GAF – საქართველოს ცხოველთა ფედერაციის ვეტერინარული კლინიკების ქსელი, არის სივრცე, სადაც სიყვარული პროფესიონალიზმად იქცა და ყოველი მკურნალობა – სიცოცხლის შენარჩუნებად.
ჩვენი მისია უბრალოა, მაგრამ ძლიერი: ზრუნვა თითოეულ ცხოველზე – მაღალი ხარისხის ვეტერინარული მომსახურებით, ინდივიდუალური მიდგომითა და ჰუმანური ღირებულებებით.
ჩვენ ვხელმძღვანელობთ პრინციპებით, რომლებიც არ იცვლება:
▶ პატივისცემა ყოველი სიცოცხლის მიმართ
▶ ეთიკა და თანაგრძნობა თითოეულ ნაბიჯზე
▶ უწყვეტი განვითარება და თანამედროვე სტანდარტების დაცვა
GAF-ის კლინიკების ქსელი ჩამოყალიბდა სიყვარულზე, ეთიკასა და განვითარებაზე დაფუძნებით.
დღევანდელი მდგომარეობით უკვე 8 წარმატებული ფილიალი მოქმედებს საქართველოს მასშტაბით და სიამაყით შეგვიძლია ვთქვათ, რომ მალე ვხსნით მეცხრე ფილიალს ქალაქ ქუთაისში – უფრო დიდ სიყვარულზე საპასუხოდ. ეს იქნება კიდევ ერთი ნაბიჯი უკეთესი მომავლისთვის ცხოველებისა და მათი ოჯახებისთვის.
ჩვენი ღირებულებები
- პროფესიონალიზმი და უწყვეტი განვითარება – რადგან თითოეულ ვიზიტს თან ახლავს პასუხისმგებლობა
- ინდივიდუალური მიდგომა თითოეულ პაციენტთან – რადგან ყველა ცხოველი უნიკალურია
- სიყვარულსა და პასუხისმგებლობაზე დაფუძნებული ზრუნვა – რადგან ეს მხოლოდ სამსახური არაა, ეს მისიაცაა
- ცნობიერების ამაღლება ცხოველთა უფლებებზე – რადგან მათი ხმა ჩვენი პასუხისმგებლობაა
ჩვენი ქსელის ისტორია და მისია
GAF აერთიანებს არა მხოლოდ მაღალკვალიფიციურ ვეტერინარებსა და ტექნიკურ პერსონალს, არამედ ადამიანებს, რომლებსაც უანგაროდ უყვართ ცხოველები.
ჩვენ ვმუშაობთ ყოველდღე, დაუღალავად – როგორც შინაური, ასევე მიუსაფარი ცხოველების ჯანმრთელობის, დაცვისა და უკეთესი მომავლისთვის.
საქართველოს ცხოველთა ფედერაციის ვეტერინარული კლინიკების ქსელი (GAF) დაფუძნდა ერთი მტკიცე იდეის გარშემო:
შევქმნათ სტანდარტი, სადაც ყოველი ცხოველი იღებს ღირსეულ, თანაგრძნობით სავსე ზრუნვას, ხოლო თითოეული მფლობელი გრძნობს ნდობას, სიმშვიდესა და მხარდაჭერას პროფესიონალების გვერდით.
ჩვენი ქსელის წარმატებები
ჩვენს კლინიკებში დასაქმებულია როგორც ადგილობრივი ვეტერინარები, ასევე უცხოეთიდან მოწვეული სპეციალისტები. კლინიკები აღჭურვილია ულტრათანამედროვე ტექნიკითა და აპარატურით.
საქართველოს ცხოველთა ფედერაციის სტაბილურობის გარანტი საუკეთესო ვეტერინარებისა და უახლესი აპარატურის კომბინაციაა.
კლინიკაში დანერგილია მულტიდისციპლინური მიდგომები, ექიმები გუნდურად და კონსილიუმზე დაყრდნობით ახდენენ სწორი და მიზანსწრაფული მკურნალობის დაგეგმვას.
საქართველოს ცხოველთა ფედერაციის ვეტერინარული კლინიკების ქსელი ერთ-ერთი მოწინავეა საქართველოში, სადაც შესაძლებელია ისეთივე მაღალი ხარისხის დიაგნოსტიკა და მკურნალობა, როგორიც ევროპისა და ამერიკის წამყვან ვეტერინარულ კლინიკებში.
