ქუთაისში გ. ტაბიძის #9-ში ლუდის მუზეუმი „ვაინშტეფანი“, ხოლო წერეთლის #163-ში რესტორანი, სახელწოდებით „შუშაბანდი“, მდებარეობს. მურადი მელაძე, შალვა სესიკაშვილი და შოთა ვაშაკიძე საინტერესო ბიზნესსაქმიანობას ერთობლივად უდგანან სათავეში და მომხმარებელს მრავალფეროვანი არჩევანით ანებივრებენ.
გვიამბეთ თქვენ შესახებ.
ჩვენ, იგივე ლუდის მუზეუმი „ვაინშტეფანი“, ქალაქი-მუზეუმის ტერიტორიაზე არსებული ბარ-რესტორანია, რომელიც საყვარელ ადგილად იქცა, როგორც ჩვენი თანაქალაქელებისთვის, ასევე ქალაქის სტუმრებისთვის. ჩვენს სივრცეში 24 საათის განმავლობაში, მშვიდ და საიმედო გარემოში უამრავი ქართული და ევროპული კერძის დაგემოვნებაა შესაძლებელი.
გვიამბეთ, ბიზნესსაქმიანობით როდის დაინტერესდით?
კონკრეტულად ლუდის მუზეუმი, როგორც ჩვენი ერთ-ერთი მიმდინარე პროექტი, მუშაობის წელიწად-ნახევრიან გამოცდილებას ითვლის. ზოგადად, ბიზნესსაქმიანობას და კვებით ინდუსტრიას კი წლების განმავლობაში ვახორციელებთ, ვხვეწთ და ვაუმჯობესებთ. თითოეულ ჩვენგანს ბიზნესსაქმიანობის გამოცდილება გაგვაჩნია, მათ შორის ერთ-ერთია ზემოთ ხსენებული ლუდის მუზეუმი.
რა მიმართულებებს მოიცავს თქვენი საქმიანობა?
ძნელია კონკრეტულად გამოყო, თუ რას მოიცავს ჩვენი საქმიანობა, ვინაიდან რესტორნის მართვა შეუქცევადი, ხანგრძლივი და მუდამ განვითარებადი პროცესია. შეიძლება ითქვას , რომ ყველა იმ ასპექტსა და საკითხს მოიცავს, რასაც ზოგადად მომსახურების სფერო აერთიანებს.
როგორ ფიქრობთ, რა არის მთავარი პრინციპი წარმატების მისაღწევად?
შრომა, მოთმინება, მონდომება და, ალბათ, ყველაზე მთავარი და მნიშვნელოვანი, რომ საკითხებს, პირველ რიგში, სტუმრების პოზიციიდან შევხედოთ, თუ რა მოლოდინი და სურვილები აქვთ მათ, შემდგომ უკვე თანამშრომლების პოზიციიდან – თუ რა პირობები და დამოკიდებულება სჭირდებათ მათ იმისთვის, რომ ენთუზიაზმითა და გულით შეასრულონ საკუთარი შრომა-საქმიანობა.
თქვენი საქმიანობის მთავარი კონცეფცია.
ჩვენი მთავარი მიზანი და კონცეფცია იყო, შეგვექმნა სივრცე, რომელიც ნებისმიერი ასაკის, სქესის და მისწრაფების ადამიანისთვის საყვარელ ადგილად იქცეოდა.
ასევე, ჩვენი მიზანი და კონცეფცია იყო, შეგვექმნა სივრცე, სადაც ჯანსაღი და გემრიელი საკვების მირთმევა ცოცხალი მუსიკის ფონზე იქნებოდა შესაძლებელი.
სამომავლო გეგმები.
სამომავლო გეგმებს ზრდა და ქსელად გადაქცევა წარმოადგენს. რაშიც იგულისხმება როგორც ჩვენს ქალაქში, ასევე საქართველოს სხვადასხვა კუთხეში ფილიალების შექმნა და ფუნქციონირება.
ტექსტი: ნანა კუკულავა
ფოტო: ლანა ვახტანგაძე
თიკო მელაძე
