60 წლის იუბილე მნიშვნელოვანი თარიღია, რადგან ის ცხოვრებისეულ სიმწიფეს, გამოცდილებას, ზოგჯერ კარიერის დასრულებასა და პენსიაზე გასვლას აღნიშნავს. ეს არის ეტაპი, როდესაც ადამიანები განვლილ გზას აფასებენ, ოჯახთან და მეგობრებთან კავშირებს აძლიერებენ და ახალი ცხოვრებით ტკბობას იწყებენ. როგორც ირკვევა, 2026 წელს ბევრი ცნობილი ადამიანი ამ მნიშვნელოვან თარიღს აღნიშნავს.
მსახიობები, რომლებიც წელს 60 წლის გახდებიან:
ჰოლი ბერი (1966 წლის 14 აგვისტო)
ამერიკელი მსახიობი, ყოფილი მოდელი და სილამაზის დედოფალი. 2001 წელს გადასცეს „ოსკარი“ ნომინაციაში საუკეთესო მსახიობი ქალი ფილმისათვის „მონსტრების მეჯლისი“. ბერი ერთადერთი აფრიკელ-ამერიკელი ოსკაროსანი მსახიობი ქალია. ის ჰოლივუდის ერთ-ერთი ყველაზე ძვირადღირებული მსახიობია.
„არ მინდა ვიყო ადამიანი, რომელიც ცდილობს შეინარჩუნოს ახალგაზრდული იერი და ამისთვის ყოველწლიურად პლასტიკურ ქირურგს მიმართავს. ადამიანებმა სილამაზე თავიანთი ცხოვრების წესში უნდა იპოვნონ“ – ამბობს მსახიობი.
სალმა ჰაიეკი (1966 წლის 2 სექტემბერი)
სალმა 23 წლის იყო, როდესაც საცხოვრებლად შეერთებულ შტატებში გადავიდა. გოგონამ ინგლისურად საუბარიც კი არ იცოდა, თუმცა, ჰოლივუდში შეღწევა მაინც მოახერხა.
1991 წელს სალმა ლოს-ანჟელესში დასახლდა, სადაც სტელა ადლერთან სამსახიობო ხელობის შესწავლას შეუდგა. 2002 წელს გამოვიდა ცნობილი ფილმი „ფრიდა“, სადაც მან მთავარი როლი შეასრულა და ასევე ფილმს პროდიუსირებაც გაუწია. ამ როლისთვის სალმა ჰაიეკი ნომინირებული იყო ოსკარის პრემიაზე, როგოროც საუკეთესო მსახიობი, ის პირველი მექსიკელი ქალი გახდა, რომელიც ოსკარზე იყო ნომინირებული.
“მთელი ცხოვრება მინდოდა კომედიებში თამაში, მაგრამ არ მაძლევდნენ უფლებას. ფაქტიურად ამბობდნენ: “შენ სექსუალური ხარ, ამიტომ არ გაქვს უფლება, იუმორის გრძნობა გქონდეს” – ამბობს მსახიობი.
ადამ სენდლერი (1966 წლის 9 სექტემბერი)
ადამ სენდლერი ამერიკელი მსახიობია, რომელიც ცნობილია კომედიური როლების შესრულებით. ის Netflix-ის ერთ-ერთ ყველაზე წარმატებულ მსახიობად ითვლება. უყვარს მნიშვნელოვან ღონისძიებებზე ყოველდღიური ტანსაცმლით გამოჩენა. სენდლერი თავმდაბალი ადამიანია, გულშემატკივრებთან უშუალო დამოკიდებულება აქვს, საქველმოქმედო პროექტებში მონაწილეობს და ამის გამო ბევრ ადამიანს უყვარს.
“ცხოვრება არ არის იდეალური, მაგრამ შეგიძლია, იცხოვრო ისე, რომ დღეში ერთხელ მაინც გულწრფელად გაგეღიმოს.” – ამბობს სენდლერი.
ჰელენა ბონემ კარტერი (1966 წლის 26 მაისი)
ის ბრიტანეთის არისტოკრატულიოჯახის შთამომავალია. კარიერა ტელევიზიაში დაიწყო. ორჯერ იყო ნომინირებული ოსკარზე. მონაწილეობა აქვს მიღებული ჰარი პოტერის შესახებ ფილმების სერიაში. ხშირად თამაშობს უცნაურ პერსონაჟებს. ჩაცმის სტილის გამო „გოთური სტილის დედოფალს“ უწოდებენ.
ჰელენა ბონემ კარტერის ერთ-ერთი გამორჩეული ფრაზა ასახავს მის დამოკიდებულებას სტილისა და ინდივიდუალიზმის მიმართ: „შემიძლია, ნივთები უბრალო მაღაზიაში ან ბაზრობაზე ვიყიდო. ყოველთვის საკუთარ აზრს ვეყრდნობი და ვარჩევ იმას, რაც მე მომწონს და არა იმას, რაც მოდაშია“.
დევიდ შვიმერი (1966 წლის 2 ნოემბერი)
ამერიკელი მსახიობი, რეჟისორი და პროდიუსერი, რომელსაც განსაკუთრებული პოპულარობა ტელესერიალში „მეგობრები“ შესრულებულმა როს გელერის როლმა მოუტან, რომლისთვისაც ნომინირებული იყო ემისა და კინომსახიობთა გილდიის ჯილდოებზე.
დევიდი რადიკალურად განსხვავდება თავისი პერსონაჟისგან, რადგან სინამდვილეში ძალიან მშვიდი და თავშეკავებული ადამიანი. დღეს ის სექსუალური შევიწროების წინააღმდეგ ბრძოლის სფეროში მუშაობს და მხარს უჭერს ამასთან დაკავშირებულ ინიციატივებს.
„როცა როლით დიდ ხნის განმავლობაში ხარ დაკავებული, განსაკუთრებით მაშინ, როცა ეს პერსონაჟი ასეთი უცნაურია, ხალხი გიყურებს და ფიქრობს: ‘ღმერთო, შენ ზუსტად ისეთივე უცნაური ხარ, როგორც ის“ – ამბობს შვიმერი.
2026 წლის 25 მაისს კილიან მერფი 50 წლის გახდება. აღსანიშნავია, რომ მსახიობი ირლანდიაში ცხოვრობს და ჰოლივუდში გადასვლას არ აპირებს.
წელს 50 წლის გახდება ბენედიქტ კამბერბეჩიც. მისი დაბადების დღე 19 ივლისსაა.
23 ოქტომბერს 50 წლის იუბილეს აღნიშნავს რაიან რეინოლდსი, რომელიც დედპულის როლით არის ცნობილი.
ასევე დაგაინტერესებთ
