ბათუმში თანამედროვე სტანდარტით აღჭურვილი სივრცე, ყველაზე დიდი ფიტნეს ცენტრი Element Fitness-ი გაიხსნა, რომელიც არა მხოლოდ მასშტაბით, არამედ ხედვითა და დახვეწილი კონცეფციით გამოირჩევა. ის მეტია, ვიდრე უბრალოდ სავარჯიშო დარბაზი. Element Fitness-ი ადგილია, სადაც ჯანმრთელი ცხოვრების წესი ხელმისაწვდომი,
სასიამოვნო და ყოველდღიურობის ბუნებრივი ნაწილი ხდება.
Element Fitness-ი შექმნილია იდეით, რომ ადამიანებს სჭირდებათ გარემო, სადაც სხეულზე ზრუნვა შინაგანი კომფორტით იწყება. სწორედ ამიტომ, აქ წარმოდგენილია მრავალფუნქციური ტრენინგ ზონები, ჯგუფური ვარჯიშების ფართო არჩევანი, აღდგენისა და რელაქსაციის კუთხეები, კვების კონსულტაციები და პროფესიონალი ტრენერების გუნდი – ყველაფერი ერთ სივრცეში, ერთ ფილოსოფიაშია გაერთიანებული. ეს არის ადგილი, სადაც მასშტაბი, ხარისხი და ხელმისაწვდომობა ერთიანდება, სადაც ადამიანები არა მხოლოდ ვარჯიშისთვის, არამედ იმისთვის დადიან, რომ იპოვონ ახალი ენერგია, შექმნან საკუთარი თავის უკეთესი ვერსია, რომელიც ყოველდღიურად აძლევთ მოტივაციას.
რა გეგმები აქვთ მომავალში, რას ურჩევენ მათ, ვინც ახლა იწყებს საკუთარ ფიტნეს მოგზაურობას – OK! ბათუმთან გენერალურმა მენეჯერმა ია ბასილაძემ ისაუბრა.
Element Fitness სულ ახლახან გაიხსნა. როგორ დაიბადა იდეა და რა იყო მთავარი მიზანი, როდესაც ამ სივრცის შექმნა გადაწყვიტეთ?
Element Fitness-ის იდეა დაიბადა სურვილით, შეგვექმნა ქალაქში ყველაზე დიდი ფიტნეს სივრცე, სადაც ჯანმრთელი ცხოვრება ხელმისაწვდომ ფასად ყველასთვის შესაძლებელი გახდებოდა. გვინდოდა, ბათუმში შეგვექმნა კომფორტული და ჰარმონიული გარემო, სადაც ადამიანი სიამოვნებით ზრუნავს საკუთარ სხეულსა და ჯანმრთელობაზე. ჩვენი მიზანია, ფიტნესი იყოს არა უბრალოდ ვარჯიში, არამედ ცხოვრების ყოველდღიური, ბუნებრივი ნაწილი.
რით განსხვავდება Element Fitness-ი ქალაქში არსებულ სხვა ფიტნეს სივრცეებისგან? რა არის თქვენი მთავარი უპირატესობა და ფილოსოფია?
ჩვენს უპირატესობას ქმნის მასშტაბი, ხარისხი და ხელმისაწვდომობა. Element Fitness ქალაქში ყველაზე დიდი ფიტნეს სივრცეა, მაღალი სტანდარტის აღჭურვილობით და დეტალურად დაგეგმილი სავარჯიშო სივრცეებით. ჩვენ მომხმარებლებს ვთავაზობთ კომფორტულ გარემოს ხელმისაწვდომ ფასად, სადაც თითოეულ ადამიანს შეუძლია ივარჯიშოს საკუთარი რიტმით. ჩვენი ფილოსოფიაა – რაც შეიძლება მეტი ადამიანი დავმუხტოთ პოზიტიური ენერგიით.
რომელ სერვისებს სთავაზობთ მომხმარებელს დღეს, ჩვეულებრივი ვარჯიშის ფარგლებს გარეთ?
