კოვიდპანდემიის პირობებში დაარსებული ბრენდი, რომელიც დიდი წარმატებით აგრძელებს ფუნქციონირებას ქართულ ბაზარზე. გარემოებები, რომლებიც მსოფლიოს ყოველდღიურობას ცვლის, ზოგისთვის სირთულესთან, ზოგისთვის კი ახალ შესაძლებლობასთან ასოცირდება. ჟურნალი OK! გაგაცნობთ ქალბატონს, რომელიც სწორედ იმ ადამიანთა რიგს მიეკუთვნება, ვინც სირთულეში წარმატების შანსს ხედავს.
უპირველესად, გაგვეცანით და გვიამბეთ თქვენი მაღაზიის შესახებ. რამდენი ხანია რაც გაიხსნა?
მე გახლავართ მალვინა დოლიძე, 32 წლის, პროფესიით მოდელიორი ქალაქ ბათუმიდან. ვარ დაოჯახებული, მყავს მეუღლე და 9 წლის შვილი. ჩემი მაღაზია „საოჯახო ტექსტილი და საბავშვო ტანსაცმელი“ 2020 წლის 12 სექტემბრიდან ფუნქციონირებს.
როგორ გაჩნდა „საოჯახო ტექსტილისა და საბავშვო ტანსაცმლის“ მაღაზიის შექმნის იდეა?
კოვიდპანდემიის პერიოდში, როდესაც ყოველდღიური ცხოვრება საგრძნობლად შეიცვალა და მთელი მსოფლიო ჩაიკეტა, დიდ სირთულესთან იყო დაკავშირებული სახლიდან გაუსვლელად კომფორტული და ხარისხიანი პროდუქტის შეძენა. არსებული გარემოება მაპროვოცირებელი იყო იმის, რისგანაც მაღაზიის გახსნის იდეა დაიბადა, როგორც პასუხი იმდროინდელ რეალურ გამოწვევებზე. ამ საჭიროებებიდან გამომდინარე, გადავწყვიტე საზოგადოებისთვის შემეთავაზებინა როგორც საოჯახო თეთრეული, ასევე ჩვილის სამოსი.
გაიხსენეთ პირველი ნაბიჯები. რა გამოწვევებს წააწყდით ბიზნესის საწყის ეტაპზე და როგორ დაძლიეთ ისინი?
როგორც უკვე აღვნიშნე, კოვიდ 19-ის პერიოდი არაერთ სირთულესთან, გაურკვევლობასთან იყო დაკავშირებული. მთავარი და ერთადერთი გამოწვევაც სწორედ ეს იყო. არავინ იცოდა, როგორ განვითარდებოდა მოვლენები, დაიმკვიდრებდა თუ არა არსებული იდეა საკუთარ ადგილს ბაზარზე, თანაც ონლაინრეჟიმში. ეტაპობრივად დავძლიეთ გამოწვევები და ჩვენივე ხარისხით მოვახერხეთ მოგვეპოვებინა მომხმარებლების ნდობა.
როგორ არჩევთ ქსოვილებსა და მასალას, ადგილობრივია, იმპორტული თუ ორივე?
ქსოვილებსა და მასალას ძალიან დიდი ყურადღებით ვარჩევ, რადგან ჩემთვის ხარისხი გადამწყვეტია. განსაკუთრებით მაშინ, როცა საქმე ახალ სიცოცხლეს ეხება. ვირჩევ იმპორტულ ნაწარმს, ძირითადად თურქეთიდან, რადგან ხარისხიანი და სერტიფიცირებული პროდუქციის შერჩევაა შესაძლებელი. ყველანაირი გზით ვრწმუნდები იმაში, რომ ჩემს მომხმარებელს საუკეთესო პროდუქტს ვთავაზობ. ჩამოტანამდე ყოველთვის ვამოწმებ არა მხოლოდ ვიზუალურ მხარეს, არამედ მასალის მდგრადობას და უსაფრთხოებას, რაც ახალშობილისთვის განსაკუთრებით მნიშვნელოვანია.
როგორ ინარჩუნებთ ხარისხს და მომხმარებლის კმაყოფილებას?
კმაყოფილი მომხმარებელი ჩემთვის პრიორიტეტია. ამასთან ერთად, ძალიან დიდი მოტივაცია. თითოეულ პროდუქციას დეტალურად ვამოწმებ, რომ ყველანაირი წესის დაცვით იყოს შეკერილი და დამუშავებული. ამ ყველაფრის ერთიანობა იწვევს მომხმარებლების ნდობასა და კმაყოფილებას.
სად მდებარეობს მაღაზია? არის თუ არა შესაძლებელი პროდუქციის ონლაინ შეძენა?
მაღაზია მდებარეობს ქალაქ ბათუმში, დავით აღმაშენებლის 42 ნომერში. ჩვენთან მოსულ მომხმარებელს შეუძლია ადგილზე შეიძინოს სასურველი კოლექცია, ასევე, ვმუშაობთ ონლაინრეჟიმში მთელი ქვეყნის მასშტაბით და მის საზღვრებს გარეთ.
გეგმავთ თუ არა პროდუქციის ხაზის გაფართოებას ან ბათუმის გარდა სხვა ქალაქებში გასვლას?
დიდი მოთხოვნიდან გამომდინარე, მეორე ფილიალი 2021 წლის 12 ივლისს გაიხსნა თბილისში, „ლილო მოლის“ ბაზრობაზე. ადგილზე მისულ მომხმარებლებს დახვდებათ ტექსტილის ხაზი ყველასთვის მისაღებ ფასად. სამომავლოდ ვგეგმავ საბავშვო ხაზის გაფართოებასაც.
რა რჩევას მისცემდით მათ, ვინც ახლა ფიქრობს მსგავსი ბიზნესის დაწყებას?
ყველაზე მთავარი პირველი ნაბიჯის გადადგმაა. ნუ დაელოდებით იდეალურ დროს, გაბედეთ დაწყება იმით, რაც უკვე არსებობს. გზად ბევრი დაბრკოლებაა, ბევრი შეცდომა. ყოველი დღე წინსვლისა და ახლის სწავლის შანსია. განვითარებისკენ სწრაფვა, სიმშვიდე და მოთმინება აუცილებლად მოიტანს სასურველ შედეგს.
ტექსტი: ანნო ბუხრაშვილი
ფოტო: გიორგი კალანდაძე
