ხარისხი და პროდუქციის უსაფრთხოობა ის აუცილებელი პირობაა, რომელსაც კვების ყველა ობიექტი უნდა აკმაყოფილებდეს. „აპეტიტორი“ კი სწორედ ის ადგილია, რომელიც ამ სტანდარტზე დაყრდნობით მუშაობს და საზოგადოებას მხოლოდ და მხოლოდ ჯანსაღი საკვების მრავალფეროვან არჩევანს სთავაზობს. როგორ გაჩნდა დაარსების იდეა და როგორია კომპანიის მუშაობის სპეციფიკა? − ამის შესახებ დამფუძნებელი ივა ბილაშვილი გვიამბობს.
რამდენი ხანია, რაც ბაზარზე დაიწყეთ პოზიციონირება?
„აპეტიტორი“ რამდენიმე თვის წინ, 5 ოქტომბერს გავხსენით და ამ დროიდან მოყოლებული, ძალიან აქტიურ რეჟიმში ვმუშაობთ. საზოგადოებაშიც დიდი მოწონება დაიმსახურა ჩვენმა პროდუქციამ. გვყავს ლოიალური ყოველდღიური მომხმარებლები, რაც ძალიან გვახარებს და კიდევ უფრო მეტ მოტივაციას გვაძლევს, ვიყოთ საუკეთესოები და ჯანსაღი პროდუქტი მივაწოდოთ ჩვენთან მოსულ სტუმრებს.
როგორ გაჩნდა „აპეტიტორის“ დაარსების იდეა?
კახეთში გვაქვს ფერმა, სადაც გვყავს მსხვილფეხა პირუტყვი. ასევე, სოფელ ახალსოფელში გვაქვს თევზსაშენი მეურნეობა. მოშენებული გვაქვს კალმახი და ორაგული. გადავწყვიტეთ, ჩვენი ფერმის პროდუქციით გვეწარმოებინა ბიოლოგიურად სუფთა საკვები და შეგვეთავაზებინა მომხმარებლისთვის ნახევარფაბრიკატებისა და მზა საჭმელების სახით. სწორედ აქედან დაიბადა „აპეტიტორის“ დაარსების იდეა.
რას სთავაზობთ მომხმარებლებს?
მომხმარებლებს ვთავაზობთ ნედლი ხორცისგან და სოფლის მეურნეობის სხვა პროდუქტისგან დამზადებულ, უმაღლესი ხარისხის ნახევარფაბრიკატებსა და მზა საჭმელებს, რომელიც შეუძლიათ შეიძინონ ადგილზე, მაღაზია „აპეტიტორში“. სოფლის მეურნეობის პროდუქტებიდან ვაწარმოებთ ნატურალურ თაფლსაც, რომელიც ასევე ჩვენს მაღაზიაში იყიდება. იდეა და მიზანიც სწორედ ის იყო, რომ საზოგადოებისთვის მიგვეწოდებინა მხოლოდ ხარისხიანი პროდუქცია, რაც თავის მხრივ, ნდობას გაუჩენდა მომხმარებელს ჩვენი კომპანიის მიმართ. იმ მიზნით, რომ მომხმარებელს გავუადვილოთ ჩვენი პროდუქციის შეძენა, გვაქვს მიტანის სერვისი. ვიღებთ შეკვეთებს ფურშეტებსა და სადღესასწაულო სუფრებზე.
ჩვენი სამზარეულო ყოველდღიურად მარაგდება ნედლი პროდუქციით.
რა მიგაჩნიათ კომპანიის მთავარ უპირატესობად?
ჩვენი კომპანიის სავიზიტო ბარათია პროდუქციის ხარისხი, რომელიც მზადდება გამჭვირვალე სამზარეულოში − ვმუშაობთ Open kitchen-ის კონცეფციით, რაც იმას გულისხმობს, რომ მომხმარებელი ხედავს პროდუქციის მომზადების პროცესს გამჭვირვალე კედლებს მიღმა. ვაპირებთ ასევე ISO-სტანდარტის დანერგვას, რაც კიდევ ერთი დიდი უპირატესობა იქნება „აპეტიტორისთვის“. მომხმარებელს შეუძლია თავად ნახოს, თუ როგორ გარემოში და რომელი ნედლეულით ვამზადებთ პროდუქციას.
სად შეგვიძლია თქვენი პროდუქციის შეძენა?
ჩვენი პროდუქციის შეძენა ამ ეტაპზე შესაძლებელია ბეჟანიშვილის ქ. 9 ნომერში, კიკვიძის ბაღთან. როგორც უკვე აღვნიშნეთ, გვაქვს ადგილზე მიტანის სერვისიც.
როგორია „აპეტიტორის“ სამომავლო გეგმები?
ჩვენ ყოველდღიურად ვმუშაობთ სიახლეების შეტანაზე ჩვენს ასორტიმენტში.
სამომავლოდ, ვგეგმავთ ფილიალების გახსნას საქართველოს მასშტაბით.
+995 595 11 00 08;
ე. ბეჟანიშვილის 9
Appetitori • აპეტიტორი
