დავით აღმაშენებლის აკადემია, რომელსაც პროფესორი ნანა ჯიქია ხელმძღვანელობს, წლების მანძილზე აკადემიურ პროგრამებთან ერთად ახორციელებს სხვადასხვა ნოვაციურ პროექტებს.
ამჯერად აკადემია ვენისა და კროკის სახელმწიფო უნივერსიტეტების წარმომადგენელი გახდა, რაც საშუალებას აძლევს ქართველ ახალგაზრდებს, ქვეყნიდან გაუსვლელად, დისტანციურად ისწავლონ ვენისა და კროკის სახელმწიფო უნივერსიტეტებში საბაკალავრო, სამაგისტრო და სადოქტორო პროგრამებზე, დაეუფლონ სპეციალობას და მიიღონ საერთაშორისოდ აღიარებული დიპლომი.
როდიდან დაიწყება განცხადებების მიღება, რა პროფესიებს აერთიანებს აღნიშნული კურსები და ვისთვის არის პროგრამა ხელმისაწვდომი დავით აღმაშენებლის სახ. აკადემიის რექტორი პროფესორი ნანა ჯიქია გვიამბობს.
ქალბატონო ნანა, გვიამბეთ ამ პროგრამის შესახებ.
დავით აღმაშენებლის სახ. აკადემია 2015 წლიდან ახორციელებს დისტანციური სწავლების პროექტს, რაც გულისხმობს სხვადასხვა ქვეყნის უნივერსიტეტებიდან პროფესორ მასწავლებლების ჩართულობას ჩვენი აკადემიის სტუდენტებისთვის და მათ შორის რეგიონის ახალგაზრდობისთვის. ამ პროექტში ჩართული გახლავთ 7 რეგიონი. აგრეთვე გულისხმობს დისტანციურ ჩართულობას ჩვენი წარმატებული ქართველი ემიგრანტებისას, რომლებიც პროგრამის ფარგლებში სტუდენტებს საკუთარ გამოცდილებას გაუზიარებენ.
ქალბატონო ნანა, როგორც ჩვენთვის ცნობილია აკადემიაში ფუნქციონირებს ვენისა და კროკის საერთაშორისო უნივერსიტეტების ოფიციალური წარმომადგენლობა. გვიამბეთ ამის შესახებ.
მოგეხსენებათ ამ ყველაფერმა გამოიწვია კონტაქტების მოზიდვა და ერთ დღესაც ვენის სახელმწიფო უნივერსიტეტმა ჩვენ შემოგვთავაზა ჩვენს აკადემიაში გახსნილიყო ვენის უნივერსიტეტის ოფიციალური წარმომადგენლობა, რაც ჩვენს ახალგაზრდობას საშუალებას მისცემდა გაეგრძელებინათ სწავლა სწორედ ამ უნივერსიტეტში. რა საკვირველია სიხარულით დავთანხმდით. ცოტა ხნის შემდეგ წამოვიდა შემოთავაზება იგივე სახის კროკის სახელმწიფო უნივერსიტეტიდან. გავაერთიანეთ ეს ორი შეთავაზება და დღეს ჩვენს უნივერსიტეტში ფუნქციონირებს ვენისა და კროკის საერთაშორისო უნივერსიტეტების ოფიციალური წარმომადგენლობა.
აღსანიშნავია, რომ ისინი ჩვენ გვთავაზობენ 30-35 საბაკალავრო, სამაგისტრო და სადოქტორო პროგრამას.
