დიმიტრი კირხანიდის საკონსულტაციო ცენტრი 7 თვეა, რაც ბაზარზე ოპერირებს. მიუხედავად მცირე დროისა, პროფესიონალი და მოტივირებული ადამიანების გუნდმა შეძლო უამრავი კმაყოფილი და ერთგული მომხმარებლის შეძენა. კომპანია საზოგადოებას სთავაზობს ხარისხიან მომსახურებას საბუღალტრო, ბიზნესსაკონსულტაციო და იურიდიული მიმართულებით. უფრო ვრცლად აღნიშნული სერვისის შესახებ კომპანიის დამფუძნებელი, დიმიტრი კირხანიდი ჟურნალ OK!-ის ესაუბრა.
რა იყო „დიმიტრი კირხანიდის საკონსულტაციო ცენტრის” შექმნის მიზანი?
7 წელია აღნიშნულ სფეროში ვარ, დაგროვილი გამოცდილებიდან გამომდინარე, გადავწყვიტე შემექმნა ჩემი კომპანია. ჩემი მიზანია, რომ ამ სფეროში საქართველოში ერთ-ერთი წამყვანი კომპანია ვიყოთ.
მართალია, დიდი ხანი არაა, რაც ბაზარზე ვოპერირებთ, თუმცა უკვე მნიშვნელოვნად გავიზარდეთ. ამ ეტაპზე „დიმჰოდინგის“ გუნდი შედგება 20 მაღალკვალიფიციური, გამოცდილი და პროფესიონალი თანამშრომლისგან.
გარდა ამისა, ჩვენ გვყავს ერთგული მომხმარებლებიც. ჩვენი კლიენტები ძირითადად არიან ევროპის სხვადასხვა ქვეყნის მოქალაქეები, მათ შორის ბევრია ისრაელიდან. უმეტესად ისინი ჩამოდიან საქართველოში და აფუძნებენ შპს-ს, ყიდულობენ მიწას, აფორმებენ სხვადასხვა ხელშეკრულებას, ამ ყველაფრის იურიდიულად მოწესრიგებაში კი ჩვენ ვეხმარებით.
გვესაუბრეთ, რა სერვისებს სთავაზობთ საზოგადოებას?
ჩვენ მიერ შემოთავაზებული საკონსულტაციო მომსახურება მოიცავს შემდეგ სერვისებს: საბუღალტრო მომსახურება, კომპანიის გახსნა, კონსულტაცია იურიდიულ საკითხებში, საგადასახადო კონსულტაცია, ფინანსური ანალიზი, ბაზრის კვლევა, ბიზნესგეგმის მომზადება, ქონების შეფასება, ღონისძიებებისა და ქორწილის ორგანიზება.
ასევე, „DCKK“ მომხმარებელს სთავაზობს ბუღალტრული მომსახურების სრულ პაკეტს – ფინანსური ანგარიშგება, სტატისტიკა, დეკლარაციების ჩაბარება, თარჯიმნისა და ნოტარიუსის მომსახურება. დამეთანხმებით, ალბათ, რომ ძალიან კომფორტულია, როდესაც ადამიანს ერთ სივრცეში შეგიძლია აღნიშნული სერვისების გამოყენება.
როგორია თქვენი სამომავლო გეგმები?
..DCKK”-ს გუნდი დაინტერესებულია განვითარებასა და კლიენტების წარმატებაზე. როგორც უკვე აღვნიშნე, ჩვენი მიზანია, საქართველოში ამ სფეროში წამყვანი კომპანია ვიყოთ. სამომავლოდ კი საზღვრებს გარეთაც ვგეგმავთ გასვლას, გერმანიასა და ისრაელში ჩვენი კომპანიის ფილიალების დაფუძნებას ვაპირებთ.
ტექსტი: სოფიო მალანია
ფოტო: ალექსეი სეროვი
