ფრანგი მსახიობი ბრიჯიტ ბარდო 91 წლის ასაკში გარდაიცვალა. ინფორმაციას მსახიობის მიერ დაარსებული ფონდის წარმომადგენლები ავრცელებენ.
„მას ყველაზე ცნობილი ინიციალები ჰქონდა. ბრიჯიტ ბარდო, რომელიც ცნობილია როგორც „BB“, 1950-იანი წლებიდან 1970-იან წლებამდე ფრანგულ კინოში ქალის ემანსიპაციასა და სექსუალურ თავისუფლებას განასახიერებდა“, – იუწყება ტელეარხი BFM.
ბრიჯიტ ბარდო 1934 წელს, პარიზში დაიბადა. მსოფლიომ მის შესახებ როჟე ვადიმის ფილმის „და ღმერთმა შექმნა ქალი“ გამოსვლის შემდეგ შეიტყო. მსახიობმა 50-ზე მეტ ფილმში ითამაშა. 2007 წელს, ჟურნალმა Empire-მა იგი 100 ყველაზე სექსუალური კინომსახიობს შორის დაასახელა.
ბრიჯიტ ბარდო 1950-იან და 1960-იან წლებში ევროპული კინოს ერთ-ერთი წამყვანი მსახიობი და სექსუალური რევოლუციის სიმბოლო იყო. პენსიაზე გასვლის შემდეგ მან ცხოვრება ცხოველთა უფლებების დაცვას მიუძღვნა. 1987 წელს მან დააფუძნა ფონდი, რომელიც ცხოველებს იცავდა და ამ მიზნით სამი მილიონი ფრანკი შეაგროვა.
2025 წლის სექტემბრის ბოლოს ბრიჯიტ ბარდო სამი კვირის განმავლობაში ტულონის კერძო კლინიკა „სენტ-ჟანში“ იმყოფებოდა, სადაც ქირურგიული ჩარევა ჩაუტარდა.
ასევე დაგაინტერესებთ
#OK! „ცხენს სროლის ხმა არ უყვარს“ – როგორ შევხვდეთ 2026 წელს ასტროლოგ მიხეილ ცაგარელის რჩევებით?
