ეს ერთი წელი კლინიკა „დროფსისთვის“ ძალიან ნაყოფიერი და წარმატებული აღმოჩნდა. მან შეძლო მომხმარებლის ნდობის მოპოვება და საზოგადოებაში ცნობიერების ამაღლება ინტრავენური თერაპიის მნიშვნელობის კუთხით. აღნიშნული თერაპია არის სწრაფად მოქმედი პროცედურა, რომელიც ხანგრძლივი ეფექტით გამოირჩევა და დადებითად მოქმედებს როგორც ჯანმრთელობაზე, ისე სილამაზესა და განწყობაზე. ინტრავენური თერაპიის სიკეთეებს შორისაა: რეჰიდრაცია, დეტოქსი, ენერგიის მატება, სისხლის მიმოქცევის გაუმჯობესება, ფრჩხილების, თმისა და კანის ხარისხის გაუმჯობესება. გარდა ამისა, ძლიერდება იმუნური სისტემა, ალერგიული ფონი მცირდება და წესრიგდება ძილი. თუ რომელია ყველაზე მოთხოვნადი ინტრავენური გადასხმა და რა სიახლეებს სთავაზობს კლინიკა საზოგადოებას, ამის შესახებ მისი დამფუძნებლები, ნატა მჭედლიშვილი და სოფა გოგიბერიძე გვიამბობენ.
როგორ შეაჯამებდით ამ ერთ წელს… რა მოლოდინები გქონდათ?
(ნატა): გასულ ერთ წელს რომ გადავხედოთ, ვხვდები, რომ ძალიან ბევრი გამოწვევის წინაშე ვიმყოფებოდით სრულიად მარტო, დარწმუნებულები იმაში, რომ ინტრავენური თერაპია საუკეთესო საშუალებაა ცხოვრების ხარისხის გასაუმჯობესებლად. უამრავი აზრი მოვისმინეთ, მათ შორის ძალიან სკეპტიკურიც, ბევრს არ სჯეროდა, მაგრამ ერთი წლის თავზე გვყავს 900-ზე მეტი ლოიალური პაციენტი, რაც ჩვენი გუნდის ყველაზე დიდი წარმატებაა. ჩვენი არაჩვეულებრივი პროფესიონალი ექიმების მეშვეობით, გახსნის დღიდან, შესრულდა 10 000 გადასხმა, ჩატარდა უამრავი კოსმეტოლოგიური და სხეულის მოვლის პროცედურა. გვინდა ძალიან დიდი მადლობა გადავუხადოთ ყველას, ვისაც ჩვენი სჯეროდა, გვენდო და გამოგვცადა. ამ ნდობას ჩვენ აუცილებლად გავამართლებთ.
რამდენად უსაფრთხოა ინტრავენური თერაპია?
(სოფა): ინტრავენური თერაპიის საიმედოობა მრავალწლიან ისტორიას ემყარება. საერთაშორისო სამედიცინო ექსპერტების მიერ შექმნილი კოქტეილების ადმინისტრირებას ჩვენი პროფესიონალი ექთანები ახორციელებენ − ცხადია, ექიმის მეთვალყურეობის ქვეშ. ყოველი გადასხმის წინ ვეცნობით პაციენტის ჯანმრთელობის ისტორიას.
პროცედურის გვერდითი მოვლენები მინიმუმამდეა დაყვანილი. ინიექციის არეში იშვიათად ვლინდება მცირე სისხლჩაქცევა, ქავილი ან სიწითლე, რაც შესაძლოა რამდენიმე წუთიდან რამდენიმე დღემდე გაგრძელდეს. ძლიერი ალერგიული რეაქციები უკიდურეს იშვიათობას წარმოადგენს.
რომელი აღმოჩნდა ყველაზე მოთხოვნადი ინტრავენური გადასხმა?
(ნატა): ჩვენი ყველა დროის ყველაზე მოთხოვნადი გადასხმებია: დეტოქსი, ანტი-ეიჯი, ანტი-სტრესი და ნაბახუსევის საწინააღმდეგო გადასხმა. ეს უკანასკნელი განსაკუთრებით აქტუალურია დღესასწაულების პერიოდში. მოცემული კოქტეილის წყალობით, თქვენ მოგეცემათ საშუალება, თავი ალკოჰოლური სასმელებით გაინებივროთ, მოსალოდნელ ნაბახუსევზე ნერვიულობის გარეშე. ეს კოქტეილი აღადგენს ორგანიზმს, ავსებს მას მინერალებით, რომელიც ყველაზე სწრაფად დაგეხმარებათ დაუბრუნდეთ ცხოვრების რიტმს.
აგრეთვე გვაქვს კოქტეილი მეტაბოლიკი, რომელიც იწვევს ნივთიერებათა ცვლის გაუმჯობესებას და ცხიმების წვის გაძლიერებას. საბოლოო შედეგი კი არის წონის კლება.
გვესაუბრეთ სიახლეებზე, რომელიც ბოლოს დაინერგა თქვენთან…
(სოფა): სიახლეებს რაც შეეხება, ცოტა ხნის წინ დაგვემატა გამოძახების მომსახურება. ჩვენს პაციენტებს შეუძლიათ მათთვის სასურველ ადგილას ჩაიტარონ გადასხმა, იქნება ეს სახლი, სამუშაო ადგილი თუ სატრენაჟორო დარბაზი. ასევე ცოტა ხნის წინ ჩამოგვივიდა ჩვენ მიერ გამოშვებული ხელის მკვებავი კრემი, რომელიც არაჩვეულებრივია ამ სეზონზე კანის სიმშრალის საწინააღმდეგოდ. ასევე დაგვემატა მიკრონიდლინგი, რაც დაბერების ნიშნებთან საბრძოლველად და კანის გასაჯანსაღებლად ერთ-ერთი საუკეთესო პროცედურაა, რომელიც სულ უფრო და უფრო მოთხოვნადი ხდება.
გაგვიზიარეთ რჩევა, ამ სეზონზე რომელი ინტრავენური გადასხმაა ყველაზე სასარგებლო?
(ნატა): ყველა ჩვენი კოქტეილი ერთნაირად მნიშვნელოვანი და სასარგებლოა, თუმცა ამ სეზონზე აუცილებლად გამოვარჩევდი ლაენეკის გადასხმას, რომელიც იმუნიტეტის წარმოუდგენელი ბუსტერია. კურსის ჩატარების შემდეგ, შეგიძლიათ მთელი ზამთარი მშვიდად იყოთ. გარდა იმუნიტეტის გაძლიერებისა, ლაენეკი ახდენს ქსოვილების მეტაბოლური ფუნქციის ნორმალიზებას, აღადგენს ღვიძლის უჯრედებს და აახალგაზრდავებს ორგანიზმს.
სამომავლო გეგმები…
სამომავლოდ საკმაოდ დიდი და ამბიციური გეგმები გვაქვს. რა თქმა უნდა, ვგეგმავთ გაფართოებასა და ფილიალების დამატებას, როგორც საქართველოში, ასევე მის ფარგლებს გარეთ. რამდენიმე შემოთავაზებას განვიხილავთ და როგორც კი დასრულდება მოლაპარაკების პროცესი, მაშინვე შეგატყობინებთ.
ტექსტი: სოფიო მალანია
ფოტო: ალექსეი სეროვი
