PSP – ჩემი ოჯახის აფთიაქი, საქართველოს ფარმაციის ლიდერი, ხარისხის გარანტი, ევროპული ღირებულებების მქონე კომპანია წარმოგიდგენთ სატელევიზიო ისტორიებს.
1958 წლიდან, საქართველოს ტელევიზიის დაარსების პირველივე წლებიდან, დავით სოკოლოვი საინფორმაციო პროგრამა „მოამბის“, ასევე, არაერთი საზოგადოებრივ-პოლიტიკური გადაცემის: „კრიმინალური ქრონიკა“, „ოქროპირი“ და სხვ. წამყვანად მუშაობდა.
ქართველი ტელეწამყვანის სახელი ქართული ტელევიზიის სათავეებთან ასოცირდება. დავით სოკოლოვს დაახლოებით 35 წლის განმავლობაში მიჰყავდა პროგრამა „მოამბე“, ასევე, რიგი საზოგადოებრივ-პოლიტიკური გადაცემები. ტელევიზიის პარალელურად მას გადაცემები მიჰყავდა რადიოშიც.
სოკოლოვს „ქართველ ლევიტანს“ უწოდებდნენ, რადგანაც მისი ხმა განსაკუთრებულად ჟღერდა, ამიტომ ყველაზე მნიშვნელოვან ტექსტებს ტელევიზიასა და რადიოში მას ანდობდნენ.
„ლაპარაკობს თბილისი, ეთერშია უკანასკნელი ცნობები!“
დავით სოკოლოვი პროფესიის ერთგული იყო ბოლომდე – ეთერში დღეში 17 საათი მუშაობდა.
დავით სოკოლოვი ხშირად ამბობდა: „ამ პროფესიის მიმართ სიყვარული თუ არ გაქვს, არაფერი გამოვა“.
2021 წლის 4 თებერვალს საქართველოს პირველმა არხმა მას მთაწმინდის ტელეანძასთან სახელობითი ვარსკვლავი გაუხსნა.
რადიოსა და ტელევიზიის დიქტორი დავით სოკოლოვი 2021 წლის სექტემბერში, 85 წლის ასაკში გარდაიცვალა.
