ღირებულება.
ამბობენ, სრულყოფილება დეტალებშიაო და ეს ნამდვილად დაამტკიცა კომპანია „8 ელემენტმა“, რომელმაც მტკიცედ მიიღო გადაწყვეტილება, დაარსების დღიდან პატარ-პატარა, თითქოს უმნიშვნელო დეტალებით შეექმნა ერთი მთლიანი უწყვეტი ჯაჭვი, რომლის რგოლიც თითოეული ის ადამიანია, ვინც მონაწილეობს კომპანიის ზრდა-განვითარებაში.
„8 ელემენტის“ გუნდი ხშირად ესწრება სხვადასხვა ქვეყანაში გამართულ საინტერესო გამოფენას, რამაც განაპირობა ქვეყნებს შორის არა მხოლოდ საქმიანი, არამედ თბილი და მეგობრული ურთიერთობების ჩამოყალიბება, უნიკალური ეგზემპლარებისა და ნაკეთობების გაცნობა, ცნობიერების ამაღლება და ცოდნის გაღრმავება ამა თუ იმ ძვირფასი ნივთის წარმომავლობის, შემდეგ კი საკუთარი ქვეყნისთვის გაცნობა.
ამჟამად გუნდი საფრანგეთს სტუმრობს, სადაც უამრავი ქვეყნის წარმომადგენელია თავშეყრილი, ესწრება მსოფლიო დონის გამოფენას, სადაც მინერალებისა და არამარტო მინერალების, ძვირფასი ქვების უნიკალური სახეობებია წარმოდგენილი.
ძველად ადამიანებს მხოლოდ სამი ძირითადი სამეფოს არსებობის სწამდათ: ცხოველების, მცენარეებისა და მინერალების. შესაბამისად, ხდებოდა მინერალების მოხმარება ყოველდღიურ ყოფა-ცხოვრებაში. იგი გამოიყენებოდა როგორც სამკურნალოდ, ისე ესთეტიკურ მედიცინაში, მალამოებისა და საცხების დასამზადებლად.
ბოლო პერიოდში გაზრდილია მოთხოვნილება მინერალის კრისტალის გამოყენებაზე, ინტერიერის დეკორის ტრენდულ აქსესუარად როგორც საცხოვრებელ, ისე კომერციულ სივრცეში.
თამამად შეიძლება ითქვას, რომ მინერალის ფიგურა არაჩვეულებრივი და განსაკუთრებული საჩუქარია ჩვენთვის ძვირფასი ადამიანისთვისაც. თითოეული მათგანი განსხვავებული ენერგეტიკისა და თვისების მატარებელია და ამბობს სათქმელს, რომლის წარმოთქმაც ზოგჯერ ასე გვიჭირს ადამიანებს.
ტექსტი: ქეთევან დაუშვილი
