სავარჯიშო დარბაზი Reformer-ი უკვე მეხუთე წელია, რაც ქართულ ბაზარზე ოპერირებს და საზოგადოებას სრულფასოვანი ვარჯიშისთვის ყველა საჭირო ინვენტარით აღჭურვილ დარბაზსა და სხვადასხვა მრავალფუნქციურ სივრცეებს სთავაზობს, რაც თითოეული მომხმარებლის გაჯანსაღებასა და განტვირთვაზეა ორიენტირებული. ჟურნალი OK! დამფუძნებელს გიორგი ფუტკარაძეს პირადად ესაუბრა, რომელმაც უფრო ვრცლად გვიამბო „რეფორმერ ფიტნესის“ მომსახურებების შესახებ.
2024 წლის 1 ოქტომბერს გაიხსნა Reformer-ის ახალი ფილიალი. რას სთავაზობს საზოგადოებას?
რეფორმერის დაარსებიდან მე-5 წელი ახალი ფილიალის გახსნით დავიწყეთ, როგორც მუდმივ ზრდასა და განვითარებაზე ორიენტირებული კომპანია, შევეცადეთ ტრადიციულ სუფთა გარემოსა და ხარისხიან მომსახურებასთან ერთად ახალ ფილიალში მომხმარებლისთვის გაუმჯობესებული ინფრასტრუქტურა შეგვეთავაზებინა.
ჩვენი ახალი ფილიალი, რომელიც განთავსებულია 2200მ² ფართობზე, უდიდესი სატრენაჟორო დარბაზის (რომელიც აღჭურვილია იტალიური Technogym-ის უახლესი სატრენაჟორო მოწყობილობებით) გარდა მოიცავს, სპა სივრცეს აუზით, ღია საზაფხულო ტერასით, ჯაკუზითა და ფინური საუნით, Pilates Reformer-ის სტუდიას, იზოლირებულ დამატებით სავარჯიშო სივრცეებს, ფიტ-ბარს, სადაც მომხმარებლებს შეუძლიათ დააგემოვნონ ჯანსაღი ხემსები, ყავა, ნატურალური ხილის წვენები თუ საკვები დანამატები და შეიძინონ სპორტული აქსესუარები, ასევე მასაჟის ოთახს რომელიც მალე ამოქმედდება.
რა უპირატესობა აქვს Reformer-ის სპორტ დარბაზს?
იმის გარდა, რომ ერთ სივრცეში ერთიანდება როგორც სატრენაჟორო დარბაზი, სპა და პილატეს რეფორმერის სტუდია, ჩვენს მომხმარებლებს აქვთ შესაძლებლობა ერთი აბონემენტით მიიღონ წვდომა ორ ფილიალზე და განწყობის შესაბამისად ივარჯიშონ სხვადასხვა ლოკაციაზე.
გვიამბეთ ინსტრუქტორებზე.
ჩვენი მუდმივი მისწრაფება ზრდასა და განვითარებაზე ვლინდება არა მხოლოდ ინფრასტრუქტურისა და მომსახურების ხარისხში, არამედ ჩვენი ინსტრუქტორების თეორიულ თუ პრაქტიკულ ცოდნასა და კვალიფიკაციაში, ჩვენ გყავს როგორც ფიტნესისა და ბოდიბილდინგის, ასევე კრივისა და პილატესის პროფესიონალი მწვრთნელები, რომლებიც მუდმივად მუშაობენ საკუთარ თავზე და პერიოდულად გადიან სხვადასხვა გადამზადების კურსებსა და მასტერკლასებს კვალიფიკაციის ამაღლების მიზნით.
ამის გარდა, ჩვენს ორივე ფილიალში ნებისმიერ მომხმარებელს, რომელსაც გააჩნია ცოდნა და გამოცდილება მხოლოდ ერთი აბონემენტის შეძენით შეუძლია ისარგებლოს ჩვენი ინფრასტრუქტურით, ავარჯიშოს საკუთარი პერსონალური მოსწავლეები და შექმნას საკუთარი სამსახური და სამწვრთნელო კარიერა.
აღნიშნული პრაქტიკა ჩვენთან კომპანიის დარსების დღიდან მოქმედებს, რაც ერთის მხრივ ზრდის კონკურენციას მწვრთნელებს შორის და იძლევა ხარისხის ზრდის გარანტიას, ხოლო მეორეს მხრივ მომხმარებლებს აძლევს მრავალფეროვანი არჩევანის თავისუფლებას ისარგებლონ ჩვენი პერსონალური მწვრთნელების მომსახურებით თუ მოიყვანონ მათთვის სასურველი სხვა მწვრთნელი ვის მიმართაც გააჩნიათ უფრო მეტი ნდობა.
კიდევ რა სახის აქტივობებს სთავაზობს Reformer-ი მომხმარებლებს?
გარდა ზემოთ ხსენებული მრავალფეროვნებისა, ამ სფეროში როგორც პროფესიული ასევე სამომხმარებლო თვალსაზრისით ცოდნის ხარისხის ამაღლების მიზნით ადგილობრივ ბაზარზე მომხმარებლებს ვთავაზობთ როგორც თეორიულ ისე პრაქტიკულ სასწავლო გადამზადების კურსებს ფიტნესისა და ბოდიბილგინგის, პილატესისა და სხვადასხვა ინტენსიური ჯგუფური ვარჯიშების მიმართულებით.
„პირველი ფიტნეს აკადემია“-სთან პარტნიორობით შევქმენით მოკლე და გრძელვადიანი სასწავლო პროგრამები, რაც მოიცავს ისეთ დისციპლინებს როგორიცაა მიოლოგია, ოსტეოლოგია, ენდოკრინოლოგია, სპორტული ფიზიოლოგია, ბიოქიმია, ნუტრიციოლოგია ვარჯიშების ბიომექანიკა, პირველადი დახმარება და სხვა.
კურსების წარმატებით დასრულების შემთხვევაში გაიცემა ევროპული ორგანიზაციების მიერ აღიარებული სერტიფიკატები, ხოლო საუკეთესო კურსდამთავრებულებს ეძლევათ რეფორმერში დასაქმების შესაძლებლობა.
სამომავლო გეგმები გაგვიზიარეთ.
ჩვენი სამომავლო გეგმები რა თქმა უნდა ისევ და ისევ მუდმივ ზრდასა და განვითარებას უკავშირდება. ჩვენი კონცეპტუალური მისიიდან „შთავაგონოთ ადამიანებს რომ უკეთესად ყოფნა შესაძლებელია“ გამომდინარე, ვგეგმავთ ქსელი გავაფართოვოთ ისე და არა მხოლოდ ბათუმში, რომ ყოველი მომდევნო რეფორმერი წინაზე უკეთესი იყოს და ამით გავამართლოთ ჩვენი ძირითადი პრინციპი … შენ VS შენ ..
