საქართველოს კალათბურთის ნაკრების კაპიტანი, თორნიკე შენგელია ნოე სულაბერიძესთან გადაცემაში იმყოფებოდა, სადაც მშობლების შესახებ ისაუბრა:
„დედა არის ის ადამიანი, რომელსაც არც ერთი ჩემი ვარჯიში არ გაუცდენია. არ მახსოვს დღე, რომ ვარჯიშზე წავსულიყავი და დედაჩემი ჩემს გვერდით არ ყოფილიყო. მამა იმ პერიოდში თვითონაც თამაშობდა ხოლმე და ვარჯიშებზე ვერ ახერხებდა, თუმცა თამაშებზე ყოველთვის დადიოდა.“
როგორც თორნიკე ამბობს, მამამისთან დაძაბული ურთიერთობა არასდროს ჰქონია, პირიქით მისგან კალათბურთის თვალსაზრისით რჩევებს მუდმივად იღება:
„მამასთან კალათბურთის მხრივ უფრო იშვიათი ურთიერთობა მქონდა, თუმცა რჩევებს მაძლევდა, რომელიც დღესაც კარგად მახსოვს, ყოველი მისი სიტყვა. დედას ერთადერთი მოთხოვნა იყო, რომ ზრდილობიანი და წესიერი ვყოფილიყავი. მამა არასდროს არ ყოფილა ფიცხი და ის იყო ადამიანი, რომელთანაც მივრბოდი, როდესაც დედა ბრაზდებოდა ხოლმე”
იხილეთ გადაცემა სრულად:
