დამეთანხმებით ალბათ, რომ ნებისმიერი სადღესასწაულო სუფრის ერთ-ერთი მთავარი მშვენება არის ღვინო. „შატო ნეკრესის“ ღვინო კი საუკეთესო არჩევანია, ეს არის გემოსა და ვიზუალის სრული ჰარმონია.
კომპანია „შატო ნეკრესი“ 2013 წელს დაარსდა და მისი მიზანია, მსოფლიოს გააცნოს ქართული ღვინის 8000-წლიანი ისტორია. თამამად შეიძლება ითქვას, რომ „შატო ნეკრესის“ ღვინოს ყველა კონტინენტზე იცნობენ, რადგან ბრენდის ძირითადი გაყიდვები ევროპის ქვეყნებშია, კერძოდ, სპეციალურ ღვინის ბარებში, სადაც სხვადასხვა ქვეყნის უნიკალური ღვინოების საუკეთესო არჩევანი დაგხვდებათ.
კომპანიის სავიზიტო ბარათია ხარისხი და ემოცია, რომელიც თითოეულ ყლუპს მოაქვს. ევროპულმა ტექნოლოგიამ და ქართულმა ტრადიციებმა საუკეთესო თანამედროვე პროდუქტი შექმნა „შატო ნეკრესის“ ღვინის სახით.
სწორედ კომპანიის ხარისხზე მეტყველებს ის წარმატებები, რომლისთვისაც ბრენდს სხვადასხვა საერთაშორისო გამოფენებზე მიუღწევია, მაგალითად, როგორიც არის: Winexpo, ProWein, London Wine Fair, EnoExpo , 2017 წელს EnoExpo- ზე „შატო ნეკრესის“ ხაზი „202 ქართული დოქი“ დაჯილდოვდა საუკეთესო ვიზუალისთვის, 2018 წელს ქვევრის ღვინის კატეგორიაში ოქროს ჯილდო მოიპოვა „შატო ნეკრესის“ მეღვინის ექსკლუზიურმა ქვევრის „საფერავმა“. გარდა ამისა, „პალიტრისა“ და „ბიბლუსის“ ერთობლივ პროექტში „10 ღვინო, რომელიც უნდა დააგემოვნო, სანამ ცოცხალი ხარ“, „მუკუზანის“ კატეგორიაში ფრანგულ მუხაში დავარგებულმა „მუკუზანმა“ გაიმარჯვა.
საქართველოს ბაზარზე „შატო ნეკრესის“ შემოსვლა იმ მომხმარებელთა მოთხოვნით იყო განპირობებული, რომლებიც ხშირად ხედავდნენ მას ადგილობრივ ფესტივალებზე. ახლა კომპანიის პროდუქციის შეძენა საქართველოშიც არის შესაძლებელი – როგორც ალკოჰოლური მაღაზიების ქსელებში, ასევე სპეციალურ ღვინის ბარებში.
„შატო ნეკრესი“ ითვალისწინებს თანამედროვე ბაზრის მოთხოვნებს, განვითარება და ხარისხი არის ის მთავარი რამ, რისთვისაც გუნდის თითოეული წევრი აქტიურად შრომობს. კომპანიის მიზანია, კიდევ უფრო გაზარდოს ცნობადობა როგორც ადგილობრივ ბაზარზე, ისე მთელ მსოფლიოში. კომპანია ყოველდღიური პროგრესით განაგრძობს საქართველოს სახელის საუკეთესოდ წარმოჩენას მსოფლიოსთვის.