8 მოქმედი ფილიალი, მილიონზე მეტი შესრულებული სერვისი, ათასობით გამოჯანმრთელი და ბედნიერი ცხოველი – ეს არის ჩვენი მთავარი მოტივაცია.
სერვისი და მომსახურება
პაციენტებს ვემსახურებთ 24/7-ზე. ჩვენს კლინიკაში შექმნილია გადაუდებელი ქირურგიისა და კრიტიკული მედიცინის დეპარტამენტები. შესაძლებელია ნებისმიერი სირთულის ქირურგიული ოპერაციის ჩატარება, როგორიცაა ძვლის ფიქსაცია, ნეიროქირურგიული ჩარევები, სისმივნური წანაზარდის კვეთა, თიაქრის ოპერაცია და მსოფლიოში აპრობირებული ნებისმიერი სირთულის მანიპულაციები. ოპერაციები მიმდინარეობს სპეციალური სარეანიმაციო სანარკოზე აპარატით, რაც დასავლეთ საქართველოს მასშტაბით მხოლოდ ჩვენს კლინიკაშია შესაძლებელი.
აქვე ფუნქციონირებს ამბულატორიული და სტაციონარული მომსახურება და მომხმარებელთა კომფორტისთვის შესაძლებელია GAF ტაქსით მომსახურება. გვაქვს სასწრაფო-გადაუდებელი დახმარების მანქანა, რომელიც პაციენტს ემსახურება მთელი ქვეყნის მაშტაბით.
საქართველოში ვართ ერთადერთი ვეტერინარული კლინიკა, რომელმაც შეძლო და აწარმოა ცხოველთა ბაზები. ID ბარათის მეშვეობით მეპატრონეს საშუალება აქვს, მსოფლიოს ნებისმიერი წერტილიდან ელექტრონულად აკონტროლოს თავისი ოთხფეხა მეგობრისთვის საჭირო პროცედურები.
ქსელის თითოეული ფილიალი აღჭურვილია უახლესი ტექნოლოგიებით, რაც გვაძლევს საშუალებას:
- გამოვიკვლიოთ ცხოველის მდგომარეობა სწრაფად და ზუსტად
- ჩავატაროთ ურთულესი ქირურგიული ოპერაციები
- უზრუნველვყოთ პრევენციული ღონისძიებები (ვაქცინაცია, პროფილაქტიკა)
- გავუწიოთ რეაბილიტაცია დაუძლურებულ ცხოველებს
- 24-საათიანი სასტუმრო ცხოველებისთვის – სანდო გარემო, ყურადღება და ზრუნვა მთელი დღე-ღამის განმავლობაში ვიდეო და აუდიოკამერების მონიტორინგით.
- გასეირნების სერვისი – ყოველდღიური აქტივობა პროფესიონალების მიერ
- კინოლოგიური მომსახურება – ქცევის, ტრენინგისა და სოციალიზაციის სპეციალური პროგრამები წამყვანი კინოლოგების ხელმძღვანელებით
საქართველოს ცხოველთა ფედერაციაში ხელმისაწვდომია ყველაფერი, რაც თქვენი ბინადარი ცხოველის ჯანმრთელობასა და კომფორტს სჭირდება – ერთ სივრცეში, ყოველდღიურად, 24 საათის განმავლობაში.
24/7 ზოო მარკეტი და ვეტაფთიაქები
ჩვენს ფილიალებში შეგიძლიათ შეიძინოთ:
– მაღალი ხარისხის საკვები პროდუქტები
– სამკურნალო და პროფილაქტიკური პრეპარატები
– როგორც ძაღლებისა და კატებისთვის, ისე მსხვილი რქოსანი ცხოველებისა და ფრინველებისთვის
ონლაინმაღაზია და ვებსაიტი
შეკვეთები სახლიდან გაუსვლელად – სწრაფად და მარტივად
ეწვიეთ ჩვენს ვებგვერდს და გაეცანით „GAF ბლოგს“, www.MyGAF.ge, სადაც დაგხვდებათ საინტერესო სტატიები ცხოველთა ჯიშებზე, საჭიროებებსა და მოვლაზე.
