ზრუნვა სილამაზესა და ჯანმრთელობაზე დღეს ძალიან აქტუალურია. ქალები ვცდილობთ გამოვიყურებოდეთ ძალიან კარგად და მოვლილად, რისთვისაც ვიტარებთ თავის მოვლის სხვადასხვა პროცედურას, სწორედ ამიტომ ხშირად გვიწევს ფიქრი, თუ რომელ ესთეტიკის ცენტრს ვესტუმროთ. დამეთანხმებით ალბათ, რომ აღნიშნულ სფეროში კონკურენცია დიდია, თუმცა მაინც რთულად თუ იპოვით ისეთ სივრცეს, სადაც ერთდროულად ყველა პროცედურის ჩატარებასა და სასიამოვნო განწყობის შენარჩუნებას შეძლებთ. ჟურნალი OK! გაგაცნობთ ესთეტიკის ცენტრ Pro Hub-ს, სადაც დაგხვდებათ კომფორტული გარემო და პროფესიონალთა გუნდი, რომელიც თქვენს სილამაზეზე იზრუნებს. თუ რა არის Pro Hub-ის წარმატების ფორმულა, ამის შესახებ მისი დამფუძნებელი, მაკო ელბაქიძე გვესაუბრა.
როგორია ესთეტიკის ცენტრ Pro hub-ის შექმნის ისტორია?
მიუხედავად იმისა, რომ სხვადასხვა სფეროში დიდი გამოცდილება მქონდა, არჩევანი მაინც სილამაზის ინდუსტრიაზე შევაჩერე. ალბათ იმიტომ, რომ პირადად მე, როგორც მომხმარებელი, სულ ძიებაში ვიყავი, მეპოვა სივრცე, სადაც ხარისხიანი მომსახურება და კომფორტული გარემო თანხვედრაში იქნებოდა.
2019 წელს დავაფუძნე „ნეილ ჰაბი“, რომელიც მხოლოდ ფრჩხილების მოვლის პროცედურებს სთავაზობდა მომხმარებელს, 2023 წლის დასაწყისიდან კი განვახორციელე რებრენდინგი, დავამატე სხვა დანარჩენი თავის მოვლის პროცედურები და ასე შეიქმნა ესთეტიკ ცენტრი Pro Hub, იგივე პროფესიონალების ჰაბი – სივრცე, სადაც გაერთიანებულია თავის მოვლის ყველა საჭირო პროცედურა.
რა პროცედურებს სთავაზობთ საზოგადოებას?
თავის მოვლის უმაღლესი ხარისხის მომსახურებას – ფრჩხილისა და თმის მოვლის პროცედურები, ვიზაჟი, დიოდის სხივით ეპილაცია, ნემსითა და ცვილით ეპილაცია, პერმამენტული მაკიაჟი, ინიექციური და არაინიექციური კოსმეტოლოგია, წამწამებისა და წარბების მოვლის პროცედურები, მასაჟი და სხვ.
მინდა აღვნიშნო, რომ ეს ყველაფერი არ არის, სულ ვცდილობთ ახალი პროცედურები დავამატოთ და მრავალფეროვანი მომსახურება შევთავაზოთ ჩვენს მომხმარებელს, მაგალითად, სტომატოლოგიური მომსახურება. ვაკეში ერთ-ერთ სტომატოლოგიურ კლინიკასთან „სოლარ დენტთან“ თანამშრომლობის ფარგლებში, ჩვენს მომხმარებელს შეუძლია მიიღოს პროფესიონალური მომსახურება ესთეტიკის განხრით, რაშიც იგულისხმება კბილების წმენდა-გათეთრება და ვინირები, ეს ყველაფერი კი ხელმისაწვდომ ფასად.
გარდა ამისა, ჩვენთან მოხმარებელს შეუძლია რამდენიმე პროცედურის ერთდროულად ჩატარება, რათა დაზოგოს თავისი ძვირფასი დრო. ასევე ვთავაზობთ ბინაზე მისვლით მაკიაჟსა და ვარცხნილობას – პატარძალს, რომელსაც არ აქვს დრო, შეუძლია ისარგებლოს ჩვენი სერვისით. მაქსიმალურად ვცდილობთ მოვერგოთ მომხმარებლების სურვილებს და შევთავაზოთ კომფორტული მომსახურება და ხელმისაწვდომი ფასები.
