41 წლის კრიშტიანუ რონალდუ მხოლოდ ფეხბურთის ლეგენდა არ არის – ის წარმატებული ბიზნესმენიცაა, რომელმაც სპორტული დიდება მრავალმილიარდიან ბრენდად აქცია. მოედანზე მიღწეული გამარჯვებების პარალელურად, რონალდუმ შექმნა ძლიერი ბიზნესბრენდი, რომელიც მოიცავს მოდას, სასტუმროებს, ფიტნესსა და ციფრულ პროექტებს. ვარსკვლავის ბიზნესწარმატება პირდაპირ უკავშირდება ფეხბურთის სამყაროში მიღწეულ დიდებას. მსოფლიო მასშტაბით ადამიანებთან კომუნიკაციის შედეგად მან მისი ყველა უნარი აქცია იმ ორგანიზაციების ცენტრში, რომლებიც საკუთარი გავლენის გაფართოებას ისახავს მიზნად.
Bloomberg Billionaires Index-ის მონაცემებით, კრიშტიანუ რონალდუს ქონება 2026 წლის მონაცემებით 1.4 მილიარდ დოლარად არის შეფასებული. 2025 წელს ის ფეხბურთის ისტორიაში პირველი მილიარდერი გახდა მას შემდეგ, რაც Al Nassr– სთან კონტრაქტი გაახანგრძლივა, რომლის ღირებულებაც, სავარაუდოდ, 400 მილიონ დოლარს აჭარბებს. მისი შემოსავალი მოიცავს ფეხბურთის კარიერიდან მიღებულ 550 მილიონ დოლარზე მეტს, Nike-თან გაფორმებულ უვადო კონტრაქტს, რომლის ღირებულება 1 მილიარდ დოლარს აჭარბებს და CR7 ბრენდის იმპერიას, რომელიც სასტუმროებს, ტანსაცმელსა და სუნამოებს აერთიანებს.
კრიშტიანუ რონალდუს გზა ბიზნესში სხვადასხვა ცნობილ ბრენდებთან პარტნიორობით დაიწყო. რონალდუ თანამშრომლობს ისეთ წარმატებულ და ცნობილ ბრენდებთან, როგორიცაა- Nike, Tag Heuer, Clear Shampoo, Louis Vuitton და სხვა. ხაზგასასმელის ის ფაქტიც, რომ რონალდუ არ არეკლამებს ნებისმიერ პროდუქტს, ის ირჩევს ისეთ ბრენდებს, რომლებიც ეხმიანება მის ცხოვრების სტილს, შრომის ეთიკასა და პროფესიონალიზმს.
რონალდოს მიერ შექმნილი პირველი ბრენდი CR7 მოიცავს ტანისამოსს, აქსესუარებს, სუნამოებს, ფეხსაცმლებსა და სასტუმროებსაც კი.
CR7 2013 წელს დაარსდა და ბრენდი პირველად საცვლებს ყიდდა, შემდეგ კი დაამატეს ტანისამოსი- კერძოდ, კაბები, ჯინსები, პერანგები და ფეხსაცმლები. ბრენდი არის ელეგანტური, კლასიკური და დამაღალი ხარისხის, რაც სრულიად ასახავს რონალდუს პიროვნებას. მოდის ხაზის წარმატების შემდეგ კი კრიშტიანუმ სუნამოების ხაზიც გამოუშვა.
ბოლო წლებში რონალდუმ მნიშვნელოვანი ნაბიჯი გადადგა სასტუმრო ბიზნესში, როდესაცპორტუგალიურ კომპანია Pestana Group-თან პარტნიორობით შექმნა სასტუმროების ქსელი – Pestana CR7 Hotels. პირველი სასტუმროები გაიხსნა პორტუგალიაში, მის მშობლიურ ქალაქ ფუნშალსა და ლისაბონში. სასტუმროების ქსელი სწრაფად ფართოვდება და იგეგმება სასტუმროების გახსნა პარიზში, ნიუ-იორკში, მადრიდსა და სხვა ქალაქებში.
რონალდუს ცხოვრების წესიდან გამომდინარე თქვენთვის არ იქნება გასაკვირი, რომ სპორტსმენმა ფეხი ფიტნეს სფეროშიც შეაბიჯა. მან Crunch Fitness-თან პარტნიორობით შექმნა CR7 Fitness Training, რომელიც წარმოდგენილია ესპანეთსა და პორტუგალიაში და აღჭურვილია უახლესი ტექნიკით.
ამ ყველაფერთან ერთად, კრიშტიანუ რონალდუმ პორტუგალიურ Altice Group-თან თანამშრომლობით შექმნა CR7 Crunch Network – ფიტნესარხი, რომელიც ვარჯიშებსა და პროფესიულ რჩევებს სთავაზობს მომხმარებლებს. ეს ნაბიჯი სრულად შეესაბამება მის უზარმაზარ სოციალურ აუდიტორიას და ამყარებს კავშირს გულშემატკივრებთან.
ეს ყველა ბრენდი რონალდუს სწორი ფინანსური გათვლაა – მან ჯერ კიდევ კარიერის დასრულებამდე უზრუნველყო, რომ მისი გავლენა ფეხბურთს გასცდეს. მოდაში, სასტუმროებში, ფიტნესში, ციფრულმედიასა და უძრავ ქონებაში ინვესტიციებით, მან შეიქმნა მდგრადი ფინანსური მომავალი.
ასევე დაგაინტერესებთ
#OK! კრიშტიანუ რონალდოსა და ჯორჯინა როდრიგესის სიყვარულის ისტორია
