2000-იანების ვარსკვლავი და ერთ-ერთი ცნობილი ტელეწამყვანი, თიკო სადუნიშვილი მუდმივად აქტიურად გვხვდებოდა ტელე-ეკრანებზე, მაგრამ მოულოდნელად სრულიად გაუჩინარდა, არ ჰქონდა სოციალური ქსელები, არ ჩანდა არც ერთ ტელეარხზე ან გადაცემაში.
6 წლის შემდეგ პირველად, თიკო სადუნიშვილი გამოჩნდა ტელე-ეთერში, ლელა წურწუმიასთან გადაცემაში „მხოლოდ ლელასთან“ და ისაუბრა იმ პრობლემებზე, რაც იყო მისი გაუჩნარების წინაპირობა.
„6 წლის წინ, ჩემს ცხოვრებაში დაიწყო დიდი დეპრესიის პერიოდი. ძალიან მიჭირდა აღიარება, განსაკუთრებით – ჩემს თავთან, რომ არ ვიყავი კარგად. გავხდი ანტიდეპრესანტებსა და კლუბურ ნარკოტიკებზე დამოკიდებული. დიაგნოზურად მქონდა ტვინის, ინტოქსიკაცია. “
თიკო 2 წლის განმავლობაში, გადიოდა რეაბილიტაციის პროცესს, რომელშიც როგორც თავად ამბობს დაეხმარა ე.წ. „ცხოვრების აუდიტის“ შედგენა :
„შევავსე ცხოვრების აუდიტი – როგორი ცხოვრება მინდა მქონდეს და როგორი მაქვს რეალურად . ეს ორი სია რომ გავაკეთე და შევადარე , მივხვდი, ძალიან განსხვავდებოდა ერთმანეთისგან, მაგ დროს მივიღე გადაწყვეტილება, ჩემი ცხოვრება ყოფილიყო ისეთი როგორც მინდოდა. დავიწყე ჯანსაღი ცხოვრება, ეს იყო მცდელობა, რომ ახალი შესაძლებლობა შემექმნა ცხოვრებაში.“
ტელეწამყვანმა, ასევე ისაუბრა პანდემიის როლზე მისი რეაბილიტაციის პროცესში:
„პანდემია ჩემთვის იყო სამყაროსგან გამოგზავნილი საჩუქარი, რომელიც დამეხმარა რეაბილიტაციის პროცესში, უბრალოდ ყველასგან განსხვავებით ჩემთვის ეს პერიოდი უფრო დიდი ხნით გაგრძელდა. იზოლაცია დამეხმარა იმაში, რომ დავრჩენილიყავი საკუთარ თავთან მარტო, მეპოვნა და თავიდან შემეყვარებინა იგი.“
თიკო სადუნიშვილის გულწრფელი ინტერვიუ, ლელა წურწუმიასთან:
ლელა წურწუმია და თიკო სადუნიშვილი
