ერთ-ერთი გამორჩეული ქართველი ტექნო არტისტი, პროდიუსერი და სელექტორი – გაბრიელ გვარამაძე (სასცენო სახელით – Gabrielle Rites) დღეს 25 წლის გახდა! იგი მოღვაწეობას ბერლინში განაგრძობს და ერთ-ერთი ყველაზე ხშირად მოსმენადი ტექნო ლეიბლის – INNERGATE RECORDS-ის და INNERGATED ღონისძიებების სერიის დამფუძნებელი და კურატორი გახლავთ. გერმანიის ტურნედან ახლახანს დაბრუნებული არტისტი დაბადების დღეს საქმიან გარემოში აღნიშნავს და 23 სექტემბრის ღონისძიებისთვის ემზადება.
„ძალიან მიხარია, რომ ქართველმა მსმენელმა მალევე შეიყვარა INNERGATED პროექტი და მისი განუყოფელი ნაწილი გახდა. ეს შედეგი, ჩვენი გუნდის, რეზიდენტების და მხარდამჭერების დამსახურებაა, რისთვისაც დიდ მადლობას ვუხდი ყველას. მაქსიმალურად შევეცდებით, რომ სტანდარტები კიდევ უფრო გავაუმჯობესოთ და საკუთარი ხელწერა დავამკვიდროთ ქართულ ანდერგრაუნდ კულტურაში.
ჩემთვის განსაკუთრებით ეიფორიული და საპასუხისმგებლოა მშობლიურ ქალაქში დაკვრა. ძალიან მიყვარს ქართული აუდიტორია და ჩემი ენერგიების მათთან გაზიარება. ამავდროულად, მადლიერი ვარ იმ უდიდესი სიყვარულისა და ემოციებისთვის, რასაც მათგან ვიღებ. ვფიქრობ, ჩემი, როგორც არტისტის მთავარი ფუნქციაც ისაა, რომ ადამიანების ქვეცნობიერ სამყაროში შევაღწიო და მათ სულიერ მოგზაურობაში დავეხმარო. ისეთ საკითხებზე დავაფიქრო, რაზეც აქამდე არ უფიქრიათ; ისეთი ემოციები აღვუძრა – რაც აქამდე არ განუცდიათ და საკუთარი სუსტი თუ ძლიერი მხარეების აღმოვაჩენისკენ ვუბიძგო” – ამბობს არტისტი.
ღონისძიებების სერიის და ტექნო ლეიბლის პარალელურად, გაბრიელი აქტიურად განაგრძნობს მუსიკალურ კარიერას გლობალურ ტექნო სცენაზე. მას კომპოზიციები და DJ სეტები წარდგენილი აქვს ისეთი არტისტების გვერდით, როგორებიცაა: 999999999, Acierate, Boston 168, Cassie Raptor, Charlie Sparks, Nico Moreno, Parallx, Parfait, Rebekah, Tham, Vendex და სხვები. აგრეთვე, Rites-ის შემოქმედება ხშირად გვხვდება ისეთი მუსიკოსების სელექციებში, როგორიცაა CLTX, Kozlov, Lee Ann Roberts, Nico Moreno, O.B.I., Paula Temple, SNTS, Shlømo, Stan Christ, Don Woezik და ა.შ.
აღსანიშნავია გაბრიელის და ბელგიელი არტისტი – Juul Exler-ის კოლაბორაციული Hard Techno პროექტი, რომელიც სხვადასხვა DJ სელექციაში მოხვდა და უამრავი ტექნო მსმენელის მოწონება დაიმსახურა. EP მოიცავს შემდეგ ელექტრონულ კომპოზიციებს:
- Juul Exler & Gabrielle Rites – Imperial Tomb
- Premiere: Juul Exler & Gabrielle Rites – Valley Of Saints
- Juul Exler & Gabrielle Rites – Monastery of Silence
- Premiere: Juul Exler & Gabrielle Rites – The Idol of Yours [INNERGATED VA00]
- Premiere: Juul Exler X Gabrielle Rites – Phantom Dancer [GOMB67]
ქართველ მსმენელს Gabrielle Rites-ის მოსმენა INNERGATE-ის კოლაბორაციულ ივენთზე: INNERGATED invites THECOMMON: NICO MORENO • AERT • GABRIELLE RITES • LESSSS • NONEOFTHEABOVE • SWART 23 სექტემბერს, თბილისში, Spacehall-ის საკლუბო სივრცეში შეეძლება.