გაფ წყალტუბო ერთ-ერთი ყველაზე წარმატებული და უნიკალური პროექტია ამიერკავკასიაში.
საქართველოს ცხოველთა ფედერაციის ვეტერინარულ ქსელში დღეს უკვე რამდენიმე თვეა, რაც სრული დატვირთვით ფუნქციონირებს და ყოველდღიურად ამართლებს მის მიმართ გამოცხადებულ ნდობას. გაფ წყალტუბოს პროექტი გაშენებულია 5000 კვადრატულ მეტრზე.
პროექტი მიზნად ისახავდა ისეთი სივრცის შექმნას, სადაც ცხოველებს შეეძლოთ დარჩენილიყვნენ უსაფრთხოდ და კომფორტულად ნებისმიერი სასურველი დროით – მფლობელების მშვიდად ყოფნისა და ცხოველების კეთილდღეობისთვის.
სივრცე, სადაც ყოველი დეტალი გათვლილია ზრუნვაზე:
- დიდი და პატარა ზომის ცხოველთა სასტუმრო, შიდა და გარე ზონებით
- საწვრთნელი ბაზა, სკოლა და ბაღი – ცხოველთა სოციალიზაციისა და განვითარებისთვის
- გამოცდილი, სერტიფიცირებული კინოლოგები, რომლებიც ინდივიდუალურად უდგებიან თითოეულ ბინადარს
- სარეაბილიტაციო ცენტრი პროფესიონალი ვეტერინარების ზედამხედველობით – ჯანმრთელობის სრულყოფილი მონიტორინგისთვის
ჩვენ განსაკუთრებულად ვუთმობთ ყურადღებას მისი ინფრასტრუქტურის განვითარებას, მომსახურების ხარისხის ამაღლებას და იმ იდეის დაცვას, რომ ცხოველთა კეთილდღეობა ჩვენთვის პრიორიტეტია, არა მხოლოდ სიტყვით, არამედ ყოველდღიური საქმით.
ახალი ეტაპი – მეცხრე ფილიალი
მალე ჩვენი ქსელი კიდევ უფრო გაფართოვდება – ვხსნით მეცხრე ფილიალს, რომელიც ახალ შესაძლებლობებს შექმნის როგორც ჩვენთვის, ისე ცხოველებისა და მათი მფლობელებისთვის.
ახალი ფილიალი იქნება თანამედროვე სტანდარტებზე მორგებული, სრულად აღჭურვილი სივრცე, სადაც ხელმისაწვდომი იქნება ყველა საჭირო სერვისი – პროფესიონალური ვეტერინარული მომსახურება, ზრუნვა და მხარდაჭერა.
ეს ნაბიჯი კიდევ ერთხელ ადასტურებს ჩვენს მისწრაფებას:
გავზარდოთ ხელმისაწვდომობა, გავაუმჯობესოთ მომსახურების ხარისხი და გავფართოვდეთ – იქ, სადაც ცხოველებს ვჭირდებით.
საქველმოქმედო ფონდი „შემიფარე“
სადაც სიყვარული სიცოცხლის გადარჩენაა
არსებობს სივრცეები, სადაც სიკეთე არ არის უბრალოდ სიტყვა – ის ყოველდღიური ქმედებაა.
ფონდი „შემიფარე“ სწორედ ასეთი ადგილია, სადაც ადამიანს ახსენებენ, რას ნიშნავს იყო ადამიანი.
„შემიფარე“ – სიყვარულით შექმნილი სივრცეა.
ეს არის პასუხი დუმილზე, რომელსაც სვამენ თვალებით – ცხოველები, რომლებიც ელიან თბილ ხელს, წყნარ კუთხეს და მეორე შანსს.
ფონდი „შემიფარე“ არის დაფუძნებული იმ რწმენაზე, რომ არცერთი ცხოველი არ უნდა იყოს მიტოვებული ტკივილში. და ამ რწმენას საფუძვლად უდევს ერთი ადამიანის – დამფუძნებლის – სიღრმისეული ჰუმანიზმი, თანაგრძნობა და უანგარო სიყვარული.
