აგროტურისტული სახლი „ქორენა“ ტყიბულის მუნიციპალიტეტ სოფელ გელათში მდებარეობს. სახლი მდიდარია გარშემორტყმული ულამაზესი ხედებით, ხელისგულზე გაქვს გელათის მონასტერი, მოწამეთის მონასტერი, ხვამლისა და რაჭის მთები. „ქორენა“ 2008 წელს დაარსდა და დღემდე ტურიზმის ბაზარზე საკმაოდ წარმატებულად მუშაობს. სტუმრებს სთავაზობს კომფორტულ ეკოსახლებში განთავსებას, იმერული ტრადიციული წესებით მომზადებულ კერძებს, კულინარიულ მასტერკლასებს, ფოლკლორულ საღამოებს, ტურებს მთელი საქართველოს მიმართულებით.
„ქორენას“ დაქვემდებარებაშია ორი საოჯახო სასტუმრო, ორივე კეთილმოწყობილი და ყველა საჭირო ინვენტარით აღჭურვილი. ეზოშივეა იმერული ოდა, რომელიც 160 წელზე მეტს ითვლის, ამ იმერულ ოდაში ყოფნისას გაითავისებთ წინა საუკუნეების ყოფა-ცხოვრების ამსახველ ტრადიციებს, სადაც იმართება კულინარიული მასტერკლასები, ვახშმები და ფოლკლორული საღამოები.
