Candace Bushnell-ის 1977 წლის წიგნის ადაპტაცია “სექსი დიდ ქალაქში”, მრავალი ემის ჯილდოს და ოქროს გლობუსის მფლობელი პოპულარული სერიალია, HBO-ს ამერიკული სატელევიზიო პროექტი, რომელიც ბევრი ადამიანისთვის ჩაცმის, დახვეწილი სტილის და გემოვნებიანი ქალბატონების ასოციაციას დღემდე ქმნის. სერიალის მთავარი პერსონაჟი ქერი ბრედშოუ საზოგადოებაში ხშირად განიხილება, როგორც 90-იანი წლების საკულტო ჩაცმულობების და ყველაზე განსხვავებული სტილის მქონე ქალბატონი, რომლის როლსაც სარა ჯესიკა პარკერი ასრულებდა.
შეგახსენებთ, რომ ყველა დროის ერთ-ერთი ყველაზე პოპულარული სერიალი ეკრანებს უბრუნდება. რომანტიკული კომედიის უახლეს სეზონს მაყურებელი ძალიან მალე იხილავს.
რამდენიმე საათის წინ ოფიციალური ინფორმაცია გავრცელდა, რომ სერიალის ქასთში სარა ჯესიკა პარკერის თხოვნით სამი ფერადკანიანი ქალბატონი იქნება. მსახიობი ფიქრობს, რომ მთავარ პერსონაჟებს მრავალფეროვნება აკლიათ, რაც ფერადკანიანი ქალბატონების შემოსვლით სერიალს უფრო მეტ ინკლუზიურობას შესძენს.
