ჟურნალი OK! „მაკოს ხელნაკეთების“ შესახებ გიამბობთ, რომელიც ულამაზესი სამკაულების მრავალფეროვან არჩევანს გვთავაზობს. ბრენდის დაფუძნების ინსპირაცია აღმოჩნდა ვებგვერდი, რომელიც დახვეწილი სამკაულის ფოტოებს და ბედნიერი მომხმარებლის ღიმილიან სახეებს გვიზიარებდა. ამ და სხვა საინტერესო თემებზე „მაკოს ხელნაკეთების“ დამფუძნებელმა მაკა ლუხუტაშვილმა ისაუბრა, რომელმაც უფრო ვრცლად გვიამბო ბრენდის საქმიანობის შესახებ.
როდის გაგიჩნდათ საკუთარი ბრენდის დაფუძნების იდეა?
3 წლის წინ, როცა მესამე შვილი შემეძინა, მივხვდი, რომ ჩემი ადამიანური რესურსის დიდი ნაწილი ოჯახს დასჭირდებოდა. ვეძებდი საქმიანობას, რომელიც დროის გონივრულად გადანაწილების შესაძლებლობას მომცემდა. სოციალურ ქსელში ვნახე ვებგვერდი, რომელიც საოცარ ნაკეთობებს გვთავაზობდა. შევიძინე მასალა და პირველი სამკაულიც დავამზადე. განსაკუთრებით მომეწონა უშუალოდ მუშაობის პროცესი, რასაც შექმნილი ნაკეთობებიც დაემატა და სამკაულის შექმნა ჩემი ცხოვრების განუყოფელი ნაწილი გახდა.
რა იყო თქვენი ინსპირაცია?
ინსპირაცია აღმოჩნდა ვებგვერდი, რომელიც დახვეწილი სამკაულის ფოტოებს და ბედნიერი მომხმარებლის ღიმილიან სახეებს გვიზიარებდა. გამიჩნდა სურვილი, მეც საკუთარი ინტერნეტსივრცე შემექმნა, რამაც მოტივაცია და პასუხისმგებლობა გამიზარდა.
როგორია პროდუქციის დამზადების პროცესი?
მუშაობის პროცესი ძალიან საინტერესო და გამოწვევებით სავსეა, ვცდილობ, სიახლეები დავნერგო და გავამართლო მომხმარებლის მოლოდინები.
სამკაულები მხოლოდ თქვენი დიზაინით იქმნება თუ მომხმარებელს შეუძლია ცვლილებები შეიტანოს?
სამკაული ძირითადად ჩემი დიზაინით იქმნება, თუმცა მაქვს ეფექტური კომუნიკაცია მომხმარებელთან და მათ აზრს ყოველთვის ვითვალისწინებ.
სად შეუძლია მომხმარებელს თქვენი პროდუქციის შეძენა?
ჩემი სამკაულის შეძენა შესაძლებელია როგორც ონლაინ (სოციალური ქსელის გვერდიდან), ასევე გამოფენა-გაყიდვებზე.
როგორია თქვენი სამომავლო გეგმები?
მომავალში ვგეგმავ გავხსნა პატარა სახელოსნო, სადაც მომხმარებელი არამარტო დაათვალიერებს ნაკეთობებს, არამედ მათი შექმნის პროცესსაც დაესწრება. ასე უფრო ნაყოფიერი გახდება ჩემი და მომხმარებლების ურთიერთობა, უფრო მეტი სამკაული დაამშვენებს უფრო მეტ ქალბატონს.
FB: მაკოს ხელნაკეთები
Tel: 574407510