ფონდის ყოველი ნაბიჯი და ახალი გადარჩენილი სიცოცხლე ერთობლივი გამარჯვებაა.
„შემიფარე“ არ არის მხოლოდ ორგანიზაცია – ეს არის იდეა, რომელიც დაიბადა დამფუძნებლის გულში, სადაც ათასობით უსიტყვო თვალის ტკივილი უკვალოდ ვერ ჩაივლიდა.
ეს იდეა ეკუთვნის დავით ჩიქვილაძეს – ადამიანს, რომლის სიჩუმეში უფრო მეტი სითბოა, ვიდრე სიტყვებში, და რომლის მიზანი იყო ადამიანების, რესურსებისა და გულწრფელი ზრუნვის გაერთიანება, რათა უფრო მეტი სიცოცხლე გადაერჩინა.
დავითს სწამს და სჯერა, რომ ერთად უფრო ძლიერები ვართ.
სწორედ ამ რწმენით შექმნა მან ფონდი, როგორც სიყვარულის პრაქტიკული გაგრძელება – ქმედება, რომელიც ცვლის სამყაროს, ერთი ცხოველის ბედით დაწყებული.
დღეს დავით ჩიქვილაძე არ არის მხოლოდ ფონდ „შემიფარეს“ დამფუძნებელი –
ის არის სიკეთის მაგალითი.
მისი ყოველდღიური მოქმედებები გახდა შთაგონება მათთვისაც, ვისაც სჯერა, რომ: სიკეთე გადამდებია. სიყვარული უნდა გასცდეს სიტყვებს და იქცეს ქმედებად. როდესაც ვხედავთ მათ თვალებს – პასუხისმგებლობა დავიწყებას არ ექვემდებარება.
„შემიფარე“ დღეს არის ერთიანობის სიმბოლო – და ამ ერთიანობის გულში დგას ადამიანი, რომელმაც გადაწყვიტა: „სანამ ვარსებობთ – სიცოცხლეს არ მივატოვებთ“.
ფონდში ცხოველები იპოვიან არა მარტო თავშესაფარს, არამედ სითბოს, მოფერებას, ზრუნვას, მეორე შანსს და ადამიანი იპოვის თავის უკეთეს მხარეს.
სწორედ ამ ღირებულებებზე დგას ფონდი „შემიფარე“ – თანაგრძნობა, მორგებულობა, სიკეთე და პასუხისმგებლობა.
სანამ ცხოველებს სჭირდებათ დაცვა, მანამ „შემიფარე“ იქ იქნება. და სანამ ერთი ადამიანი რჩება, ვინც ეცდება გადაარჩინოს თუნდაც ერთი სუსტი არსება, სიკეთეს არ ეკარგება ძალა – ის ყოველდღე ახალ სიცოცხლეს შთააგონებს.
სოციალური პროექტები – „შემიფარე“-ს ჰუმანური ძალა!
ფონდი „შემიფარე“ მხოლოდ თავშესაფარი არ არის – ეს არის აქტიური, საზოგადოებისკენ მიმართული ჰუმანური მოძრაობა, რომელიც ცდილობს არა მხოლოდ უშუალოდ გადაარჩინოს ცხოველები, არამედ შეცვალოს მიდგომა და რეალობა მათ გარშემო.
უფასო სტერილიზაცია და კასტრაციის პროგრამები
ყოველი მიუსაფარი ცხოველი იმსახურებს ჯანმრთელ და ღირსეულ ცხოვრებას.
ფონდი სისტემატურად დააფინანსებს უფასო სტერილიზაციისა და კასტრაციის ოპერაციებს, რაც ხელს შეუწყობს:
- ცხოველთა პოპულაციის ჰუმანურ შემცირებას
- ინფექციური დაავადებების პრევენციას
- ქუჩაში ცხოველების შიმშილსა და ტკივილს შორის ნაკლებობას
თბილი სახლები მიუსაფარი ცხოველებისთვის
ჩვენი ფონდის ერთ-ერთი მთავარი მიზანია, ცხოველებს ჰქონდეთ უსაფრთხო სივრცე, სანამ მუდმივ სახლს იპოვიან.
