როდესაც კაია გერბერი მოდის ინდუსტრიაში გამოჩნდა, ის
საზოგადოებისთვის მხოლოდ 90-იანი წლების საკულტო
სუპერმოდელის სინდი კროუფორდის ქალიშვილი გახლდათ. პუბლიკა
ბევრს საუბრობდა ვარსკვლავური ოჯახის გავლენებსა და სახელზე,
კაიას წარმატებას კი სინდი კროუფორდისა და რენდი გერბერის
პოპულარობას აწერდნენ… წლების გასვლის შემდეგ ყველაფერი
შეიცვალა, კაია გერბერი არაერთ შოუშშ, კამპანიაში, რეკლამასა თუ
კოლაბორაციაში გამოჩნდა, რამაც სკეპტიკურად განწყობილი
საზოგადოება დაარწმუნა, რომ კაია გერბერი არამხოლოდ სინდი
კროუფორდის ქალიშვილი, არამედ ახალი თაობის ერთ-ერთი ყველაზე
შრომისმოყვარე და გამორჩეული ვარსკვლავია.
ყველამ შესანიშნავად ვიცით, რომ პოდიუმზე ძალიან თავდაჯერებული ხართ და
თქვენს საქმეს შესანიშნავად ასრულებთ. რამდენად განსხვავდება ერთმანეთისგან
მოდის ჩვენება და წითელი ხალიჩა? მაგალითად, ძალიან შთამბეჭდავი იყო თქვენი
გამოჩენა კანის წლევანდელ კინოფესტივალზე.
“ვფიქრობ, ყოველი წითელი ხალიჩა ერთმანეთისგან რადიკალურად განსხვავდება.
მაგალითად, კანის კინოფესტივალი ჩემთვის მნიშვნელოვანი იყო, სამხრეთის სამხრეთ
ნაწილი მალიბუს ძალიან ჰგავს, ადგილს სადაც გავიზარდე და მთელი ჩემი ბავშვობა
გავატარე. ვერ ვიტყვი, რომ რომელიმე ღონისძიებაზე შიში და ნერვიულობა მიპყრობს,
თუმცა შედარებით მეტს ყოველთვის Met Gala-ს ღონისძიების დაწყების წინ
ვნერვიულობ”.
როგორი სტილის სამოსს ანიჭებთ უპირატესობას?
“ვფიქრობ, მინიმალიზმი ყოველთვის მიმზიდველია, თუმცა ყველაზე რთულია
“მოსარგებად”, რადგან ყველა დეტალი ზუსტად უნდა იყოს შენზე გათვლილი.
როდესაც წითელ ხალიჩაზე მინდა ეფექტური ვიყო, თუმცა სადა და დახვეწილი კაბა
მოვირგო, ყოველთვის Hedi Slimane-ს ვუკავშირდები, მან ყოველთვის ზუსტად იცის რა
მინდა და ჩემს პიროვნებას როგორი სტილი მოუხდება”.
როგორ ემზადები წითელ ხალიჩაზე გასასვლელად?
“როდესაც წინ მნიშვნელოვანი საღამოა და ცოტას ვნერვიულონბ, ხშირად სასიამოვნო
მუსიკას ვუსმენ. მუსიკა ჩემთვის ყველაფერია, ის ენერგიას მაძლევს და მოტივაციას
მმატებს”.
როგორც თავად ახსენეთ, კანის 2022 წლის დაჯილდოება თქვენთვის ძალიან
მნიშვნელოვანი იყო, რა გახდა თქვენი ინსპირაციის წყარო. როგორ შეარჩიეთ მაკიაჟი,
ჩაცმულობა და თმის ვარცხნილობა ამ კონკრეტული დღისთვის?
“Celine-ის კაბა, რომელიც წითელი ხალიჩისთვის მოვირგე, აბრეშუმის იყო, მას ძალიან
ლამაზი ზურგი ჰქონდა, ვფიქრობ, ეს ყველასათვის შესამჩნევი იყო. გვინდოდა
შეგვექმნა “ლუქი”, რომელიც იქნებოდა “ბუნებრივი”, თითქოს პირდაპირ სანაპიროდან
გარუჯული მოვედი პრემიერაზე. შესაბამისად, მაკიაჟი შედარებით უფრო მუქ, თუმცა
მაინც სადა ფერებში გადავწყვიტეთ. ხშირად ადამიანებს ჰგონიათ, რომ წითელ
ხალიჩაზე გამოსვლა ძალიან მარტივია, თუმცა ეს ასე არაა, ძალიან ბევრი ადამიანი
მუშაობს ერთი ღონისძიებისთვის. თითოეული დეტალი ჩვენთვის ძალიან
მნიშვნელოვანია”.
რა არის თქვენს ჩანთაში? გაქვთ თუ არა აუცილებელი პროდუქტები, რასაც
პრემიერებზე ატარებთ თან?
“ცხადია. მე ყოველთვის თან ვატარებ ტუჩსაცხს – YSL Beauty, ხშირად მიჭირავს ხოლმე
Celine-ის ჩანთა, სადაც ძალიან ბევრი პროდუქტი ეტევა. ზოგჯერ მასში პატარა
კამერასაც ვდებ განსაკუთრებული შემთხვევებისთვის”.
საინტერესოა რომელ კამერას იყენებთ, აპირებთ თუ არა ფოტოგრაფიას
პროფესიონალურად დაეუფლოთ?
“მე მაქვს პატარა Contax T2, რასაც თითქმის ყოველთვის თან ვატარებ, მას შესანიშნავი
ფერები აქვს, რაც თითქოს საშუალებას მაძლევს უკეთესი ფოტოგრაფი ვიყო. დიდი
სურვილი მაქვს ამ საქმიანობას პროფესიონალურად დავეუფლო”.
ყველასთვის კარგადაა ცნობილი, რომ ღონისძიებების შემდეგ გამართულ
წვეულებებზე დასწრება არ გიყვართ, რატომ?
“ვერ ვიტყვი, რომ არ მიყვარს, უბრალოდ წვეულებებზე დიდ დროს არ ვატარებ.
ვცდილობ, საღამოებზე ყოველთვის ადრე მივიდე, რათა ადრე წამოვიდე. ხმაურიან
წვეულებებს ხშირად სახლში ყოფნა, დასვენება, კითხვა და მედიტაცია მირჩევნია”.
ხშირად აღნიშნავთ, რომ ძალიან გიყვართ წიგნების კითხვა, განსაკუთრებით
დამღლელი დღის შემდეგ. შეგიძლიათ გვირჩიოთ რომელიმე საინტერესო წიგნი,
რომელიც ბოლო პერიოდის განმავლობაში წაიკითხეთ?
“ახლახანს დავასრულე Abandon Me-ს წაკითხვა, რომლის ავტორიც Melissa Febos-ია. ეს
არის შესანიშნავი ნაწარმოები, რომელმაც ჩემზე დიდი შთაბეჭდილება მოახდინა.
მახსოვს ერთხელ საზოგადოებაში ვკითხულობდი და უცხო ადამიანების თვალწინაც
კი ამატირა. ეს ყველაზე შესანიშნავი რამაა, რისი გაკეთებაც კარგ ნაწარმოებს შეუძლია.
Abandon Me-ს კითხვის დროს მნიშვნელოვან მონაკვეთებს ხაზს ვუსვამდი, ამიტომ
წიგნის თითქმის ნახევარზე მეტი დახაზულია. ავტორი საუბრობს ისეთ მნიშვნელოვან
თემებზე, რომლებიც დღეს ძალიან აქტუალურია”.
