უხუცესი, თვითნასწავლი ხელოვანი ლია ტაბიძე 28 სექტემბერს, 92 წლის ხდება, სწორედ ამ დღესთან დაკავშირებით აბრეშუმის გალერეაში მისი სახელობის გამოფენა მოეწყობა, სადაც საზოგადოება მისი ნამუშევრების ხილვას შეძლებს:
ლია ტაბიძე პროფესიით ფილოლოგია, თუმცა პროფესიული და ხელოვნების ნიჭის გარდა ასევე საბავშვო პოეტი და მქარგველია.მას ხელოვნების სფეროში აქვს სამუშაო გამოცდილება, დასაქმებული იყო საქართველოს პოლიგრაფისტთა კულტურის სახლის სამხატვრო ხელმძღვანელად.
მიღებული აქვს მონაწილეობა, როგორც საქართველოში, ასევე თვითნასწავლ მხატვართა საკავშირო გამოფენებში, სადაც მრავალი ჯილდო აქვს მიღებული.
აღსანიშნავია ისიც, რომ ქალბატონი ლია ასაკის მიუხედავად იდეალურ ფორმებს ინარჩუნებს, მისი სილამაზის რეცეპტი კი ასე გამოიყურება: არ იღებს ნიკოტინს, იკვებება დღეში რამდენიმეჯერ თუმცა პატარა ულუფებით, რაც წონის შენარჩუნებაში ეხმარება, ასევე ყოველდღე მიირთმევს 1 ჭიქა ნატურალურ ღვინოს. კვებითი რუტინის გარდა, ქალბატონ ლიას ბუნებასთან კავშირიც ეხმარება, მას სახლში პატარა ბაღი აქვს, რომელსაც წლების მანძილზე უვლის და უფრთხილდება. საბოლოო ჯამში კვებითი მოწესრიგებულობა, საყვარელი საქმიანობით დაკავება და ბუნებასთან კავშირი ჰქმნის შინაგან ჰარმონიას, რომელიც ვიზუალურ მხარეზეც გამოისახება. 