სხვადასხვა ლოკაციაზე ვანთავსებთ სპეციალურ სახლებს, სადაც ისინი შეძლებენ ცხოვრებას მშვიდ, თბილ და მყუდრო გარემოში, შიშის, სიცივისა და სირთულეებისგან მოშორებით.
მუდმივი მხარდაჭერა ცხოველთა მომვლელებისთვის
მიუსაფარი ცხოველის მოვლა მოითხოვს გულს, მაგრამ ასევე – რესურსს და ძალას.
ჩვენი ფონდი მუდმივად თანამშრომლობს:
- მოხალისეებთან
- სამეზობლო ჯგუფებთან
- ცხოველთა უფლებების დამცველებთან
და ვთავაზობთ:
▶ საკვებით დახმარებას
▶ მედიკამენტურ უზრუნველყოფას
▶ საჭიროების შემთხვევაში – ფინანსურ მხარდაჭერასაც
„შემიფარე“ – როდესაც ზრუნვა სცდება საზღვრებს და ადამიანური ერთობა გადარჩენილ სიცოცხლეებად იქცევა.
ჩვენი მოწოდება საზოგადოებას:
დაეხმარე მათ, ვინც ვერ ითხოვს, მაგრამ ძალიან სჭირდება.
ფონდი „შემიფარე“ გაძლევთ შესაძლებლობას, რეალურად გახდეთ სიკეთის ნაწილი.
ეს არის მოწოდება – გულიდან გულამდე, სიცოცხლიდან სიცოცხლემდე.
როგორ შეგიძლიათ დაგვეხმაროთ:
- ▶ გაიღეთ შემოწირულობა – თითოეულ ლარს შეუძლია გადაარჩინოს სიცოცხლე
- ▶ ჩაერთეთ მოხალისეობრივად – თქვენმა დრომ შეიძლება გახსნას მეორე შანსის კარი
- ▶ გაავრცელეთ ინფორმაცია – ერთი გაზიარება ნიშნავს, რომ კიდევ ერთი არსება შეიძლება აღმოჩნდეს უსაფრთხო გარემოში
ჩვენი მომავალი ჩვენს ხელშია.
მოწოდება ბიზნესსექტორს – როცა ძალა გაქვს, პასუხისმგებლობაც მოდის ფონდი „შემიფარე“ მიმართავს ბიზნესებს, ორგანიზაციებსა და კერძო სექტორს – მათ, ვისაც რეალური ძალა და შესაძლებლობა აქვთ, შეცვალონ ასობით უსიტყვო არსების ბედი.
▪ თქვენ ქმნით სამუშაო ადგილებს – ჩვენ ვქმნით სიცოცხლის შანსებს
▪ თქვენ გყავთ მომხმარებლები – ჩვენ გვყავს თვალები, რომლებსაც, უბრალოდ, სჭირდებათ მხარდაჭერა
▪ თქვენ გაქვთ რესურსი – ჩვენ გვაქვს მიზანი, რომელიც ღირს მხარდაჭერად
როგორ შეგიძლიათ დაეხმაროთ:
- ▶ ფინანსური მხარდაჭერა – როგორც ერთჯერადი, ისე სტაბილური თანამშრომლობა
- ▶ სერვისული ან მატერიალური დახმარება (საკვები, მედიკამენტები, აღჭურვილობა)
- ▶ ერთობლივი კამპანიების წარმოება (CSR პროგრამებში ჩართვა, ბრენდთან დაკავშირებული აქტივობები)
- ▶ სივრცის, ლოგისტიკის ან ტექნიკური მხარდაჭერა
- ▶ თანამშრომელთა მოხალისეობრივი ჩართულობის წახალისება
როდესაც ბიზნესი იკავებს ადგილს საზოგადოებაში – ის არა მხოლოდ პროდუქტს ყიდის, არამედ ღირებულებებს ქმნის.
დღეს თქვენ შეგიძლიათ იყოთ ის ძალა, რომელიც არა მარტო ყიდის, არამედ იცავს, ზრუნავს და შთააგონებს.
გავერთიანდეთ!
გადავაქციოთ თქვენი მხარდაჭერა – ცხოველებისთვის რეალურ თავშესაფრად და სიცოცხლის შანსად.
ტექსტი: ნანა კუკულავა
ფოტო: ნინი გორდაძე
