რუბრიკა ,,OK! მენეჯერი’’ წარმოგიდგენთ პროფესიით ჟურნალისტ, ამჟამად კი საზოგადოებასთან ურთიერთობის სპეციალისტსა და არაერთი კომპანიის მათ შორის OK! და Georgia Today-ს მარკეტინგის მენეჯერს- ანანო თოფურიძეს, რომელიც საკუთარ გამოცდილებებსა და კარიერულ წინსვლაზე გვიამბობს.
მოგვიყევით თქვენს შესახებ, როდის დაიწყო თქვენი კარიერა და რა გზა გამოიარეთ დღემდე?
პროფესიით ვარ ჟურნალისტი, ჩემი კარიერული წინსვლის პირველი ნაბიჯები კი 2007-2009 წლებში დაიწყო, როდესაც ვიყავი გადაცემის წამყვანი. პარალელურად ყოველთვის მქონდა გამოწვევები ღონისძიებებთან მიმართებაში, სწავლის პერიოდში გავეცანი საზოგადოებასთან ურთიერთობას, ეგრეთწოდებულ პიარს და ამან ძლიან დამაინტერესა, სწორედ ჩემი მეორადი სპეციალობა არის საზოგადოებასთან ურთიერთობა. არაჩვეულებრივი ლექტორების დახმარებით ჯიპაში კიდევ დამატებით შევისწავლე საზოგადოებასთან ურთიერთობა და კომუნიკაციები. გამოცდილება მაქვს როგორც კერძო კომპანიებში მუშაობით ისე სხვა. რაც შეეხება OK-ში მარკეტინგისა და გაყიდვების მიმართულებას- 2019 წელს შევუერთი ამ საოცარ გუნდს, რითიც ჩემი გამოცდილება უფრო და უფრო გაღრმავდა. ბევრი სირთულეც იყო რა თქმა უნდა. მუდმივი მუშაობა და განვითარება საკუთარი თავის, რათა მიხვიდე შენს შემდგარ ვერსიამდე ვთვლი რომ საკმაოდ წარმატებით და კარგად შევძელი.
რა არის თქვენი მთავარი მოტივაცია?
ჩემი მთავარი მოტივაცია ჩემს სფეროში როგორც ღონისძიებების ორგანიზატორის, პიარ სპეციალისტის არის მუდმივად საინტერესო პროექტებში მონაწილეობა და პირველ რიგში საკუთარ თავთან დამტკიცება იმისა, რომ დადო მაქსიმალური შედეგი. მთავარია საკუთარ თავთან დასახული ოცნება აუცილებლად აქციო მიზნად. როდესაც მიზანი უკვე მიღწეული არის აი ეს კომპონენტები არის ძალიან მნიშვნელოვანი- რომ იყო მუდმივად მოტივირებული, გაეცნო სიახლეებს და ფეხი აუწყო დღევანდელ განვითარებებს ნებისმიერი მიმართულებით. ასევე სწორი შრომა და ამ შრომით გამომუშავებული შედეგების საკუთარი თავისთვის გამოყენება.
აწყდებით თუ არა რაიმე გამოწვევებს თქვენს საქმიანობაში და თუ კი როგორ უმკლავდებით მათ?
გამოწვევები ჩვენს სფეროში არის, რა თქმა უნდა და ყოველთვის ვცდილობ, რომ საკუთარი თავი ვმართო და ემოციებს არ ავყვე, ვიყო დამკვეთთან გულწრფელი და მაქსიმალური შედეგი მიიღოს, რაც გამოწვევაც და გამკლავებაც არის. შესაძლებელია რაღაც გაუგებრობის იმდენად მშვიდად და მარტივად მოგვარება, რომ ეს გარშემომყოფებმა ვერც გაიგონ. მიუხედავად იმისა, რომ აქტიური ცხოვრება მაქვს და ემოციურიც ვარ, მაინც შემიძლია რაღაც სიტუაციებში ემოციების მართვა და ეს ძალიან მეხმარება.
თქვენი აზრით, რა არის წარმატების მთავარი ფაქტორი?
წარმატების მთავარი ფაქტორი არის, რომ გიყვარდეს შენი საქმე რასაც აკეთებ, პატივს სცემდე შენს კოლეგებს, აფასებდე მათ შრომას, იყო პროფესიონალი და ყოველთვის უნდა შეგეძლოს იმის თქმა, რისი გაკეთებაც შეგიძლია და არ შეგიძლია.
რას ურჩევდით მათ, ვინც ახლა იწყებს კარიერას?
მათ ვინც ახლა იწყებენ კარიერას ზუსტად უნდა იცოდნენ რას ეჭიდებიან, იმიტომ რომ ზოგადად დიდი კონკურენცია არის ნებისმიერი მიმართულებით. აუცილებლად უნდა იყო პროფესიონალი, იცოდე შენი საქმის სწორად კეთება, შეგეძლოს სწორად დელეგირება კონკრეტული საკითხების და უნდა მოგზაურობდე შენს პროფესიაში, იმდენად საინტერესო არის თითოეული პროფესია. რომ არა ჩემი პროფესია, არ ვიცი სხვა რა პროფესიას ავირჩევდი, ალბათ არც ავირჩევდი სხვას, იმდენად მიყვარს და სიღრმისეულად ვარ ჩართული თითოეულ პროექტში და არიან დამკვეთები და ადამიანები, რომლებთანაც დღემდე ძალიან კარგი ურთიერთობა მაქვს. მე იმდენად მიყვარს ჩემი საქმე, რომ არა ის ალბათ ძალიან გამიჭირდებოდა ჩემს ცხოვრებაში კონკრეტული პერიოდების გადალახვა. ამასთანავე ყოველთვის მნიშვნელოვანია ადამიანობის შენარჩუნება.
გაგვიზიარეთ თქვენი სამომავლო გეგმები
სამომავლო გეგმები უკვე დაწყებულია. ძალიან მალე ფართო აუდიტორიას გავუზიარებ ჩემი საქმიანობის ერთ კონკრეტულ მიმართულებას, ხოლო დანარჩენს ჯერჯერობით საიდუმლოდ დავიტოვებ. ზოგადად, ჩემი გეგმები დაკავშირებულია მუდმივ განვითარებასთან, სიახლეების ძიებასთან და ნაბიჯ-ნაბიჯ წინსვლასთან. ყოველთვის ვეცდები საკუთარი თავი მაქსიმალურად პოზიტიური და დადებითი ემოციებით დავტვირთო.
