მანამ, სანამ მსოფლიო მედიის ყურადღების ცენტრში პრინცი ჰარისა და მეგან მარკლის სკანდალური ისტორია რჩება, სიყვარულის ნიადაგზე დატრიალებული დიდი ცვლილებები კარგი ბიძგია იმისთვის, რომ ლედი დაიანას სასიყვარულო რჩევა გავიხსენოთ, რომელიც მან ტრაგიკულ გარდაცვალებამდე უფროს შვილს – პრინც უილიამს დაუტოვა.
როგორც ცნობილია, პრინცი ჩარლზი და ლედი დაიანა 1990-იანი წლების დასაწყისში დაშორდნენ, თუმცა ოფიციალურად მხოლოდ 1996 წელს გაეყარნენ. სწორედ ამის შემდეგ ლედი დიმ BBC-სთან ინტერვიუში პრინც უილიამთან დაკავშირებული ერთ-ერთი ისტორია გაიხსენა:
“ერთხელ, სკოლისკენ მიმავალ გზაზე მე უილიამს ვუთხარი: -თუ იპოვი ვინმეს, რომელიც მთელი ცხოვრება გეყვარება, მას უნდა ჩაეჭიდო და გაუფრთხილდე. თუ ბედი გაგიღიმებს და იპოვი იმას, ვისაც შენ ეყვარები, ვალდებული ხარ მას გაუფრთხილდე.”
ლედი დიმ ასევე აღნიშნა, რომ მისი და ჩარლზის დაშორების პერიოდში უილიამი მხოლოდ და მხოლოდ 10 წლის იყო, თუმცა ყველაფერს გაგებით მოეკიდა.
