#OK! აქტივისტებმა ვან გოგის „მზესუმზირებს“ ტომატის სოუსი შეასხეს

ლონდონში, ნაციონალურ გალერეაში, კლიმატის ორმა დამცველმა აქტივისტმა, ვან გოგის „მზესუმზირებს“, ტომატის სოუსი შეასხა და ხელები კედელზე მიიწება.

ერთ-ერთი აქტივისტი, ვიდეოში საზოგადოებას კითხვას უსვამს:

„რა უფრო მეტად ფასობს, ხელოვნება თუ ადამიანის სიცოცხლე?!“

 

View this post on Instagram

 

A post shared by CNN (@cnn)

ვან გოგმა, „მზესუმზირები“, 1888 წელს დახატა, მისი ამჟამინდელი ღირებულება კი 72,5 მილიონი ფუნტია.

როგორც, მუზეუმში აცხადებენ დაზიანდა ჩარჩო, თუმცა ნახატი არ დაზიანებულა.

ორგანიზაცია „JUST STOP OIL“  2022 წლის 14 თებერვლიდან, ფუნქციონირებს. ორგანიზაციის აქტივისტები, უკვე კვირაზე მეტია სხვადასხვა საპროტესტო საშუალებებით ცდილობენ, საზოგადოებამდე მიიტანონ თავიანთი მოთხოვნები და შეაფერხონ დიდი ბრიტანეთის ყოველდღიური ცხოვრება. აღსანიშნავია, ისიც რომ ყველა საპროტესტო საშუალების დროს, აქტივისტები იწებებენ ხელებს. საპროტესტო აქციების ფარგლებში, დაკავებულია 150-მდე აქტივისტი.