მოდელი, ნატალია ყიფშიძე რუსთავის 2-ის დილის გადაცემაში, ლულუ კახიანის რუბრიკის სტუმარი იყო სადაც საუბრობდა გარდატეხის ასაკში არსებულ პრობლემებზე:
„მოზარდობის პერიოდი სულ გარდატეხის პერიოდად მახსოვს. ყველა ასაკს მოჰქონდა ახალი გამოწვევა, რომელიც მე წარმომედგინა, როგორც ბრძოლა. ამ პერიოდში დაგროვილი გამოცდილება არის ზუსტად ის, რაც დღეს ცხოვრებაში მეხმარება. მქონდა პროტესტის ეტაპი, ეტაპები, როდესაც არ მომწონდა ჩემი თავი, სულ რაღაცით უკმაყოფილო ვიყავი.“
მან ასევე აღნიშნა, რომ გარდატეხის ასაკის პერიოდში დიდ გავლენას ადამიანებზე სოციალური ქსელები ახდენენ:
„თინეიჯერობისას ადამიანებზე დიდ გავლენას ახდენს სოციალური ქსელები. ყველანაირი კონტენტი იდეალურს ხდის ადამიანს, რომელიც ამას პოსტავს. მოზარდებს ხშირად ამის გამო უვარდებათ თავდაჯერება. მგონია, პირველ რიგში, საკუთარი თავი სულიერად უნდა შეგიყვარდეს.“
ნატალია ამბობს, რომ ჩვენს ქვეყანაში ფსიქოლოგის ცნება არასერიოზულად არის აღქმული, თუმცა ამ შემთხვევაში მას გაუმართლა და ოჯახის წევრებისგან გამომდინარე და აღნიშნა, რომ შფოთვითი აშლილობები ფსიქოლოგის დახმარებით დაამარცხა.
„საქართველოში არა მარტო მოზარდებში, თავად ფსიქოლოგის ცნება სერიოზულად არ არის მიღებული. გულზე რომ პრობლემა გაქვს და მიდის გულის ექიმთან, ტვინის პრობლემებისას უნდა წახვიდე ფსიქოლოგთან და ისაუბრო.
ჩემი მშობლები არასდროს მეუბნებოდნენ, რომ რამე არ უნდა მეთქვა მათთვის.
მოზარდობის პერიოდში ფსიქოლოგთან კონსულტაცია მქონია. მქონდა შფოთვითი აშლილობა, ძალიან დამეხმარა არა მედიკამენტებით, არამედ მარტივი გაკვეთილებით. ჩემს თავს ვეხმარებოდი, რომ აქედან გამოვსულიყავი…“