Element Fitness-ში სტუმრებს დახვდებათ: პერსონალური ტრენერები – ინდივიდუალური მიზნებისთვის მორგებული პროგრამებით, ჯგუფური ვარჯიშები – აბონემენტში შესული სხვადასხვა მიმართულებით, კვების კონსულტაციები – შედეგების გასაძლიერებლად, მასაჟის კაბინეტი – სადაც ვიზიტორებს შეუძლიათ კუნთების განტვირთვა, აღდგენა და სრული რელაქსი, პროფესიონალი სპეციალისტების დახმარებით.
ჩვენი მიზანია ადამიანებს შევთავაზოთ სრული გამაჯანსაღებელი გამოცდილება, ვარჯიშიდან დაწყებული, აღდგენითი პროცედურებით დასრულებული.
რა პრინციპით არჩევთ ტრენერებსა და გუნდს? როგორი პროფესიონალები ქმნიან Element Fitness-ის სახეს?
ჩვენთვის გუნდი არის მთავარი ღირებულება. Element Fitness-ში მუშაობენ როგორც მრავალწლიანი გამოცდილების მქონე პროფესიონალები, ასევე ახალგაზრდა, მოტივაციით სავსე ტრენერები, რომლებსაც აქვთ სურვილი და შესაძლებლობა, ჩვენთან ერთად განვითარდნენ. პროფესიონალიზმთან ერთად განსაკუთრებული მნიშვნელობა აქვს ადამიანურ დამოკიდებულებას,
მხარდაჭერას, მოტივაციას და პოზიტიურ ენერგიას.
როგორია თქვენი ხედვა ჯანმრთელი ცხოვრების წესთან დაკავშირებით? რა გინდათ, რომ დარბაზის სტუმრებმა სწორედ Element Fitness-ში განიცადონ?
ვფიქრობთ, ჯანმრთელი ცხოვრების სტილი იწყება სწორი გარემოთი და მცირე ნაბიჯებით. გვინდა, რომ Element Fitness-ში ადამიანებმა აღმოაჩინონ, რომ ფიტნესი არის ჩვენი ცხოვრების წესი, არა დროებითი გადაწყვეტილება – არამედ ყოველდღიურობის ნაწილი, რომელიც განწყობასაც აუმჯობესებს და სხეულსაც აძლიერებს.
მთელი კონცეფცია ახალია. რას ელოდებით პირველ წელს? რა გეგმები გაქვთ განვითარების, გაფართოების ან ახალი მიმართულებების დამატების კუთხით?
ჩვენი მიზანია, პირველ წელს გავამყაროთ სტანდარტები, შევქმნათ ძლიერი საზოგადოება და ბრენდი, რომელიც ასოცირდება ხარისხთან, ფასი/ღირებულების უდიდეს ბალანსთან და კეთილგანწყობილ გარემოსთან. ვგეგმავთ ჯგუფური პროგრამებისა და სავარჯიშო მიმართულებების გაფართოებას, სხვადასხვა სერვისების დამატებას და მომავალში ახალი ფილიალის გახსნასაც. Element Fitness-ს მომავალში ვხედავთ როგორც სრულფასოვან ველნეს ეკოსისტემას.
რა გზავნილი გაქვთ ადამიანებისთვის, რომლებიც ახლა იწყებენ ვარჯიშის გზას და ეძებენ იმ სივრცეს, სადაც საკუთარ ჯანმრთელობაზე ზრუნვა სიამოვნებად ექცევათ?
პირველი ნაბიჯი ყოველთვის ყველაზე რთულია, დანარჩენი გაცილებით მარტივი ხდება, როცა გარემო შესაბამისია. ნუ დაელოდებით იდეალურ მომენტს, რადგან საუკეთესო დრო სწორედ ახლაა. Element Fitness-ში დაგხვდებათ მეგობრული გარემო, სადაც ყველა ერთი მიზნისთვის ვიკრიბებით და თითოეული პატარა პროგრესიც კი მნიშვნელოვანია. დაიწყეთ – დანარჩენზე ჩვენ ვიზრუნებთ.
