მასშტაბური გლობალური მუსიკალური პროექტი „Silk Way Star“, რომელიც მედია-გიგანტ China Media Group-ისა და ყაზახეთის პრეზიდენტის ერთობლივი ინიციატივით ხორციელდება, მსოფლიოს ყურადღების ცენტრშია. პროექტის მიზანია ,,აბრეშუმის გზის’’ მონაწილე 12 ქვეყნის კულტურული დაახლოება, მუსიკალური ტრადიციების გაზიარება და სხვადასხვა ქვეყნის ხელოვნების ერთმანეთთან დაკავშირება. სწორედ ამ საერთაშორისო პროექტის უცვლელი ჟიურის წევრია ქართველი მომღერალი და კომპოზიტორი დავით კენჭიაშვილი.
„Silk Way Star“-ის პირველი სეზონი ყაზახეთში ჩატარდა, დავით კენჭიაშვილი კი ჟიურის ერთ-ერთი წევრი იყო. ქართველი მომღელრის შემოქმედება პოპულარულია როგორც ყაზახეთში, ასევე მსოფლიოს სხვადასხვა ქვეყანაში.
თავდაპირველად, პროექტის წესების მიხედვით, ჟიურის შემადგენლობა ობიექტურობის შესანარჩუნებლად პერიოდულად იცვლებოდა, თუმცა დავით კენჭიაშვილი გამონაკლისი აღმოჩნდა. ,,Silk Way Star’’-ის მეორე სეზონი ჩინეთში ტარდება, სწორედ ჩინური მხარის მოთხოვნით, დათო კენჭიაშვილი პროექტის ჟიურის წევრად კვლავ მიიწვიეს. ასე აღმოჩნდა ის Silk Way Star-ის ჟიურის უცვლელი წევრი.
დავითი ერთ-ერთ ყველაზე მიუკერძოებელ და პროფესიონალ ჟიურის წევრად ითვლება, მის შეფასებას ძალიან ენდობიან, ის აფასებს ძალიან ბევრი კრიტერიუმით ერთად: ვოკალი, დიაპაზონი, სასცენო ხელოვნება, არტისტიზმი და სხვ.
დამეთანხმებით ალბათ, რომ ჩინეთის უზარმაზარ და რთულად ასათვისებელ მუსიკალურ ბაზარზე ქართველი არტისტის ასეთი აღიარება და პროექტის მთავარ სახედ ქცევა ქართული მუსიკალური ინდუსტრიისთვის მნიშვნელოვანი წარმატებაა.
გარდა ამისა, ჩინური მხარის თხოვნა იყო ქართველ მომღერალს სცენაზე ემღერა. დავით კენჭიაშვილის იდეა იყო, რომ ორი უძველესი კულტურის: ჩინური და ქართული ფოლკლორის სინთეზი გაეკეთებინათ. პირველად ჩინეთისა და საქართველოს კულტურის ისტორიაში ქართული ეთნომუსიკა შესრულდება ჩინური ნაციონალური ინსტრუმენტებით. თუ რომელ სიღერაზე შედგა ორი ქვეყნის კოლაბორაცია ამას Silk Way Star“-ის შემდეგ ეპიზოდებში გავიგებთ.
პროექტი, რომელშიც მსოფლიოს 12 ქვეყანა (მათ შორის: ჩინეთი, თურქეთი, ბრაზილია, მალაიზია, სერბეთი, ყაზახეთი და ა.შ.) მონაწილეობს, საქართელოს კი თათია კობალაძე წარადგენს. ,,აბრეშუმის გზა” ტრანსლირდება ჩინეთის ცენტრალური სახელმწიფო ტელევიზიით (CCTV), ასევე ყველა მონაწილე ქვეყნის წამყვან ტელეარხებსა და სოციალურ ქსელებში.
