სირთულეები ჩემთვის არასდროს წარმოადგენს დაბრკოლებას – ამბობს „OK! ბათუმის“ სტუმარი, პროფესიით ლაზეროთერაპევტი, კოსმეტოლოგი და მასაჟისტი, ნანა ფუტკარაძე, რომელსაც სურდა სილამაზისა და ესთეტიკის საკუთარი ცენტრი ჰქონოდა და დღეს ის Beauty rules-ის მფლობელია. რა გზა გაიარა მიზნის მისაღწევად, რა სერვისს სთავაზობს მომხმარებელს და რას ურჩევს დამწყებ კოსმეტოლოგებს – წაიკითხეთ „OK! ბათუმის“ ინტერვიუში.
გზის დასაწყისი და განვითარების ეტაპები პროფესიაში…
აღნიშნულ სფეროში ჩემი პირველი ნაბიჯები 2019 წელს, „ლოტუსის აკადემიაში“ დაიწყო. შემდეგ დავიწყე პროფესიის განვითარებისთვის ერთ-ერთ ესთეტიკის ცენტრში მუშაობა, რომლის გუნდის წევრი 5 წელი ვიყავი. სწორედ ეს წლები დამეხმარა ჩემი პროფესიის განვითარებაში. ამასთან ერთად, ვსწავლობ სამედიცინო განხრით (საექთანოზე).
რამდენი წელია გაქვთ საკუთარი სილამაზისა და ესთეტიკის ცენტრი Beauty rules-ი? უფრო დეტალურად გაგვაცანით, რას მოიცავს ცენტრის მომსახურება, რა სერვისს სთავაზობთ მომხმარებელს?
2024 წლის იანვარში დავისახე მიზნად, გამეხსნა ჩემი სილამაზის და ესთეტიკის ცენტრი – Beauty rules-ი. ამავე წლის აპრილში მივაღწიე ჩემს მიზანს. ადამიანის შესაძლებლობებს საზღვარი არა აქვს. მესმის, ამ სფეროში დიდია კონკურენცია, მაგრამ სირთულეები ჩემთვის არ წარმოადგენს დაბრკოლებას, პირიქით, სტიმულს მაძლევს და უფრო მიბიძგებს მწვერვალისკენ. რაც შეეხება სერვისს, ჩემს სივრცეში დაგხვდებათ მაღალკვალიფიციური და თავიანთი საქმის პროფესიონალი კადრები. ჩვენთან შეგიძლიათ ჩაიტაროთ ლაზერული ეპილაცია, სახის მოვლისა და გაახალგაზრდავების მიზნით კოსმეტოლოგიური პროცედურები და სარელაქსაციო მასაჟი. ასევე, გთავაზობთ თმის მოვლის პროცედურებს და გელ-ლაქს.
სფეროში, რომელსაც წარმოადგენთ, მაღალი კონკურენციაა, როგორ ფიქრობთ, რატომ უნდა შეაჩერონ ადამიანებმა Beauty rules-ზე არჩევანი?
რაც მომხმარებლისთვის ყველაზე მნიშვნელოვანია, ჩვენთან დაგხვდებათ კომფორტული გარემო, სადაც დაზღვეულია თქვენი ჯანმრთელობა სრული სტერილიზაციის ნორმების დაცვით.
რას ურჩევდით მათ, ვინც პირველ ნაბიჯებს დგამს კოსმეტოლოგიაში?
დამწყებ კოსმეტოლოგებს ვურჩევდი, რომ არასდროს დანებდნენ და მეტად კონცენტრირდნენ განვითარებაზე. თითქმის ზრდასრული ასაკიდან მომწონდა ეს პროფესია და ისეთი სფერო, რაც თავის მოვლასთან იყო დაკავშირებული. გზად ძალიან ბევრი დაბრკოლება შემხვდა, მაგრამ ჩემთვის მნიშვნელოვანი იყო ჩემი ყველა ოცნების სისრულეში მოყვანა.
როგორ გესახებათ Beauty rules-ის მომავალი განვითარება და პერსპექტივები?
მე მჯერა და მწამს, რომ ეს ჯერ დასაწყისია. Beauty rules-ს წინ მრავალმხრივი განვითარება და წინსვლა ელოდება. სამომავლოდ იგეგმება ცენტრის გაფართოება და დიდ მასშტაბებზე გასვლა.