რა გამოგარჩევთ ბაზარზე?
დაარსების დღიდან, სრულად ორიენტირებულნი ვიყავით მომსახურების ხარისხსა და უსაფრთხოებაზე. ამაზე მეტყველებს ჯილდო, რომელიც მოვიპოვეთ 2023 წელს ხარისხისა და გარემოს ნომინაციაში – ხარისხიანი მომსახურება საუკეთესო გარემოში. როგორც უკვე აღვნიშნე, ჩემთვის მნიშვნელოვანი იყო მეგობრული და სასიამოვნო ატმოსფეროს შექმნა და ძალიან მახარებს, როცა ამას თვითონ მომხმარებელიც ხედავს. ჩვენთან თავს დაძაბულად არავინ გრძნობს, რაც იმ მეგობრული და პროფესიონალი სტაფის დამსახურებაა, რომელიც ქმნის Pro Hub-ს. თქვენ შეძლებთ ხარისხიანი პროცედურის პარალელურად ერთი ჭიქა ღვინის თუ ყავის დაგემოვნებას, ხალისიანი განწყობის შექმნას და განტვირთვას.
ცხადია, მომსახურების სფეროში კმაყოფილების მიღწევა მნიშვნელოვანია, თუმცა ამ ხარისხის და მომხმარებლის ნდობის შენარჩუნება უმნიშვნელოვანესია. ყოველთვის ვიცი, რომ Pro Hub-ში მოსული ადამიანი აუცილებლად მიიღებს როგორც ხარისხიან მომსახურებას, ისე განტვირთვის წუთებს, კმაყოფილი მოხმარებელი კი აუცილებლად კვლავ გვესტუმრება. ჩვენ ყველაფერს ვაკეთებთ იმისთვის, რომ თქვენს პირველ არჩევანად დავრჩეთ სილამაზისა და ესთეტიკის სფეროში.
ჩვენთვის ცნობილია, რომ თქვენ გაქვთ აკადემია…
ოქტომბერში გავხსენი აკადემია, რადგან ამ სფეროში და არა მხოლოდ, პროფესიონალი კადრის პოვნა საკმაოდ დიდი გამოწვევაა, ამიტომ გადავწყვიტეთ ჩვენი წვლილი შეგვეტანა პროფესიონალი კადრის ჩამოყალიბებაში. გთავაზობთ თავის მოვლის მომსახურებების სასწავლო კურსებს: მანიკიურ/პედიკიურის საბაზისო კურსი, თმის მოვლის პროცედურები, ლაზეროთერაპია – დიოდი, სახის წმენდის პროცედურები, წამწამების დაგრძელება და ლამინირება, პერმანენტული მაკიაჟი და ეპილაცია, self make-up და ნემსით ეპილაცია. თამამად შემიძლია გითხრათ, რომ ჩვენთან მოსული ადამიანი ჩვენი აკადემიიდან არა მხოლოდ ორენოვანი დიპლომით, არამედ თავისი საქმის პროფესიონალი გავა.
სამომავლო გეგმები…
უპირველესად, არ ვაპირებთ მხოლოდ ორ ლოკაციაზე შეჩერებას, ასევე, პარტნიორობას ვგეგმავთ სხვა დიდ კომპანიებთან. საახალწლოდ გელოდებათ დიდი სიახლე, რომელსაც ჯერ ვერ ვამბობ, თუმცა ერთი შემიძლია გითხრათ, რომ ესთეტიკურ განხრაზე შეჩერებას არ ვაპირებთ, წინ დიდი გეგმები გვაქვს.
საკონტაქტო ინფო:
მის: ვეკუას 43 /ტელ: 557 41 09 41
მის: ევდოშვილის 19 / ტელ: 555 00 46 64
მის: ჭავჭავაძის 37 /ტელ: 593456062
ტექსტი: სოფიო მალანია
ფოტო: ალექსეი სეროვი
